Apocalipsi 18:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã ãne, wa tô duré te azabu. Hâiwa ãma romhuri'wa isimiwada'uri pire hã ma tô ẽtẽ tõmo wawẽ uptabi hã sarõtõ. Te te sarõtõ wamhã, ma tô âi ba time, â poré ãma. Te te me sina, te ãne tinha: — Ãne te za Babilonia hã 'ri nho'õmo za'ẽne hã sa'ẽtẽ uptabi daré uprosi, si'utõrĩ da. Tawamhã ropsi hã te za oto sô nomro.

Apocalipsi 18:21 ပူးပေါင်းရင်းမြစ်များ

Neemia 9:11

A hã wahi'rata norĩ nhowa â poré na ma tô ãma aipo, ti'a i'ré na te te ãma saprĩ za'ra da hã. Duré isarina isisa'rei mono norĩ ma hã, ma tô i'manha, â 'rehâ uptabi u sisisi da hã, âporé sisasisi 'rowi ẽne 're isisisi mono ne.

Ezodu 15:5

Ma tô â 'rehâ uptabi hã suwa za'ra; ẽtẽ ne, ma tô duré â 'rehâ uptabi u hã asisi.

Daniéu 11:19

Tawamhã apito hã te za apâ oto sina siri, ite ti'ai wa'õtõ nho'õmo 're, 'ri isiptete norĩ u hã. Tane nherẽ, isimi'madâ'âzé hã te za tiwi waptãrã. Tahawa, niwamhã oto 're sihâi'ré mono õ di za.

Apocalipsi 10:1

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã isimiwada'uri pire hã. Hâiwa hawi ma we si'ra, hâiwa'a na ubu ré. Tãiwaipore te duré i'rã nhisiwimhã za. Duré i'ubu hã aiwa bâtâ ro'o ne. Duré unhama ro'o nhoto pa ne, iza hã.

Apocalipsi 12:8

Tane nherẽ, ma tô Migueu norĩ hã ãma ai'uté za'ra. Tahawa, hâiwa ãma 're hâimana waihu'u za'ra mono õ di za oto.

Apocalipsi 16:20

Rob'ré za'iti zama ma uburé pese sisa'wari. Â si ma tô te te sina sinarĩ. Duré ẽtẽ 'rãihâ 're isimasa mono zama ma rere'e, uburé pese.

Apocalipsi 18:10

Tawamhã pi'õ te te irobzépata pipa te, te za romhâ na aimasa. Ãne te za ipibu ma 're sadari za'ra: — Ropipa uptabi hã ma tô asô tiwatobro 'wa, Babilonia ãma 're i'aihâimana za'ra wa'aba mono norĩ zô hã. Ropipa uptabi di. Misi bâtâ na ma ropipa uptabi hã õne haré asô tiwatobro 'wa, 'ri nho'õmo za'ẽtẽ ãma 're i'aihâimana za'ra wa'aba mono norĩ zô. Taha na ma tô irobzépata za'ẽtẽ za'ra wa'wa.

Apocalipsi 18:22

Tawamhã rowamreme õ di za oto. Duré danhimnhihârâzé hã baba di za oto. Duré danhimnhihârâzé isurure hã robaba di za oto. Duré rowamreme'wai õ di za oto, duré isõ're'wai õ di za oto, da te aré 're iwapari za'ra mono hã. Rob'é'é uptabi di za. Duré romhuri nhipese'wa norĩ hã robaba uptabi di za. Duré ẽtẽ tõmo wawẽ 'manharĩ na amnho, da te 're isub za'ra mono zé ruru hã da te 're wapari za'ra mono õ di za. Rob'é'é uptabi di za.

Apocalipsi 20:11

Tawamhã wa tô duré 'madâ, danhib'apito simasisizé irã hã, isa'ẽtẽ uptabi hã. Ãma isãmra hã wa tô duré 'madâ. Tawamhã uburé pese hã, ma tô ti'a hã ai'utõ, duré hâiwa zama. Taha wamhã, marĩ õ uptabi di oto. Tahawa, da te 're 'madâ'â zahuré mono õ di oto, ti'a norĩ hã hâiwa me. Tâibâ ma tô ai'utõrĩ pese zahuré.

Apocalipsi 5:2

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa, isimiwada'uri pire hã. Ãne te nasi anha ta hã, mreme 'rãihâ na: — E 'wa hã danhipai u iwẽ uptabi, duré iwaihu'u pese uptabi hã te za 7 na ibaihâ nhinha uptobzé hã prub za'ra, ibaihâ te te sõ'a da. E 'wa hã te ãhã da hã sada tihâiba.