Apocalipsi 14:2 - ꞌRe Ihâimana Uꞌâsi Mono Zadawa Wasuꞌu

² Tawamhã wa tô duré wapa, hâiwa hawi ni'wai mreme hã. Â'a'a 'rãihâ ruru'u ne, imreme hã. Duré tãiwapsa'a za'ẽtẽ rãrã'ã ruru'u ne, imreme hã. Rowamreme'wa, tinhimirowamremezém na te te 're irowamreme za'ra mono ne, imreme hã.

Apocalipsi 14:2 ပူးပေါင်းရင်းမြစ်များ

Ezodu 19:16

Tawamhã si'ubdatõ bâtâ ãma mararé ma tô tãirãrã hã, duré tã si'ubuzi hã watobro. Hâiwa 'rãdâ hã ma tô duré ẽtẽ nhisiwimhã sihâi'ré. Tahawa, ma tô danhimnhihârâzé hârâ hã wapari za'ra ni. Tawamhã uburé 'ri nhoré ãma idahâimana za'ra hã ma tô dapahi te tarẽrẽ'ẽ za'ra ni.

Ezodu 20:18

Tawamhã tãirãrã, duré danhimnhihârâzé hârâ hã ma tô wapari za'ra ni. Ma tô tã si'ubuzi hã, duré romnhizé ẽtẽ hawi iwatobro hã 'madâ'â za'ra ni. Tawamhã tãma darẽrẽ'ẽ za'ra wa, ma tô romhâ na tahâimana za'ra ni.

1 Corĩtu 13:1

Ti'ai ãma hâiwa ãma zama, uburé damreme mono bâ te dama 're arowasu'u wẽ mono nherẽ, ĩnhimizawi pese zé hã ĩma 're hâimana mono õ wamhã, piza'a 're baihâ 'manharĩ tede hã, da te 're tata'a za'ra mono wa, 're wamreme 'rãihâ za'ra mono wa, da te 're iwapari a za'ra mono ne, wa aré taré te dama 're arowasu'u. Ãne wamhã, marĩ dai õ di aré tô, dama 're ĩnhimirowasu'u mono zé hã.

Apocalipsi 1:10

Tawamhã tame ĩnhamra ré, Wanhib'apito nhibâtâ na 'Re ihâimana u'âsi mono pẽ'ẽzani hã ma tô ĩ'uihâ pi'ra. Te te ĩ'uihâ pi'rai wa, wa tô aimawi ĩhâiba, ĩhâiba waihu'u õ na. Tawamhã ĩhâiba waihu'u õ na ĩhâimana ré, wa tô ni'wai mreme hã wapa, ĩbabarãi hawi. Mreme 'rãihâ na te ĩma tinha, danhimnhihârâzé hârâ 'rãihâ na ne.

Apocalipsi 1:15

Duré ipara hã ẽtẽ topsada brõzi ne, te 're si'ubuzi zahuré. Duré imreme hã, â'a'a 'rãihâ ruru'u ne.

Apocalipsi 11:12

Tawamhã 'Re ihâimana u'âsi mono zadawa 'mahârâ'wa norĩ hã te za wapari zahuré, hâiwa hawi ni'wai mreme hã. Mreme 'rãihâ na te za sô tihârâ zahuré, ãne: — We ane wa'aba, hâimo. Tawamhã i'ruiwapari'wa norĩ hã te te 'madâ'â za'ra mono ré, te za hâiwa'a na tizasi zahuré, hâiwa u.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.

Apocalipsi 15:2

Tawamhã wa tô duré 'madâ, â poré ne hã. Simhi isarob'a uptabi ne â hã, unhama ro'o na iwazari ré hã. Tawamhã wa tô duré 'madâ, â hawi ropoto siwamnarĩ ãma te te ãma i'ai'uté za'ra norĩ hã, tô õhõ ãma 're iwata za'ra mono õ norĩ hã. Taha nhisi hã danhisi za'ratazém na isisi hã. Ihâiba na romhâiba ãma te te i'ai'uté za'ra norĩ hã wa tô duré 'madâ'â za'ra. Ta norĩ hã te aimasa, simhi isarob'a ne â poré zarob'a 'rata. Rowamremezéb ré te duré aimasa, 'Re ihâimana u'âsi mono te te tãma isõmri za'ra ré.

Apocalipsi 18:22

Tawamhã rowamreme õ di za oto. Duré danhimnhihârâzé hã baba di za oto. Duré danhimnhihârâzé isurure hã robaba di za oto. Duré rowamreme'wai õ di za oto, duré isõ're'wai õ di za oto, da te aré 're iwapari za'ra mono hã. Rob'é'é uptabi di za. Duré romhuri nhipese'wa norĩ hã robaba uptabi di za. Duré ẽtẽ tõmo wawẽ 'manharĩ na amnho, da te 're isub za'ra mono zé ruru hã da te 're wapari za'ra mono õ di za. Rob'é'é uptabi di za.

Apocalipsi 5:8

Te te âri wamhã, ma tô maparane si'uiwa na ropoto na ihâiba norĩ hã Pone'ẽrebâi ma, hi'rãtitõ ana. 24 na dama ipire norĩ zama, ma te duré tãma ana. Rowamremezéb ré ma tô tãma aiwẽ'ẽ za'ra, ẽtẽ waipo pré oru 'manharĩ u'awi ne ré zama. U'awi 'remhã wedewa'u isadaze, te i're tiro'o za'ra. Taha nhizé hã hâimo haré wahu na, ta hã 'Re ihâimana u'âsi mono nhib'a'uwẽ norĩ, tãma 're imreme zusi mono zé, te wasu'u.

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 8:7

Tawamhã imorĩ'rada hã ma tô tinhimnhihârâzém na amnhihârâ. Simnhihârâ wi, ma tô tãzâ hã rere ti'ai u, unhama zama. Dawaprui wazari, ma rere uzâ hã, duré tãzâ hã. Ti'ai u rere'e wamhã, daro mono bâ ma tô ti'a hã zada, iwãiwa prã na. Wede hã 're isimasa mono hã ma tô duré si'uzâ, isa'ratazé wãiwa prã na. Du zama hã ma tô uburé sihõmo, daro mono bâ.