Apocalipsi 13:2 - ꞌRe Ihâimana Uꞌâsi Mono Zadawa Wasuꞌu

² Duré ihâiba hã, hu'u hâiba ne. Ipara hã robzahi para ne hã ursu para ne. Duré isadai'ré hã, aiwa hu'u zérépa zadai'ré ne, isadai'ré hã. Tawamhã ho'orã hâiba ne ropoto siwamnarĩ hã, Satanasi hã ma tô tinhiptetezé hã tãma tisõ, isadawa para siré te te da'ãma 're romhuri wasété zahuré mono da, isimiromhuri waihu'u pese zém na.

Apocalipsi 13:2 ပူးပေါင်းရင်းမြစ်များ

Salmu 22:21

à hã hu'u zérépa norĩ zadai'ré wi hã ĩnho'reptu na. Duré rom na powawẽ i'õmo ré norĩ isahi wi hã ĩsi'wawimhã ĩsimapa waihu'u õ di.

Provébiu 17:12

Robzahi ursu wi, i'ra da te tiwi 're iwaibui mono, da te 're sõpẽtẽ za'ra mono wamhã, pipa di. Tane nherẽ, isimiza'rese'õ tihâimana nhimiza'rese'õ zarina marĩ te te 're 'manharĩ mono ré, da te ãma 're sõpẽtẽ mono wamhã, taha si ipipa uptabi hã.

Provébiu 28:15

Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

2 Timotiu 4:17

Da te ĩrẽme za'ra nherẽ, ma tô Wanhib'apito hã ĩ'rata tihâiba, te te ĩnhiptete da, 'ri para zudeu'õ norĩ ma, te rowasu'u da, Wanhib'apito wasu'uwẽ na. Ãhã wamhã, ma tô Wanhib'apito hã ĩnho'reptu, ĩdâ'â tõ da a'â.

1 Pedru 5:8

Ma'ãpé, aihâimana nhimiza'rese sina 're aihâimana za'ra wa'aba mono. Duré 're asi'madâ'â pese za'ra wa'aba mono. E marĩ wa. Da'rui'wa hã datẽme 're morĩ wa, wa'uburé norĩ nhib'apito hã. Hu'u zéré pa hã wairõ sina, tisa zô 're inomro mono ne, te ta hã datẽme 're morĩ u'â, Wanhib'apito si da te dasina 're i'madâ'â u'âsi za'ra mono zé hã te te dawi 're a'uprosi mono da.

Apocalipsi 12:13

Tawamhã ho'orã hâiba ne ropoto siwamnarĩ hâiba za'ẽne hã hâiwa hawi da te ime na siwaihu'u wamhã, ma tô pi'õ zarina 're mo, aibâ na i'ra tãma iwaptã'ã zarina.

Apocalipsi 12:15

Tawamhã ho'orã ne hã ma tô â hã tizadai'ré hawi sa'wa pi'õ zarina, â pré da, â te te 'mapraba da.

Apocalipsi 12:9

Tawamhã ho'orã hâiba ne ropoto siwamnarĩ hã ma tô siwi time ti'ai u, apâ morĩ tõ da. Ta hã Satanasi, wanhitob'ru. Ta hã duréihã wahi na isihâiba. Uburé tizadawa nhipese na te te 're ida'a'rãmi mono, 'Re ihâimana u'âsi mono zadawa para newa, ti'ai ãma daro mono bâ. Tawamhã wa'uburé norĩ zama isib'a'uwẽ zama ma tô isiré siwi sãmra ti'ai u, apâ si'aba'ré tõ da.

Apocalipsi 13:12

Tawamhã â hawi ropoto siwamnarĩ nho'a te te 're romhuri, ti'ai hawi iwatobro hã. Isadawa para te te 're da'awada'uri pese, ti'ai ãma daro mono bâ 're idahâimana za'ra mono norĩ hã â hawi ropoto siwamnarĩ ãma 're dawata za'ra mono da, i'rãi ãma i'u'azé tãma isitob ãma.

Apocalipsi 13:4

Ma tô duré ho'orã hâiba ne ropoto siwamnarĩ ãma tawata za'ra ni aihĩni, â hawi ropoto siwamnarĩ ma, tinhimi'manharĩ waihu'u pese zé hã te te tãma sõmri wa. Tane ma tô duré â hawi ropoto siwamnarĩ ãma tawata za'ra ni. Ãne te ãma tawata za'ra ni: — E 'wa hã isine hâimana waihu'u pese bâ. E 'wa hã duré isiptete wabzu'wa pâ.

Apocalipsi 16:10

Tawamhã imrotõ ãma hã ma tô hâiwa ãma romhuri'wa hã tinhi'u'awi wamhã sa'wa, ropoto siwamnarĩ â hawi iwatobro simasisizém nhisiwi, danhib'apito simasisizém ne nhisiwi. Te te sa'wari wamhã, ma tô robra hã watobro, ropoto siwamnarĩ nhimi'madâ'â norĩ, 're ihâimana za'ra mono zéb ãma. Tame te dahâzé hã sépata za'ẽtẽ za'ra ni. Dahâzé te, te da'wa na 're dasisoto ubu'iti za'ra. Tawamhã te duré 'Re ihâimana u'âsi mono ãma wasété uptabi za'ra ni, hâiwa ãma 're isãmra mono ãma, dahâzé da te sépata za'ẽtẽ za'ra 'ru te, da'wa're te te duré daduri mono 'ru te zama. Tane nherẽ, dawasété wi 're dasipizari za'ra mono õ di duré.

Apocalipsi 17:12

— Tawamhã duré â hawi ropoto siwamnarĩ u hã 10 na i'madâ'â za'ra hã, 10 na dama ipire za'ra norĩ te wasu'u, da'madâ'â'wa na zahadu te te ãma isãna'rata za'ra õ hã. Niwapsi te za tãma waprosi za'ra ni, â hawi ropoto siwamnarĩ siré te te 're da'madâ'â hutu za'ra mono da.

Apocalipsi 19:20

Tawamhã â hawi ropoto siwamnarĩ hã ma tô âri ni. Awaru irã 'mapraba'wa ma tô ti'â. 'Re ihâimana u'âsi mono zadawa wasu'u uptabi õ 'wa, 'Re ihâimana u'âsi mono nhimipisutu newa, romhõsi na dama 're isadawa nhipese mono, ma tô duré isiré hã ti'â. Ta hã ma tô aré â hawi ropoto siwamnarĩ nho'a te te 're romhõsi, dama isa'rese'õ na. Te te 're iromhõsi mono zém na ma tô dama 're sadawa nhipese aré, â hawi ropoto siwamnarĩ nhisi na ihâiba ui'éré mono hã, ihâiba 'manharĩ na romhâiba ãma 're idawata za'ra mono hã. Tawamhã awaru irã 'mapraba'wa hã ma tô â hawi ropoto siwamnarĩ norĩ hã, dama 're isadawa nhipese mono me wabzu. Unhama ro'o u'âsi u, ma tô hâiba ré wabzu, ẽtẽ ro'o nhizédé uzé pire u.

Apocalipsi 2:13

Ĩma waihu'u pese di, 're i'ai'ubumroi wa'aba mono zé hã. Tame te Satanasihi nhimiwada'uri na 're dahâimana za'ra. Tame ma tô Ãtipasi hã dasiwi wĩrĩ ni asõ'a za'ra wa'aba, simi'ẽ na te te dama 're ĩzadawa wasu'u mono hã. Tane nherẽ, asõ'a za'ra wa'aba da te dasiwi wĩrĩ nherẽ, tãma aipahi za'ra wa'aba õ di. Ĩrẽme za'ra wa'aba õ di duré. Õne haré te ĩnhimiroti na si 're aihâimana za'ra wa'aba mo.

Apocalipsi 20:2

Tawamhã te te si'rai wi, ma tô ho'orã hâiba ne ropoto siwamnarĩ hã õne haré sa'ẽtẽ uptabi ti'â, siptete uptabi na. Ho'orã hâiba ne ropoto siwamnarĩ hã ta hã Satanasi, wanhitob'ru, duréihã wahi na isihâiba. Ta hã hâiwa ãma romhuri'wa hã te te sa'ẽtẽ âri wamhã, ma tô pawasisi, miu na wahub u pawasisi ré, 're hâimana mono da.