Apocalipsi 18:1 - ꞌRe Ihâimana Uꞌâsi Mono Zadawa Wasuꞌu

¹ Taha pari, wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã. Hâiwa hawi te wei mo, isimiwada'uri pire hã. Ihâiba hã te rowa'a za'ẽtẽ, ti'ai mono bâ.

Apocalipsi 18:1 ပူးပေါင်းရင်းမြစ်များ

Luca 17:24

Tã si'ubuzi, te te 're rowa'a mono wamhã, dama rob'madâ'â pibu pese di, hâiwa mono bâ hã. Tane, ti'ai ãma Dasiré Ipodo hã apâ wei morĩ wamhã, aihĩni te za 'madâ'â za'ra ni.

2 Tesalonita 2:8

Tawamhã iwasété uptabi hã te za we sihâi'ré oto, danho'a te te romhuri da. Tane nherẽ, Wanhib'apito Zezusi hã wei morĩ wamhã, tizadawa wa'u'u na te za tiwĩ. Rowa'a za'ẽtẽ ré wei wisi wamhã, taha wamhã iwasété uptabi hã tâibâ za oto.

Apocalipsi 10:1

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã isimiwada'uri pire hã. Hâiwa hawi ma we si'ra, hâiwa'a na ubu ré. Tãiwaipore te duré i'rã nhisiwimhã za. Duré i'ubu hã aiwa bâtâ ro'o ne. Duré unhama ro'o nhoto pa ne, iza hã.

Apocalipsi 17:1

Tawamhã 7 na hâiwa ãma romhuri'wa norĩ siré hã ma tô we ĩtẽme 'maimo, u'awi ré ihâimana za'ra norĩ siré hã. Tawamhã te ĩzatõ, ãne: — We ĩsiré aimorĩ, Babilonia na 'ri nho'õmo za'ẽtẽ nhisi ãma 're idahâimana wasété za'ra mono norĩ ma, 'Re ihâimana u'âsi mono te te irob'manharĩ pipa zé hã sabu da. Panho'õmo si'rutu 'rata, te 'ri nho'õmo za'ẽne hã 're hâimana. Pi'õi wasédé iwa'âbâ zô aibâ ma, 're isisõmri mono ne, te Babilonia ãma hã 're dahâimana wasété uptabi za'ra.

Apocalipsi 17:7

Tawamhã hâiwa ãma 'Re ihâimana u'âsi mono ma romhuri'wa hã te ĩzadanha, ãne: — E marĩ da, ma tô ãma atob'uzu. E waihu'u ã bâ. Waihu'u õ wa, wa za tô oto aima hâi'ré, pi'õi hâimanazé hã dama isa'rese'õ hã. Duré â hawi ropoto siwamnarĩ hâimanazé hã wa za duré aima hâi'ré, isisiwi pi'õ isãmra hâimanazé hã, 7 na i'rã hã, duré 10 na i'u hã.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.