Apocalipsi 16:8 - ꞌRe Ihâimana Uꞌâsi Mono Zadawa Wasuꞌu

⁸ Taha pari, hâiwa ãma romhuri'wa hã maparane si'uiwa na ãma ma tô duré ta hã tinhi'u'awi wamhã sa'wa, bâtâ nhisiwi. Te te sa'wari wamhã, ma tô titõmo wa'ro pese. Tahawa, ma tô te te dahâiba zata, bâtâ tõmo wa'ro zé pire hã.

Apocalipsi 16:8 ပူးပေါင်းရင်းမြစ်များ

Zona 4:8

Bâdâ 'rãiwatobro parimhã, 'Re ihâimana u'âsi mono hã ma tô duré rowa'u'u wa'ro ma rob'ru, watobro da, bâtâ pusizém hawi. Tahawa, ma tô aré tiwi tirobra Zonahã wi, wa'ro uptabi wa, bâdâ hã te te 'rãi wa'ro pese wa. Tawamhã dâ'â da si, te oto sima wẽ. Tahawa, te ãne tinha: — Ĩma hã wẽ di ĩdâ'â da hã, 're ĩhâimana mono zém nhipai u.

Mateu 13:6

Tawamhã bâdâ hã oto 'rãiwatobro wamhã, rowa'ro wa, ma tô ro'wanhipré hã ti'wanhipré 'ré za'ra, isari hã te te sina rowa'ré za'ra mono õ wa.

Luca 21:25

Romhâ ré, ma tô duré ãne na hã tãma waihu'u siromo za'ra, Zezusi hã: — Niwapsi te za marĩ aimawi hã 'madâ'â za'ra ni, bâtâ na hã, a'amo na zama, wasi norĩ na zama. Â poré a'a 'reptã'ã ma, te za tapahi za'ra ni, â poré nhibzaihâ ma zama. Daro mono bâ, dama robzei'õ uptabi za'ra di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:20

Bâdâ te te duré rob'uiwẽ õ di za. Te za tirobra. A'amo zama hã te za titõmo wapru. Ãne wa za 'manha, uburé Danhib'apito nhibâdâ hã iwa waptã'ã õ ré, ipire uptabi hã.

Apocalipsi 14:18

Tawamhã ma tô duré hâiwa ãma romhuri'wa aimawi hã watobro, wedeza ne hawi, 'Re ihâimana u'âsi mono ma, danhoprubzé nomrizém hawi. Ta hã wedeza ne na unhama 'madâ'â'wa. Ta hã roptehârizé te te 're i'râ'âri hã te 'mahâ. Ãne te 'mahâ: — Ma'ãpé, uwa 'ru 'rã hã anhimizuhâri mono, daro mono bâ 're isimnhatã mono hã. Asimiroptehârizém na te za oto i'anhimizuhâri mo, 'rãi prédu mono wa.

Apocalipsi 6:12

Tawamhã wa tô duré 'madâ. Te 'madâ'â wamhã, ma tô Pone'ẽrebâ hã duré pru imropâ ãma hã, ibaihâ nhinha uptobzé hã. Te te pru wamhã, awa'awi ma tô ti'a hã sãsã'ã, sa'ẽtẽ uptabi. Bâdâ hã ma tô duré titoptâ'â, zazahâ ihâ 'rãdâ'â uptabi ne. A'amo hã ma tô duré titõmo wapru.

Apocalipsi 7:16

Tawamhã ã norĩ hã mra te te 're sépata zahu za'ra mono õ di za oto. Duré te te 're 'rubu zahu za'ra mono õ di za oto. Bâdâ hã te te 're hâiba zata waihu'u za'ra mono õ di za oto. Duré aimawi rowa'ro ipire hã te te 're hâiba zata waihu'u za'ra mono õ di za oto.

Apocalipsi 8:12

Tawamhã hâiwa ãma romhuri'wa hã maparane si'uiwa na ãma hã ma tô duré tinhimnhihârâzém na amnhihârâ. Simnhihârâ wi, ma tô bâdâ hã itõmo wãiwa prã na titobra. A'amo zama ma duré itõmo wãiwa prã na titobra. Wasi norĩ zama, ma duré itõmo wãiwa prã na tobra. Tahawa, te te rob'uiwẽ prã za'ra di wasi norĩ hã, bâtâ norĩ me, duré a'amo norĩ me.

Apocalipsi 9:2

Tawamhã wasi hã ma tô ab're 'rehâ hã 'ridawa. Te te 'ridawa wamhã, ma tô isizé hã watobro, ab're 'rehâ hawi. Isizé hã unhama ro'o za'ẽtẽ nhizédé ne hã. Tawamhã watobro wamhã, ma tô bâdâ hã tõmo utõ. Ma tô duré hâiwa'utõ, ab're 'rehâ nhizé hã. Tahawa, ma tô daro mono bâ tirobra.