Apocalipsi 11:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã ti'ai ãma daro mono bâ 're idahâimana wasété za'ra mono norĩ ma hã rowẽ za'ra di za, isadawa wasu'u'wa norĩ hã dâ'â zahuré wa. Tahawa, te za 're dato za'ra. Te za duré danhibzari na tasisawi za'ra ni. Isadawa wasu'u'wa norĩ hã dawasété wi 're dasipizari za'ra mono da, te te dama 're ropipa zahuré mono ré, dâ'â zahuré wa, te za 're dato za'ra.

Apocalipsi 11:10 ပူးပေါင်းရင်းမြစ်များ

Salmu 89:42

Isitob'ru norĩ si ma tô isiptete na hã i'a'upari wẽ mo. Ma tô duré õ norĩ ma si ipẽ'ẽ to hã tãma isõmri za'ra, te te ãma sima irowẽ za'ra zéb da hã.

Provébiu 24:17

Asitob'ru norĩ niha na tãma 're romhâimana za'ra mono wamhã, ãma asima 're rowẽ za'ra mono tõ.

Mateu 10:22

Uburé te za da te 're ai'ruiwapari za'ra wa'wa, ĩzazei'wa 're anomro aba mono wa. Tane nherẽ, asiptete sina õne u'â ĩ'ãma si 're anomro aba mono wamhã, te za asina 're i'uwaimrami za'ra wa'aba mo, asõ'reptu za'ra wa'aba zé hã.

Zuwã 16:20

Asina ĩwapari pese za'ra wa'aba za. A norĩ wa'wa hã aiwawa ahâ za'ra wa'aba di za. Ĩzazei'õ'wa norĩ si te za 're to za'ra. Aipẽ'ẽzé ahâ za'ra wa'aba nherẽ, aipẽ'ẽzé u'âsi 're anomro aba mono õ di za. Zahadu wapsi, aima 're rowẽ uptabi za'ra wa'aba mono di za.

Zuwã 7:7

Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:33

Tawamhã dama roti'wa norĩ hã ãne te te wapari za'ra wamhã, ma tô sada tizahi za'ra. Tahawa, ma tô sima ãma roti za'ra, te te dama 'ru za'ra da, da te dasiwi simro da.

1 Corĩtu 13:6

Isazei'wa norĩ, simizawi pese na 're ihâimana za'ra mono zéb da hã. Dahâimana wasété na 're idahâimana za'ra mono zé wasu'u hã te te 're wapari za'ra mono wamhã, te te ãma sima 're rowẽ za'ra mono õ di za, isazei'wa norĩ hã. 'Re idanomro wẽ mono zé wasu'u na si, te za ãma 're toi uptabi za'ra, sena na.

Apocalipsi 12:13

Tawamhã ho'orã hâiba ne ropoto siwamnarĩ hâiba za'ẽne hã hâiwa hawi da te ime na siwaihu'u wamhã, ma tô pi'õ zarina 're mo, aibâ na i'ra tãma iwaptã'ã zarina.

Apocalipsi 13:14

Ãne 'Re ihâimana u'âsi mono hã ma tô tãma waprosi, â hawi ropoto siwamnarĩ nho'a te te 're romhõsi mono da. Ãne ma tô tinhimiromhõsi na dama 're sadawa nhipese, 'Re ihâimana u'âsi mono zadawa para newa, ti'ai ãma daro mono bâ 're idahâimana za'ra mono norĩ ma hã. Ma tô duré dama ti'ru, romhâiba, da te dasiwi 'manharĩ da, â hawi ropoto siwamnarĩ hâiba na, sib'ézé 'wapa na da te dasiwi wĩrĩ nherẽ, apâ ihâiwa'utu hâiba na.

Apocalipsi 13:8

Tawamhã ti'ai ãma daro mono bâ 're idahâimana za'ra mono norĩ hã te za ãma 're dawata za'ra, da'ahâ uptabi na. Tane nherẽ, ni'wam norĩ hã ãma 're wata za'ra mono õ di za, ibaihâ na 're idahâimana u'âsi za'ra mono norĩ nhisi, 're isimi'wara mono zém na isisi 're isimi'wara mono norĩ hã. Duréihã 'Re ihâimana u'âsi mono hã te te ropoto mono õ ré, danhisi na te te ãma irob'ui'éré za'ra hã ã ibaihâ hã, Pone'ẽrebâ, da te dasiwi iwĩrĩ te hã.

Apocalipsi 16:10

Tawamhã imrotõ ãma hã ma tô hâiwa ãma romhuri'wa hã tinhi'u'awi wamhã sa'wa, ropoto siwamnarĩ â hawi iwatobro simasisizém nhisiwi, danhib'apito simasisizém ne nhisiwi. Te te sa'wari wamhã, ma tô robra hã watobro, ropoto siwamnarĩ nhimi'madâ'â norĩ, 're ihâimana za'ra mono zéb ãma. Tame te dahâzé hã sépata za'ẽtẽ za'ra ni. Dahâzé te, te da'wa na 're dasisoto ubu'iti za'ra. Tawamhã te duré 'Re ihâimana u'âsi mono ãma wasété uptabi za'ra ni, hâiwa ãma 're isãmra mono ãma, dahâzé da te sépata za'ẽtẽ za'ra 'ru te, da'wa're te te duré daduri mono 'ru te zama. Tane nherẽ, dawasété wi 're dasipizari za'ra mono õ di duré.

Apocalipsi 3:10

Da te aima 're rob'manharĩ wasété za'ra wa'aba mono nherẽ, te aima iroti za'ra wa'aba zéb zarina, ĩmreme na si 're anomro aba mono wa, ma tô asina i'uwaimrami za'ra wa'wa, ĩnhimiroti hã. Tahawa, ropsi'utõrĩzéb u, za marĩ ipipa hã iwairébé mono na hã wa za aima ba'a za'ra wa'wa, iwasété norĩ, za te te ida'apibui mono zéb ãma hã, ti'ai ãma daro mono bâ 're idahâimana za'ra mono norĩ hã.