Apocalipsi 11:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.

Apocalipsi 11:11 ပူးပေါင်းရင်းမြစ်များ

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:11

Tawamhã uburé pese, ma tô tapẽ'ẽwara za'ra ni oto, isazei'wa norĩ, siré 're isi'rã'õtõ mono norĩ hã. Duré iwasu'u hã da te wapari za'ra wamhã, aihĩni ma tô tapahi za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:5

Tawamhã Pedruhu mreme te te wapari wi, ma tô waptãrã ti'ai wa, Anania hã. Waptã'ã wamhã, ma tô dârâ. Tawamhã ipréduptém norĩ hã ma tô sô tiwahutu za'ra, te te siwi ubu da hã. Taha pari, ma tô duré oto siwi ti'â, te te siwi sẽrẽ da. Tawamhã taha wasu'u hã da te wapari za'ra wamhã, aihĩni pese ma tô tãma tapẽ'ẽwara za'ra ni.

Roma 8:11

'Re ihâimana u'âsi mono hã Zezusihi hâiwa'utu'wa hã, Ipẽ'ẽzani te aipẽ'ẽ 're, 're sãmra za'ra wa'wa. Tô õ hã Cristu te te ihâiwa'udu hã te za aihâiba hã niwamhã aiwi 're si'utõrĩ pese za'ra wa'aba mono nherẽ, te te 're aihâiwa'utu za'ra wa'wa, Ipẽ'ẽzani hã aipẽ'ẽ 're, 're isãmra za'ra wa'aba mono zéb zarina.

Roma 8:2

'Re ihâimana u'âsi mono pẽ'ẽzani hã ma tô te te 're wa'apisutu, Cristu Zezusihi ãma si 're wanomro wẽ u'âsi mono da. Taha zarina, ma tô ĩwasété u'âsi 're ĩhâimana mono nherẽ, ĩnho'reptu, ĩpẽ'ẽ 're, ĩdâ'â u'âsi aré 're ĩhâimana mono zém hawi. Tiwaihu'u pese na ma tô ãne hawi duré ĩnho'reptu.

Zozué 2:9

— Wa tô waihu'u wa hã, ã hã ti'a Uburé Danhib'apito te te aima isõmri za'ra wa'aba zém na hã, Izaraéu nhihudu norĩ ma. Tahawa sena na wa za tinha, uburé wa norĩ hã wa tô aima za'ra wa'aba wapahi pese za'ra ni.

Apocalipsi 11:13

Tawamhã zasi zahuré wi, awa'awi te za sa'ẽtẽ uptabi ti'a sãsã hã watobro. Watobro wamhã, 'ri hã nima norĩ hã te za sina, Zeruzalẽ ãma, 'ri nho'õmo 'remhã 're isimasa mono hã. 10 na 'ri 'maihâimana wamhã, te za misi si dawi rere'e. Te za duré 7 miu na tadâ'â za'ra ni, ti'a sãsã'ã na hã. Tawamhã dadâ'â ãna idasi'atarẽme mono hã te za tapahi uptabi za'ra ni. 'Re ihâimana u'âsi mono ãma te za tawata za'ra ni, hâiwa ãma 're isãmra mono ãma, simi'manharĩ waihu'u pese uptabi wa.

Apocalipsi 11:9

Tawamhã da'ahâ uptabi na te za itẽme ubumro zahuré ni, ihâiba hâ hã da te dasiwi 'madâ'â zahuré da, 'ri nhi'riti sa'wari ré. Si'ubdatõ bâdâ ine wãiwab u, te za dapoto mono bâ dasiwi 'madâ'â zahuré ni, damreme sipo'o mono bâ, 're idahâimana za'ra mono hã. Te za duré ãma tasi'uwati za'ra ni, da te dasiwi za tõ da.