Apocalipsi 12:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã ho'orã ne hã ma tô â hã tizadai'ré hawi sa'wa pi'õ zarina, â pré da, â te te 'mapraba da.

Apocalipsi 12:15 ပူးပေါင်းရင်းမြစ်များ

Zenezi 3:1

Wahi hã, uburé tisiré abaze norĩ nhipai u, hâimana nhimiza'rese na te 're hâimana, Uburé Danhib'apito 'Re ihâimana u'âsi mono nhimipoto 'remhã. Tahawa te wahi hã pi'õ sadanha ãne: — E tô sena ma tô 'Re ihâimana u'âsi mono hã aima waihu'u 'wa, rob're ãma uburé rowede 're isimasa mono 'rã hã, 'mairẽne aba tõ da.

2 Corĩtu 11:3

Tane nherẽ, wa ĩhâtâ'â sina, te ai'ãma 're rosa'rata u'âsi za'ra wa'wa. E marĩ wa. Cristuhu ãma si, 're sasõmri pese za'ra wa'aba mono nherẽ, ãté ni'wam norĩ hã roti tô senai'õ na taré te te aima 're irowasu'u za'ra wa'aba mono zéb zarina, te za Cristuhu wasu'uwẽ hã irẽme za'ra wa'wa. Duréihã Wa'uburé hã wahi na sihâiba wa, Ewaha ma, sadawa nhipese na te te irowasu'u ne, te za tô ãté ni'wam norĩ hã te te aima 're rowasu'u za'ra wa'wa, roti tô senai'õ na hã.

Apocalipsi 12:16

Tane nherẽ, ti'a hã ma tô pi'õi ãma aime. Ti'a hã ma tô si'ridawa, â zô, â hã iwa a'a da. Tawamhã ma tô â hã iwa ti'a'a tô, ho'orã hâiba ne tizadai'ré hawi pi'õ zarina te te isa'wari hã.

Apocalipsi 12:9

Tawamhã ho'orã hâiba ne ropoto siwamnarĩ hã ma tô siwi time ti'ai u, apâ morĩ tõ da. Ta hã Satanasi, wanhitob'ru. Ta hã duréihã wahi na isihâiba. Uburé tizadawa nhipese na te te 're ida'a'rãmi mono, 'Re ihâimana u'âsi mono zadawa para newa, ti'ai ãma daro mono bâ. Tawamhã wa'uburé norĩ zama isib'a'uwẽ zama ma tô isiré siwi sãmra ti'ai u, apâ si'aba'ré tõ da.

Apocalipsi 17:15

Tawamhã hâiwa ãma romhuri'wa hã te duré ĩma tinha, ãne: — Ã pa nho'õmo si'rudu hã i'madâ hã pi'õi wasédé iwa'âbâ zô 're isisõmri mono isisiwi isãmra hã, daro mono bâ damreme sipo'o mono bâ 're idahâimana za'ra mono, te wasu'u, ã pa nho'u hã.

Apocalipsi 20:2

Tawamhã te te si'rai wi, ma tô ho'orã hâiba ne ropoto siwamnarĩ hã õne haré sa'ẽtẽ uptabi ti'â, siptete uptabi na. Ho'orã hâiba ne ropoto siwamnarĩ hã ta hã Satanasi, wanhitob'ru, duréihã wahi na isihâiba. Ta hã hâiwa ãma romhuri'wa hã te te sa'ẽtẽ âri wamhã, ma tô pawasisi, miu na wahub u pawasisi ré, 're hâimana mono da.