Apocalipsi 18:13 - ꞌRe Ihâimana Uꞌâsi Mono Zadawa Wasuꞌu

¹³ Ãne duré, rowede'wa norĩ wi, aré da te 're i'uipra za'ra mono hã; wedewa'u zadaze upsãtã mono bâ, dasai warĩrĩzéb da hã, duré 'ri 're zadazezéb da hã, duré dasihâiba'u'rézéb da hã, wedewa'u zadaze iwa'âbâ za'ẽtẽ mono hã. Ã hã rowede'wa norĩ wi, aré da te 're i'uipra za'ra mono hã; uwa 'rãi wa'u isé hã, duré azeitona 'rãi wa'ui wa hã, duré trigu i'rãi ré hã, duré isu pese uptabi hã, duré powawẽ hã, duré pone'ẽrebâ hã, duré awaru hã, duré wede na wedewara hã, duré dapawa'âbâ ãna da te dama 're iromhuri za'ra mono hã. Ãne te uburé marĩ hã da te 're uipra za'ra aré, rowede'wa norĩ wi hã.

Apocalipsi 18:13 ပူးပေါင်းရင်းမြစ်များ

Neemia 5:8

Tawamhã wa tô duré ãne tãma nharĩ za'ra: — Wa norĩ hã wanhimarĩ wama 're ihâimana za'ra mono zarina, wa tô wasiré a'uwẽ zudeu norĩ, wasiré a'uwẽ'õ norĩ wi hã apâ wa te 're uipra za'ra, aré 'râwi dama 're isiwede za'ra mono norĩ hã. Ãne nherẽ, te duré oto ãhã na awa'awi na a norĩ wa'wa hã asiré a'uwẽ norĩ zada, asiptede hã sada 're i'manharĩ za'ra wa'aba mo, 'râwi aima 're siwede za'ra wa'aba mono da hã! Tawamhã dama ipire norĩ hã ma tô ari'iwi pese tihâimana za'ra, te te ãma ĩzada'âbâ za'ra ãna, niha na.

Provébiu 7:17

Wa tô waptâ hã 'ma'wama sadaze da, wedewati isadaze na, duré wedehâ 'wa'ri isadaze na hã.

2 Pedru 2:3

Tô senai'õ na rowasu'u'wa norĩ hã te za taré rob'uiprazéb zô, tinhimirosa'rata na si, marĩ na te te aima 're rowasu'u za'ra wa'wa. Tane nherẽ, ta norĩ hã iwasété na 'Re ihâimana u'âsi mono ma, waihu'u pese di. Tahawa, isimihâzé wi, 're sisõ'reptu waihu'u za'ra mono õ di za.

Apocalipsi 18:14

Tawamhã rowede'wa norĩ hã te za 'ri nho'õmo ma nharĩ za'ra, ãne: — Uburé pese marĩ iwẽ hã sô 're irob'ruiwapari za'ra wa'aba mono hã ma si'utõrĩ. Uburé asibro hã ma tô isimini pese za'ra wa'wa. Oto sõpẽtẽ zahu za'ra wa'aba õ di za.

Apocalipsi 18:15

Tawamhã roptede'wa norĩ dama rowede'wa norĩ hã danhibro pese na da te tiwi 're irob'uipra za'ra mono zém na 're isisibro pese uptabi za'ra mono norĩ hã te za duré romhâ na aimasa, 'ri nho'õmo nhiti. Babilonia ãma da te irobzépata za'ra pipa te, te za romhâ na aimasa. Te za duré sô aiwa'õ za'ra.