Apocalipsi 12:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ho'orã hâiba ne ropoto siwamnarĩ wi, te pi'õ wara, a'ubuni u, 'Re ihâimana u'âsi mono te te tãma iropese siromo zéb u, te te tãma ipisutuzéb u. Tame hâimana mono ré, te za 1.260 na bâdâ ihâimana u te te 'madâ'â, 'Re ihâimana u'âsi mono hã.

Apocalipsi 12:6 ပူးပေါင်းရင်းမြစ်များ

Daniéu 12:12

'Re ĩhâimana u'âsi mono ãma i'uwaibaba na si 're ihâimana za'ra mono norĩ hã te za to sina hã 're hâimana za'ra, 1.335 bâdâ imorĩ 'remhã!

Mateu 4:11

Tawamhã Wa'uburé ma tô ihawi oto mo. Morĩ wamhã, hâiwa ãma romhuri'wa norĩ hã ma tô we itẽmemhã oto aihutu, te te siwi pawaptob da, Zezusi hã.

Apocalipsi 12:14

Tane nherẽ, ma tô si'õmo wawẽ paihi hã isaripi ré hã pi'õi ma za ni, a'ubuni u 're isãmra mono zéb u, ãma wara da, tô õme, 'Re ihâimana u'âsi mono te te tãma iropese siromo zéb u. Tame te za 'Re ihâimana u'âsi mono hã te te 're 'madâ'â, si'ubdatõ wahum nhipai u wãiwa, ho'orã hâiba ne ropoto siwamnarĩ wi.

Apocalipsi 12:4

Tawamhã tizamo na ma tô wasi hã waibu, hâiwa ãma 're isimasa mono hã. Ahâ uptabi prã na ma tô waibu, isa'ratazé wãiwa prã na. Tawamhã te te waibui wamhã, ti'ai u ma tô sa'ẽtẽ sãmra. Tawamhã pi'õ nho're te za, ho'orã hâiba ne ropoto siwamnarĩ hã. Pi'õ te sapa i'ra zô, waptã'ã wi te te 'rẽne da.

Apocalipsi 13:5

Tawamhã â hawi ropoto siwamnarĩ hã, te 'Re ihâimana u'âsi mono hã wa'ẽi wasété, 'râwi waihu'u pese na sina wata na dâ'âsina. 'Re ihâimana u'âsi mono te te sadawa uwati õ di. Ma tô duré tãma waprosi, dama pire na te te da'awada'uri wasété mono da a'â, 42 na a'amo isisõré mono u.

Apocalipsi 17:3

Tawamhã 'Re ihâimana u'âsi mono pẽ'ẽzani hã ma tô duré ĩ'uihâ pi'ra. Te te ĩ'uihâ pi'rai wa, wa tô duré aimawi ĩhâiba. Tawamhã hâiwa ãma romhuri'wa hã ma tô ĩzaprõ, a'ubuni u, supara'ré u. Tame pi'õ hã wa tô 'madâ'â, ropoto siwamnarĩ ipré nhisiwi, isãmra hã. Ropoto siwamnarĩ hâiba hã ma te rob'ui'éré hã hâiba'utõ. Aiwa 'Re ihâimana u'âsi mono wamri sine na, isiwaptẽrẽ ui'éré wasédé hã. Duré 7 na i'rã hã, ta hã. Duré i'u hã 10 na. Taha hâiba nhisiwi, te pi'õ hã nhamra.