Apocalipsi 11:2 - ꞌRe Ihâimana Uꞌâsi Mono Zadawa Wasuꞌu

² Tane nherẽ, 'ri 'wawi wa'ra 're, 'ri nho'remhã pibui mono õ di za. Ta hã wa tô pisutu, ĩnhib'a'uwẽ'õ norĩ si te te iwa 're ubumroi mono da. Ta norĩ hã niwapsi te za Zeruzalẽ ãma hã 'ri nho'u iwẽ uptabi ãma hã da'ãma ai'uté za'ra. Tahawa, te za te te sina dawasi za'ra. 42 na a'amo ihâimana u te za te te da'ãma rowamnarĩ za'ra, 1.260 na bâdâ za da'ãma isi'utõrĩzéb u.

Apocalipsi 11:2 ပူးပေါင်းရင်းမြစ်များ

Daniéu 12:7

Tawamhã hâiwa ãma romhuri'wa tinhib'rada hâimo te te wẽ sina, te 'Re ĩhâimana u'âsi mono idâ'â'õ nhisi na tinha ãne: — Wa za aima ropisutu. Ãne hã te za tô tiromhâiba, si'ubdatõ wahu aiwa ãma isipo'o u, 'Re ĩhâimana u'âsi mono tinhib'a'uwẽ da, te te ipisutu norĩ ma, da te tãma 're irob'manharĩ wasété za'ra mono zé hã si'utõrĩ wapsi.

Daniéu 7:19

Wa tô duré ĩsima wẽ, maparane si'uiwa na ãma ropoto siwamnarĩ na isaprĩzé te waihu'u da, si'ubdatõ ropoto siwamnarĩ norĩ hâiba nei õ hã. Ta hã aimawi ipipa uptabi, duré isi'uwazi tete na i'wa hã, duré ẽtẽ topsata na isipo hã, duré tinhisõpãrĩ te te ãma 're inhiwazu mono, duré isisõpãrĩ nhi 're isi'atarẽme mono tipara na te te 're i'anhizu pese mono hã.

Daniéu 7:25

Ta hã te za uburé danhipai u Isiptede 'Re ihâimana u'âsi mono zada hã 're hâimana. Te za duré isib'a'uwẽ norĩ ma hã te te 're arob'manharĩ wasété. Duré te za 'Re ihâimana u'âsi mono nhimiroti na duré isib'a'uwẽ nhibâtâ norĩ na te te ãma tiwi saprĩ za'ra da hã, te te 're pibui u'âsi za'ra, Te za duré si'ubdatõ wahu aiwa ãma isipo'o na 'Re ihâimana u'âsi mono nhib'a'uwẽ norĩ isib'ratamhã a'â tihâimana za'ra.

Daniéu 8:10

Ta hã õmo 'rãihâ pese wamhã, ma tô hâiwa ãma dasi'wapéi 'manharĩ'wa 're ihâimana za'ra mono zéb u sina rotété. Tahawa, ma tô nima norĩ dasi'wapéi 'manharĩ'wa hã we sina sãmra ti'ai u. Taha pari ma tô wati'i za'ra.

Daniéu 8:13

Taha pari wa tô duré wapa, hâiwa ãma romhuri'wa norĩ te te sima irobzanhamri zahuré zé hã. Nima hã ma tô tihâiba amo sadanha ãne: — E niha danhotõ 'rowim ne marĩ 'madâ'âzém na we iromhâimana mono na hã te za we ãma ropsi'utõrĩ. Duré marĩ zata na bâtâ sidâpâsi 're idanhoprub za'ra mono zéb upana, iwasété na si oto 're idanhoprub za'ra mono na hã, e niha te za duré we ãma ropsi'utõrĩ. Duré isõrõwa 'ri 'rãihâ siprum haré 're isa mono na hã e niha te za duré we ãma ropsi'utõrĩ. E niha te za hâiwa ãma dasi'wapéi 'manharĩ'wa norĩ ãma, da te ãma 're i'ai'uté za'ra mono na hã we duré ãma ropsi'utõrĩ u'âsi.

Daniéu 8:14

Tawamhã ihâiba amo ma tô ãne ãma sada'â: — Ãne te za we tiromhâiba za, 2.300 bâtâ na hâiwahâ sidâpâsi, duré mararé sidâpâsi, marĩ zata na 're idanhoprub za'ra mono õ zém na. Ãhã parip si te za isõrõwa 'ri 'rãihâ hã apâ iwẽ na tihâiba za.

Mateu 4:5

Taha pari, Wa'uburé hã ma tô Zezusi saprõ Zeruzalẽ u, 'ri nho'u iwẽ uptabi u, te te duré pibu da. 'Re ihâimana u'âsi mono nhorõwa 'ri u, te saprõ, 'ri nhisi u, sab da hâimo, 'ri 'rãihâ uptabi nhisi.

Mateu 5:13

Tawamhã ãne te duré tãma rowasu'u za'ra, tisiré 're inomro mono norĩ ma: — Ãne wa za duré aima ãma romnhimiré'é za'ra wa'wa. A norĩ wa'wa hã sa ne, te za dama 're aihâimana za'ra wa'aba mo. Sa na hã dasa hã ãma se ti, dasai warĩrĩzé wa. Tane nherẽ, oto 're sé si'utõrĩ mono wamhã, niha apâ hã da te 'manharĩ waihu'u õ di, isé na ihâimana da hã, dasa da te ãma 're iwarĩrĩ za'ra mono zéb da hã. Marĩ dai õ di oto, dama hã. Taré te za da te 're sa'wari za'ra rob u, marĩ dai õ wa oto. Tahawa, te za oto taré ti'ai wa 're simi'wara mono wa, isisiwimhã 're danomro, dapara na. Tane duré, a norĩ wa'wa hã ĩzadawa wasu'u na dama 're romhuri wẽ za'ra wa'aba mono nherẽ, oto romhuri hã 're sahâri za'ra wa'aba mono wamhã, marĩ dai õ di oto, 're i'aihâimana za'ra wa'aba mono zé hã za, ĩma hã.

Luca 21:24

Sib'ézé 'wapa na hã da'ahâ na te za tadâ'â za'ra ni. Duré, ni'wam norĩ hã daro mono bâ, te za da te simro. Te za da te ãma ropé, daro mono bâ. 'Re ihâimana u'âsi mono zazei'õ'wa norĩ hã sahi sina te za a'â te te dama 're roti za'ra, Zeruzalẽ ãma, zudeu'õ norĩ hã. Bâdâ hã iwa tãma iwaptã'ã za'ra zéb u, te za da'madâ'â 'rãsutu za'ra.

Hebreu 10:29

Ãne, duréihã 'Re ihâimana u'âsi mono nhimiroti 'rata wẽ'õ'wa norĩ ma hã, 're ropipa za'ra mono di. E niha tawamhã za, 'Re ihâimana u'âsi mono 'ra, te te siwi 're i'ruiwapari za'ra mono norĩ ma, 're iromhâimana za'ra mono zé hã za. Tãma 're ropipa uptabi za'ra mono di za tô. 'Re ihâimana u'âsi mono hã te za tô ta norĩ hã hâ za'ra za'ẽtẽ, rob'rãsutuzéb ãma hã. Duré 'Re ihâimana u'âsi mono te te dama iropisutuzép tém na, Cristu hã dazada idâ'âzé hã taré newa, te ta norĩ hã te te ãma 're rosa'rata upa za'ra. Ta norĩ hã te duré 'Re ihâimana u'âsi mono pẽ'ẽzani ãma te te 're wasété u'âsi za'ra, isimizawi uptabi ãma hã.

Apocalipsi 11:11

Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.

Apocalipsi 11:3

Taha ré, wa za ĩzadawa wasu'u'wa norĩ hã satõrĩ zahuré, tô 1.260 na bâdâ isi'utõrĩzéb u simi'ẽ na te te ĩzadawa wasu'u zahuré mono da. Tawamhã pone'ẽrebâ zéré 'manharĩ na uza wasété ré, te za tineb zahuré, pẽ'ẽzé uptabi zahuré wa, da te dasiwi 're ĩwẽ'õ pese za'ra mono wa.

Apocalipsi 12:6

Tawamhã ho'orã hâiba ne ropoto siwamnarĩ wi, te pi'õ wara, a'ubuni u, 'Re ihâimana u'âsi mono te te tãma iropese siromo zéb u, te te tãma ipisutuzéb u. Tame hâimana mono ré, te za 1.260 na bâdâ ihâimana u te te 'madâ'â, 'Re ihâimana u'âsi mono hã.

Apocalipsi 21:10

Tawamhã 'Re ihâimana u'âsi mono pẽ'ẽzani hã ma tô duré aimawi ĩ'uihâ pi'ra. Te te ĩ'uihâ pi'rai wa, wa tô duré aimawi ĩhâiba. Taha pari, ma tô hâiwa ãma romhuri'wa hã ĩzaprõ, ẽtẽ 'rãihâ za'ẽtẽ uptabi u, i'rãihâ uptabi u. Te te ĩzaprõni wamhã, Zeruzalẽ ité hã wa tô 'madâ, marĩ iwasédé hã iwa 're ihâimana mono õ hã, hâiwa hawi we te te isi'ra hã, 'Re ihâimana u'âsi mono hawi.

Apocalipsi 21:2

Tawamhã wa tô duré 'madâ, 'ri nho'u hã, iwasédé iwa 're ihâimana mono õ hã, Zeruzalẽ itém na isisi hã. Ta hã te hâiwa hawi wei mo, 'Re ihâimana u'âsi mono hawi. Pi'õ hã oto mro da, 're isi'uza wẽ uptabi za'ra mono ne, ma we si'ra, 'ri nho'u iwẽ uptabi hã.

Apocalipsi 22:19

Duré ni'wam norĩ hã ãhã wasu'u hã za iromhâimana mono zém na te i'arob'ui'éré mono hawimhã tô senai õ newa, te te 're sani za'ra mono wamhã, te za 'Re ihâimana u'âsi mono hã rob'rãi u'â hã te te tiwi 're sawi za'ra, te te dame 're huri tõ mono da, 'Re ihâimana u'âsi mono 'ratamhã rowẽ na 're danomro u'âsi tõ mono da. Te za duré 'ri nho'u ité hã iwẽ uptabi hã te te tiwi 're sawi za'ra, iwasédé hã iwa 're ihâimana mono õ hã. Ãhã na, wa tô ã ibaihâ na ãma rob'ui'éré pa, ã 'ri nho'õmo na hã, duré ã rob'rãi u'âsi na hã.