Apocalipsi 11:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã da'ahâ uptabi na te za itẽme ubumro zahuré ni, ihâiba hâ hã da te dasiwi 'madâ'â zahuré da, 'ri nhi'riti sa'wari ré. Si'ubdatõ bâdâ ine wãiwab u, te za dapoto mono bâ dasiwi 'madâ'â zahuré ni, damreme sipo'o mono bâ, 're idahâimana za'ra mono hã. Te za duré ãma tasi'uwati za'ra ni, da te dasiwi za tõ da.

Apocalipsi 11:9 ပူးပေါင်းရင်းမြစ်များ

Mateu 7:2

Asi'uihâ na asiwi 're dawẽ'õ pese za'ra wa'aba mono wamhã, taha zarina te za tô duré 'Re ihâimana u'âsi mono hã te te siwi 're aiwẽ'õ pese za'ra wa'wa, iwa'rãmi. Asiwi 're dawẽ'õ za'ra wa'aba mono õ wamhã, tawapsi, te te duré siwi 're aiwẽ'õ za'ra wa'aba mono õ di za, ãne na hã aiwa.

Apocalipsi 10:11

Tawamhã ni'wa hã te ĩma tinha: — Te za duré 'Re ihâimana u'âsi mono hã dama 're isadawa wasu'u mo, dapoto mono bâ za dama 're iromhâimana za'ra mono zém na hã, damreme sipo'o mono bâ. Daro mono bâ dama ipire za'ra norĩ ma, za 're iromhâimana mono zém na zama te za duré dama 're isadawa wasu'u mo.

Apocalipsi 11:11

Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.

Apocalipsi 13:7

Tawamhã 'Re ihâimana u'âsi mono hã ma tô duré tãma waprosi, â hawi ropoto siwamnarĩ ma, isib'a'uwẽ te te 'wapé za'ra da, te te ãma ai'uté za'ra da, isib'a'uwẽ norĩ ãma. Ma tô duré tãma waprosi, simiwada'uri wasété nhiptete sina te te 're da'awada'uri mono da, dapoto mono bâ, duré damreme sipo'o mono bâ 're idahâimana za'ra mono hã.

Apocalipsi 17:15

Tawamhã hâiwa ãma romhuri'wa hã te duré ĩma tinha, ãne: — Ã pa nho'õmo si'rudu hã i'madâ hã pi'õi wasédé iwa'âbâ zô 're isisõmri mono isisiwi isãmra hã, daro mono bâ damreme sipo'o mono bâ 're idahâimana za'ra mono, te wasu'u, ã pa nho'u hã.

Apocalipsi 5:8

Te te âri wamhã, ma tô maparane si'uiwa na ropoto na ihâiba norĩ hã Pone'ẽrebâi ma, hi'rãtitõ ana. 24 na dama ipire norĩ zama, ma te duré tãma ana. Rowamremezéb ré ma tô tãma aiwẽ'ẽ za'ra, ẽtẽ waipo pré oru 'manharĩ u'awi ne ré zama. U'awi 'remhã wedewa'u isadaze, te i're tiro'o za'ra. Taha nhizé hã hâimo haré wahu na, ta hã 'Re ihâimana u'âsi mono nhib'a'uwẽ norĩ, tãma 're imreme zusi mono zé, te wasu'u.

Apocalipsi 5:9

Tawamhã ta norĩ hã te Pone'ẽrebâi ma tinho're za'ra, tinho're itém na. Ãne te tãma tinho're za'ra: “A hã ma tô dasiwi aiwĩrĩ ni. Ma tô dazada hã atâ. Dazada atâ'âzém na ma tô ida'awa'â, dawasédé hã dama 're apari mono da ãma, 'Re ihâimana u'âsi mono nhib'a'uwẽ oto 're danomro mono da. Dapoto mono bâ a hã ma tô ida'awa'â, damreme sipo'o mono bâ 're idahâimana za'ra mono hã. Danhipai u aiwẽ uptabi di, a hã. Aiwaihu'u pese uptabi di duré. Tahawa, te aiwétési sada hã aihâiba, ibaihâ isinhai ré i'âri da hã, duré i'uptobzé hã aprub da.