Ma tô duré ho'orã hâiba ne ropoto siwamnarĩ ãma tawata za'ra ni aihĩni, â hawi ropoto siwamnarĩ ma, tinhimi'manharĩ waihu'u pese zé hã te te tãma sõmri wa. Tane ma tô duré â hawi ropoto siwamnarĩ ãma tawata za'ra ni. Ãne te ãma tawata za'ra ni: — E 'wa hã isine hâimana waihu'u pese bâ. E 'wa hã duré isiptete wabzu'wa pâ.
Apocalipsi 18:18 - ꞌRe Ihâimana Uꞌâsi Mono Zadawa Wasuꞌu18 Tawamhã ã norĩ hã 'ri nho'õmo nhizé, te te sãmri za'ra wamhã, te za duré 're sadari za'ra. 'Re sadari za'ra mono sina, te za ãne sima nharĩ za'ra: — Õ hã 'ri nho'u hã iwẽ uptabi aré. Isine hã 'ri nho'u hã i'maihâimana waihu'u õ. အခန်းကိုကြည့်ပါ။ |
Apocalipsi 18:18
8 ပူးပေါင်းရင်းမြစ်များ
Tawamhã unhama ro'o nhizé hã te te ãma 're irobzépata za'ra mono nhizé hã te õne u'âsi 're sizédé 'rãti u'âsi, hâimo. Unhama ro hã ro'o nhimizazâri waihu'u õ di, â hawi ropoto siwamnarĩ ãma 're iwata za'ra mono norĩ ma hã, duré ihâiba 'manharĩ na romhâiba ãma 're iwata za'ra mono norĩ ma hã, duré isisi na i'ui'éré za'ra norĩ ma hã. Õne u'âsi te ã norĩ hã robzépata wi 're wairébé waihu'u mono ãna, te te 're robzépata u'âsi za'ra.
Tawamhã Babilonia na 'ri nho'õmo za'ẽtẽ nhisi ãma, ma ti'a sãsã'ã na ti'a sipo'o. Si'ubdatõ iwa'õtõ na ma tô ãma sipo'o. Ãne ma tô 'Re ihâimana u'âsi mono hã tinhimi'ahâri pipa zém na te te dama arob'manharĩ, Babilonia ãma 're idahâimana wasété za'ra mono norĩ ma. 'Re idahâimana wasété za'ra mono zé hã tiwi simani õ di. Tahawa, uwa 'rãi wa'u isé pire hã da te 're huri mono wa, da te 're isépata za'ra mono ne, ma tô 'Re ihâimana u'âsi mono nhimihâzé hã da te 're sépata za'ra. Duré daro mono bâ 'ri nho'õmo mono bâ ma duré ropsisa'wari. Tahawa, ma uburé ropsi'utõrĩ pese, 'ri nho'õmo mono bâ.
Sô siwa'õ za'ra sina, te za ãne sima ãma nharĩ za'ra: — Ropipa uptabi hã ma tô dazô watobro, 'ri nho'õmo za'ẽtẽ ãma 're idahâimana za'ra mono norĩ zô hã. Da'uza ihâiwẽ uptabi na te aré 're dasi'uza za'ra, ihâpré pese na duré ihâpré dâ'â na iwa'âbâ za'ẽtẽ na si. Dasipesezém na iwa'âbâ za'ẽtẽ na ma tô aré 're dasipese za'ra, oru 'manharĩ na, duré ẽtẽ'ubuzi iwa'âbâ za'ẽtẽ na, duré a'é tõmo wawẽ ne itob'a 'manharĩ na. Ãne aré marĩ na 're idasipese za'ra mono zé hã.
ကြော်ငြာတွေ