Tawamhã asõtõ 'rowi ropodo i'madâ'â na hã ipara, duré ipara hi hã isi'uwazi tete 'manharĩ na duré zé'a 'manharĩ na aiwa ãma isipo'o na. Ã hã dama i'rãnho'õmo nhimi'madâ'âzé, za sima isipo, te wasu'u. Ãne nherẽ, te za zahadu siptete wazu na 're hâimana, isi'uwazi tete ne hã. E marĩ wa. Ma tô i'madâ a hã, isi'uwazi waipo ferru hã zé'a na iwazari hã.
Apocalipsi 12:3 - ꞌRe Ihâimana Uꞌâsi Mono Zadawa Wasuꞌu3 Tawamhã ma duré marĩ hã sihâi'ré, hâiwa nho're na, marĩ isa'rese'õ hã. Ho'orã hâiba ne ropoto siwamnarĩ hâiba za'ẽne hã te za. Ihâiba hã ihâiba pré. Duré 7 na i'rã hã. 10 na duré i'u hã. Powawẽ õmo ne, i'õmo za'ra hã. Duré 7 na i'rãi mono bâ i'rãzaza hã, danhib'apito 'rãzaza ne hã. I'rãzaza si'ubuzi na i'rãzaza za'ra hã. အခန်းကိုကြည့်ပါ။ |
Apocalipsi 12:3
27 ပူးပေါင်းရင်းမြစ်များ
Wa tô duré tiwi waptẽ, ropoto siwamnarĩ 'rã na i'u 10 na ihâimana za'ra na zama te te ĩma ãma isaprĩzé hã, duré i'õmo hâiba amo iwatobro na isaprĩzé hã. Ta hã si'ubdatõ i'u te te i'marõpãrĩ za'ra hã, i'õmo hâiba amo norĩ nhipai u isiptete uptabi, ito duré tãma ihâiba hã, duré 're isi'madâ'â zei mono na tizadawa na te te 're inharĩ mono.
10 na i'õmo norĩ hã, te 10 na apito norĩ hã wasu'u, za i'rã nho'õmo na 're hâimana za'ra mono wa, te te 're ida'madâ'â za'ra mono zé hã. Tawamhã ta norĩ parimhã te za apito ihâiba amo hã duré sihâi'ré, imorĩ'rata na apito norĩ nei õ na, za 're ihâimana mono hã. Ta hã te za si'ubdatõ apito norĩ ãma ai'uté za'ra.
Tawamhã wa tô duré 'madâ. Te 'madâ'â wamhã, marĩ hã ma tô hâiwa nho're na sihâi'ré, dama isa'rese'õ hã, ãma 're idatob'uzu za'ra mono hã. Ta hã dama iwaihu'u'õ hã wa tô 'madâ, pi'õ isa hã. Bâtâ ro'o ne na i'uza hã. Ipara 'rowimhã a'amo te za. Duré 'rãzaza ré te za. I'rãzaza na hã wasi te aimasa, 12 na.
Tawamhã ho'orã hâiba ne ropoto siwamnarĩ hã ma tô pi'õ da tizahi pese, tiwi simani wa. Tahawa, ma tô isihudu norĩ zô mo, te te 'wapé za'ra da. E 'wam norĩ hã te wasu'u, isihudu norĩ hã. Ta norĩ hã 'Re ihâimana u'âsi mono nhimiroti te te 're iwapari pese za'ra mono, duré tô sena na Zezusihi zazei'wa na 're isiwasu'u za'ra mono, te wasu'u. Ta norĩ zô te mo, ho'orã hâiba ne ropoto siwamnarĩ hã te te 'wapé za'ra da.
Tawamhã dasi'wapé, hâiwa nho're ãma ma tô watobro. Hâiwa ãma romhuri'wa hã Migueu na isisi hã, duré hâiwa ãma isiré tãma iromhuri'wa norĩ hã, te ho'orã hâiba ne ropoto siwamnarĩ hâiba za'ẽne hã siwi 'wapé. Tawamhã ho'orã hâiba ne ropoto siwamnarĩ hã ma tô sina ana, hâiwa ãma tãma iromhuri'wa norĩ me.
Tawamhã ho'orã hâiba ne ropoto siwamnarĩ hã ma tô siwi time ti'ai u, apâ morĩ tõ da. Ta hã Satanasi, wanhitob'ru. Ta hã duréihã wahi na isihâiba. Uburé tizadawa nhipese na te te 're ida'a'rãmi mono, 'Re ihâimana u'âsi mono zadawa para newa, ti'ai ãma daro mono bâ. Tawamhã wa'uburé norĩ zama isib'a'uwẽ zama ma tô isiré siwi sãmra ti'ai u, apâ si'aba'ré tõ da.
Tawamhã wa hã wa tô duré 'madâ, â 'rowi ropoto siwamnarĩ hã â hawi watobro ré. Ihâiba misi nherẽ, 7 na i'rã hã. Duré 10 na powawẽ õmo ne, i'õmo mono hã. I'õmo na hã danhib'apito 'rãzaza si'ubuzi ne ré, te õmo 'rãzaza ré aimasa, 10 na. Duré i'rãi mono na rob'ui'éré za'ra ré hã aiwa 'Re ihâimana u'âsi mono newa, 'Re ihâimana u'âsi mono wamri na isiwaptẽrẽ ui'éré wasédé hã.
Duré ihâiba hã, hu'u hâiba ne. Ipara hã robzahi para ne hã ursu para ne. Duré isadai'ré hã, aiwa hu'u zérépa zadai'ré ne, isadai'ré hã. Tawamhã ho'orã hâiba ne ropoto siwamnarĩ hã, Satanasi hã ma tô tinhiptetezé hã tãma tisõ, isadawa para siré te te da'ãma 're romhuri wasété zahuré mono da, isimiromhuri waihu'u pese zém na.
Ma tô duré ho'orã hâiba ne ropoto siwamnarĩ ãma tawata za'ra ni aihĩni, â hawi ropoto siwamnarĩ ma, tinhimi'manharĩ waihu'u pese zé hã te te tãma sõmri wa. Tane ma tô duré â hawi ropoto siwamnarĩ ãma tawata za'ra ni. Ãne te ãma tawata za'ra ni: — E 'wa hã isine hâimana waihu'u pese bâ. E 'wa hã duré isiptete wabzu'wa pâ.
Tawamhã wa tô duré marĩ hã 'madâ, hâiwa nhirõtõ na dama isa'rese'õ hã ãma 're idatob'uzu za'ra mono hã. Hâiwa ãma romhuri'wa norĩ hã te 7 na aimasa. Ta norĩ ma, ma tô 'Re ihâimana u'âsi mono hã pisutu, 7 na rob'manharĩ pipa mono na hã, irẽme ma te te taha na dama ãma 're rob'manharĩ za'ra mono da. Ã norĩ hã 'Re ihâimana u'âsi mono nhimi'ahârizéb 'rãsudu, te wasu'u.
Tawamhã wa tô duré 'madâ, si'ubdatõ wa'uburé norĩ hã, iwasété norĩ hã. Uti hâiba ne ihâiba za'ra hã. Ropoto siwamnarĩ zadai'ré mono hawi, ma tô misi si wairébé, ho'orã hâiba ne ropoto siwamnarĩ hâiba za'ẽtẽ zadai'ré hawi, duré â hawi ropoto siwamnarĩ zadai'ré hawi, duré ti'ai hawi ropoto pipa zadai'ré hawi. Ti'ai hawi ropoto pipa hã, ta hã 'Re ihâimana u'âsi mono zadawa wasu'u uptabi õ 'wa, 'Re ihâimana u'âsi mono nhimipisutu newa sadawa nhipese na hã te te 're ida'a'rãmi mono.
'Re ihâimana u'âsi mono hã te za pisutu za'ra, 10 na dama ipire za'ra norĩ hã, 'Re ihâimana u'âsi mono te te sima ipisutuzéb zarina, misi haré simisutu te te 're rosa'rata za'ra mono da, duré ropoto siwamnarĩ ma sisõmri za'ra wa, isapari te te 're romhuri za'ra mono da, tinhiptetezém na te te 're pawaptob za'ra mono da. 'Re ihâimana u'âsi mono hã tinhimiropisudu hã romnhowa te te i'aza'ra mono hã za te te ãma i'a'uwaimrami mono zéb u, te za ropoto siwamnarĩ zapari te te 're da'madâ'â 'rãsutu za'ra. Tahawa, ropoto siwamnarĩ i'madâ hã i'õmo norĩ me hã te za ã pi'õi wasédé hã siwi 'ruiwapa. Tawamhã pi'õi wi, te za rob'ubumro za'ra, ai'uréiwi hâimana da. Te za duré inhi hã siwi ti'rẽ. Te za duré siwi uprosi, unhama na. Ãne te za Babilonia ãma hã dasi'utõrĩ.
Tawamhã hâiwa ãma 'Re ihâimana u'âsi mono ma romhuri'wa hã te ĩzadanha, ãne: — E marĩ da, ma tô ãma atob'uzu. E waihu'u ã bâ. Waihu'u õ wa, wa za tô oto aima hâi'ré, pi'õi hâimanazé hã dama isa'rese'õ hã. Duré â hawi ropoto siwamnarĩ hâimanazé hã wa za duré aima hâi'ré, isisiwi pi'õ isãmra hâimanazé hã, 7 na i'rã hã, duré 10 na i'u hã.
Tawamhã te te si'rai wi, ma tô ho'orã hâiba ne ropoto siwamnarĩ hã õne haré sa'ẽtẽ uptabi ti'â, siptete uptabi na. Ho'orã hâiba ne ropoto siwamnarĩ hã ta hã Satanasi, wanhitob'ru, duréihã wahi na isihâiba. Ta hã hâiwa ãma romhuri'wa hã te te sa'ẽtẽ âri wamhã, ma tô pawasisi, miu na wahub u pawasisi ré, 're hâimana mono da.
ကြော်ငြာတွေ