Tawamhã hâiwa ãma 'Re ihâimana u'âsi mono nhorõwa 'ri ãma hã, ma tô ni'wa hã 'ridawa hã 'ridawa. Te te 'ridawa wamhã, te oto wedehâ're hã sõ'awi 'ri para za. Wedehâ're 're, te ẽtẽpo i'ui'éré ré hã da'wa, duréihã 'Re ihâimana u'âsi mono te te tinhib'a'uwẽ ma iropisutuzéb ui'éré ré hã. Tawamhã ma tô tãiwapsa hã watobro, tãirãrã'ã zama, tãsi'ubuzi zama. Ti'a hã ma tô duré sãsã'ã. Tãzâ hã ma duré asa'wa, ipire hã.
Apocalipsi 16:1 - ꞌRe Ihâimana Uꞌâsi Mono Zadawa Wasuꞌu1 Tawamhã wa tô duré wapa, 'Re ihâimana u'âsi mono mreme hã, imreme 'rãihâ hã hâiwa ãma, isõrõwa 'ri hawi. 7 na hâiwa ãma tãma iromhuri'wa norĩ ma, te rob'ru za'ra. Ãne te tãma rob'ru za'ra: — Mo oto ai'aba'réi wa'aba ti'ai u, 7 na u'awi hawi ĩnhimihâzé hã sa'wari za'ra wa'aba mono da. အခန်းကိုကြည့်ပါ။ |
Apocalipsi 16:1
17 ပူးပေါင်းရင်းမြစ်များ
Tawamhã hâiwa ãma romhuri'wa ihâiba amo hã ma tô hâiwa ãma 'Re ihâimana u'âsi mono 're isãmra mono zém hawi watobro, 'ri hawi. Watobro wamhã, te mreme 'rãihâ na 'mahâ, hâiwa'a na isãmra hã. Ãne te 'mahâ: — Ti'ai ãma daro mono bâ hã ma tô amnho 'rãi'ré pese mono. Tahawa, ma tô oto iwa waptãrã, iroptehâri mono zéb da hã, bâdâ. Tahawa, ma'ãpé roptehâri mono, asimiroptehârizém na.
Tawamhã ma tô duré hâiwa ãma romhuri'wa aimawi hã watobro, wedeza ne hawi, 'Re ihâimana u'âsi mono ma, danhoprubzé nomrizém hawi. Ta hã wedeza ne na unhama 'madâ'â'wa. Ta hã roptehârizé te te 're i'râ'âri hã te 'mahâ. Ãne te 'mahâ: — Ma'ãpé, uwa 'ru 'rã hã anhimizuhâri mono, daro mono bâ 're isimnhatã mono hã. Asimiroptehârizém na te za oto i'anhimizuhâri mo, 'rãi prédu mono wa.
Tawamhã wa tô duré marĩ hã 'madâ, hâiwa nhirõtõ na dama isa'rese'õ hã ãma 're idatob'uzu za'ra mono hã. Hâiwa ãma romhuri'wa norĩ hã te 7 na aimasa. Ta norĩ ma, ma tô 'Re ihâimana u'âsi mono hã pisutu, 7 na rob'manharĩ pipa mono na hã, irẽme ma te te taha na dama ãma 're rob'manharĩ za'ra mono da. Ã norĩ hã 'Re ihâimana u'âsi mono nhimi'ahârizéb 'rãsudu, te wasu'u.
Tawamhã da'rãirẽme hã 7 ãma hâiwa ãma romhuri'wa hã ma tô duré tinhi'u'awi wamhã sa'wa, hâiwa nho're 're iromhâimana mono nhisiwi. Te te sa'wari wamhã, hâiwa ãma 'Re ihâimana u'âsi mono nhorõwa 'ri 're, danhib'apito simasisizém hawi te tinha, mreme 'rãihâ na, ãne: — Tâibâ za oto. Ã hã, da'rãsutu'wa.
Tahawa, te za aimo ãhã na hã, amalequita norĩ a'wapé da. Te za uburé pese isimarĩ za'ra marĩ hã tiwi i'a'upro za, ãma aipẽ'ẽzé za'ra ãna, duré ãma aiwamri za'ra ãna. Uburé pese te za i'upro za aibâ norĩ hã, pi'õ norĩ, ai'uté norĩ, ai'utépré norĩ, powawẽ norĩ, pone'ẽrebâ norĩ, awaru ba'õmore norĩ hã, duré awaru po'repore norĩ zama.
ကြော်ငြာတွေ