Apocalipsi 14:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã uwa 'ru 'rã, ẽtẽ're 're te te anhamra mono wamhã, ma tô a'rãiwati, iwa'u zô. 'Ri nho'õmo nhiti da te 're iwati za'ra mono zéb 're, ma tô a'rãiwati. Te te awati wamhã, dawapru na iwa'u hã tawamhã, ma tô puru, ẽtẽzapu'u hawi. Pu'u wamhã, â wara tete ne te tipraba, dawapru na iwa'u hã. 300 na ti'ai pibuzéb zarina te tipraba, dawapru hã. Duré misi ipibuzé wãiwa, ma ti'â'masisi hâimo, â 'rehâ prã na.

Apocalipsi 14:20 ပူးပေါင်းရင်းမြစ်များ

Zenezi 49:11

Ta hã te za tite awaru po're pore 'rare na iwata wazi na te te ãma 're wasisi, uwa 'ru iwẽ uptabi 're isa mono na hã. Te za uwa 'rãi wa'u isé na ti'uza te te 're ahâi'upsõ. Duré te za uwa 'rãi wa'u isé na tisi'ubuzé hã te te 're upsõ, dawapru ne na rob'rãi wa'u na hã.

Zuéu 3:13

A'uwẽ norĩ wasédé hã sa'ẽtẽ uptabi di. Tahawa te za ta norĩ hã asiwi i'uprosi 'wa, trigu 're 'rãi 'ré za'ra mono wa, da te dasiwi 're itehâri za'ra mono ne, duré uwa 'rã iwa'u zô, da te 're iwati'i za'ra mono ne, i'rãi wa'u hã 're ipu'u za'ra mono zéb u isémezém hawimhã.”

Apocalipsi 11:8

Tawamhã 'ri nhi'riti 're za'ẽtẽ ãma, te za taré ihâiba hâ hã tiza'wari zahuré, 'ri nho'õmo za'ẽtẽ ãma, wede nhonhi'rãmi na Isib'apito za'ra, da te dasiwi iwĩrĩzém nho'õmo ãma, dama isa'rese za'ẽtẽ ãma. Sodoma na 'ri nho'õmo nhisi ãma, 're idahâimana wasété za'ra mono ne, ã 'ri nho'u hã. Duré Ezitu na romnhisi ãma 're idahâimana wasété za'ra mono ne hã, ã 'ri nho'u hã. Ãne 'ri nho'õmo zahuré na ãma isimiré'ézé hã, Zeruzalẽ hã.