Apocalipsi 17:18 - ꞌRe Ihâimana Uꞌâsi Mono Zadawa Wasuꞌu

¹⁸ — Duré ã pi'õ i'madâ hã ã 'ri nho'õmo za'ẽne hã te wasu'u, dama isa'rese za'ẽne hã. Ã 'ri nho'õmo ãma danhib'apito hã dama ipire hã, daro mono bâ dama ipire norĩ nhipai u 're ihâimana mono. Õ norĩ hã te te 're i'awada'uri mono.

Apocalipsi 17:18 ပူးပေါင်းရင်းမြစ်များ

Daniéu 7:23

Tawamhã ãne te te ĩma ãma isaprĩzé hã ma tô ĩma wasu'u: — Maparane si'uiwa na ãma ropoto siwamnarĩ hã, maparane si'uiwa na ãma ti'ai ãma da'madâ'âzé hã te wasu'u. Ti'ai ãma isimi'madâ'âzé hã ihâiba amo norĩ nhimi'madâ'â za'ra zém nei õ di. Ta hã te za uburé ti'ai mono bâ 're idahâimana za'ra mono hã a'uprosi. Te za duré te te da'anhiwazui pese. Te za duré tipara na te te da'anhinhizu pese.

Luca 2:1

Tawamhã Zuwã hã waptã'ã wamhã, ma tô Roma ãma danhib'apito Agustu hã dama ti'ru, uburé danhisi na, da te daza'rata za'ra da. Dahâiba te te waihu'u da, ma tô dama ti'ru, daza'ratazé hã. Daza'rui mono bâ danhib'apito uptabi, apito Agustu hã. Tawamhã ma tô dahâiba za'rata na sãna'rata za'ra ni, Sireniu hã, isadawa para te te dama 're roti mono ré, Siria na ti'a nhisi ãma.

Apocalipsi 11:8

Tawamhã 'ri nhi'riti 're za'ẽtẽ ãma, te za taré ihâiba hâ hã tiza'wari zahuré, 'ri nho'õmo za'ẽtẽ ãma, wede nhonhi'rãmi na Isib'apito za'ra, da te dasiwi iwĩrĩzém nho'õmo ãma, dama isa'rese za'ẽtẽ ãma. Sodoma na 'ri nho'õmo nhisi ãma, 're idahâimana wasété za'ra mono ne, ã 'ri nho'u hã. Duré Ezitu na romnhisi ãma 're idahâimana wasété za'ra mono ne hã, ã 'ri nho'u hã. Ãne 'ri nho'õmo zahuré na ãma isimiré'ézé hã, Zeruzalẽ hã.

Apocalipsi 12:4

Tawamhã tizamo na ma tô wasi hã waibu, hâiwa ãma 're isimasa mono hã. Ahâ uptabi prã na ma tô waibu, isa'ratazé wãiwa prã na. Tawamhã te te waibui wamhã, ti'ai u ma tô sa'ẽtẽ sãmra. Tawamhã pi'õ nho're te za, ho'orã hâiba ne ropoto siwamnarĩ hã. Pi'õ te sapa i'ra zô, waptã'ã wi te te 'rẽne da.

Apocalipsi 16:19

Tawamhã Babilonia na 'ri nho'õmo za'ẽtẽ nhisi ãma, ma ti'a sãsã'ã na ti'a sipo'o. Si'ubdatõ iwa'õtõ na ma tô ãma sipo'o. Ãne ma tô 'Re ihâimana u'âsi mono hã tinhimi'ahâri pipa zém na te te dama arob'manharĩ, Babilonia ãma 're idahâimana wasété za'ra mono norĩ ma. 'Re idahâimana wasété za'ra mono zé hã tiwi simani õ di. Tahawa, uwa 'rãi wa'u isé pire hã da te 're huri mono wa, da te 're isépata za'ra mono ne, ma tô 'Re ihâimana u'âsi mono nhimihâzé hã da te 're sépata za'ra. Duré daro mono bâ 'ri nho'õmo mono bâ ma duré ropsisa'wari. Tahawa, ma uburé ropsi'utõrĩ pese, 'ri nho'õmo mono bâ.

Apocalipsi 18:2

Tawamhã mreme 'rãihâ na te 'mahâ. Ãne te 'mahâ: — Babilonia hã dahu nho'u dama isa'rese za'ẽne hã ma tô daré ai'utõ. Ma tô uprosi ni. Ahâ uptabi na te oto iwasété norĩ hã iwa 're hâimana za'ra, wa'uburé norĩ hã. Sipahutu norĩ zama, duré si'õmo norĩ zama te oto ahâ uptabi na iwa 're hâimana za'ra, uburé pese si iwasété norĩ hã.