Apocalipsi 11:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã zasi zahuré wi, awa'awi te za sa'ẽtẽ uptabi ti'a sãsã hã watobro. Watobro wamhã, 'ri hã nima norĩ hã te za sina, Zeruzalẽ ãma, 'ri nho'õmo 'remhã 're isimasa mono hã. 10 na 'ri 'maihâimana wamhã, te za misi si dawi rere'e. Te za duré 7 miu na tadâ'â za'ra ni, ti'a sãsã'ã na hã. Tawamhã dadâ'â ãna idasi'atarẽme mono hã te za tapahi uptabi za'ra ni. 'Re ihâimana u'âsi mono ãma te za tawata za'ra ni, hâiwa ãma 're isãmra mono ãma, simi'manharĩ waihu'u pese uptabi wa.

Apocalipsi 11:13 ပူးပေါင်းရင်းမြစ်များ

Zenezi 6:4

Tô taha wamhã, te a'uwẽ poto 'rãihâ norĩ hã 're hâimana za'ra. Duré ronomro pari, te zahadu õ norĩ hã 're hâimana za'ra, hâiwa ãma isãmri'õ norĩ, da'ra sipi'õ norĩ na 're sapa'a za'ra mono wa, i'ra norĩ hã tãma 're poto za'ra mono ré. Tawamhã a'uwẽ ipoto 'rãihâ norĩ, te duréihã siptete na, duré dama wasu'u za'ẽtẽ na hã 're hâimana za'ra.

Zuwã 9:24

Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne: — Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:15

Tawamhã bâdâ hã siwaptom na ãma ne pari, ma tô isazei'wa norĩ hã si'rã'õtõ, 120 na ihâiba za'ra hã. Tawamhã Pedru hã ma tô wahudu hâiwi, te te tãma rowasu'u za'ra da. Ãne te tãma rowasu'u za'ra:

Zozué 7:19

Tawamhã Acãhã ma, te Zozué tinha, ãne: — Ĩ'ra, sena na te za asiwẽ'õ, Uburé Danhib'apito, Izaraéu nhihudu norĩ te 'Re ihâimana u'âsi mono nho're. Ĩma wasu'u na, marĩ i'manharĩzé hã; duré rosa'rata tõ, asima i'udâ da hã.

Apocalipsi 11:11

Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.

Apocalipsi 11:19

Tawamhã hâiwa ãma 'Re ihâimana u'âsi mono nhorõwa 'ri ãma hã, ma tô ni'wa hã 'ridawa hã 'ridawa. Te te 'ridawa wamhã, te oto wedehâ're hã sõ'awi 'ri para za. Wedehâ're 're, te ẽtẽpo i'ui'éré ré hã da'wa, duréihã 'Re ihâimana u'âsi mono te te tinhib'a'uwẽ ma iropisutuzéb ui'éré ré hã. Tawamhã ma tô tãiwapsa hã watobro, tãirãrã'ã zama, tãsi'ubuzi zama. Ti'a hã ma tô duré sãsã'ã. Tãzâ hã ma duré asa'wa, ipire hã.

Apocalipsi 14:7

Ãne te mreme 'rãihâ na te te dama 'mahârâ: — 'Re ihâimana u'âsi mono nhimiroti hã 're wazé pese za'ra wa'aba mono. Duré wẽ uptabi wa, ãma 're aiwata pese u'âsi za'ra wa'aba mono. Ma tô iwa waptãrã, 'Re ihâimana u'âsi mono te te da'ãma i'arowairébézéb u da hã, uburé pese. Tahawa, te za Ropoto'wai ãma 're aiwata u'âsi za'ra wa'aba mo, hâiwa 'manharĩ'wai ãma, duré ti'ai 'manharĩ'wai ãma, duré â poré 'manharĩ'wai ãma, duré ub're 'manharĩ'wai ãma.

Apocalipsi 15:4

Wanhib'apito, dama aipire uptabi wa, te da te dasiwi 're aiwazé. Uburé pese, te da te 're aiwasu'u wẽ za'ra, danhipai u pese, aiwẽ uptabi wa. Aiwétési tô sena aiwẽ uptabi hã. Daro mono bâ 're idahâimana za'ra mono norĩ hã te za we ai'ãma 're dawata u'âsi za'ra, upai ãna dama 're i'arob'manharĩ wẽ mono zé hã da te 're 'madâ'â za'ra mono wa.”

Apocalipsi 19:7

Bâdâ hã ma tô iwa waptãrã, Pone'ẽrebâ imrozéb da hã. Duré ãma imro da hã ma tô sima apese. Tahawa, ãma 're watoi u'âsi za'ra wa'aba mono. Duré 'Re ihâimana u'âsi mono hã wẽ uptabi wa, ãma 're wawata u'âsi za'ra wa'aba mono.

Apocalipsi 3:4

Tane nherẽ, nima norĩ si Sadési ãma 're aihâimana za'ra wa'aba mono norĩ hã te ĩ'ãma 're anomro wẽ wa'aba mo, ai'umro na wa'aba nherẽ. Da'uza hâirã, ihâ upto wi da te 're i'madâ'â pese za'ra mono ne, te aiwẽ na ĩ'ãma si 're anomro aba mo. A norĩ wa'aba si da'uza hâirã ne aiwasété ãna 're anomro aba mono si, te za ĩsiré 're aihâimana za'ra wa'aba mo. 'Re ihâimana u'âsi mono te te 're aiwẽsãmri za'ra wa'aba mono wa, te za ĩ'rata 're anomro u'âsi aba mo.

Apocalipsi 6:12

Tawamhã wa tô duré 'madâ. Te 'madâ'â wamhã, ma tô Pone'ẽrebâ hã duré pru imropâ ãma hã, ibaihâ nhinha uptobzé hã. Te te pru wamhã, awa'awi ma tô ti'a hã sãsã'ã, sa'ẽtẽ uptabi. Bâdâ hã ma tô duré titoptâ'â, zazahâ ihâ 'rãdâ'â uptabi ne. A'amo hã ma tô duré titõmo wapru.

Apocalipsi 8:5

Tawamhã hâiwa ãma romhuri'wa hã ma tô pré'a 'manhe, u'awire ne hã oru 'manharĩ 're, wedewati isadaze nhemezéb 're. Wedeza ne na, wedewati zadaze hã da te 're izata za'ra mono zém hawi ma tô pré'a 'masisi. Te te 'masisi wamhã, ma tô õne haré ti'ai u sa'wa, uzâ hã. Te te sa'wari wamhã, ma tô tãiwapsa hã watobro, duré tãirãrã'ã hã. Tãsi'ubuzi zama, ma tô duré watobro. Ma tô duré ti'ai popo hã watobro.

1 Samuéu 6:5

Tahawa, te za isizusi za'ra wa'wa, da'wa're tob'mai'ãsi na hã, duré 'rure na hã, wanhipti'ai 're te te iwa'awamnarĩ mono hã. Ã norĩ hã te za tãma isõmri za'ra wa'wa, Izaraéu nhihudu norĩ te, 'Re ihâimana u'âsi mono wazézéb da hã. Ãne wamhã, te za ãté sazâ, te te aima irob'manharĩ wasété za'ra wa'aba zé hã, ate za'ra wa'wa ihâiba'õ norĩ ma hã, duré asipti'a za'ra wa'aba ma hã.