Apocalipsi 10:4 - ꞌRe Ihâimana Uꞌâsi Mono Zadawa Wasuꞌu

⁴ Wapsa'a za'ra wamhã, damreme ne hã wa tô wapa. Tahawa, wa tô imreme za'ra hã te iwapari na aré rob'ui'éré. Tane nherẽ, te ni'wa hã hâiwa hawimhã ĩma tinha, te rob'ui'éré tõ da. Ãne te ĩma tinha: — Tô'ã. Rob'ui'éré tõ. Taré asi'repsi asima si hã waihu'u, tãiwapsa'a norĩ mreme hã.

Apocalipsi 10:4 ပူးပေါင်းရင်းမြစ်များ

Daniéu 12:4

Daniéu, ma'ãpé a hã romreme na rob'ui'éré ré hã marĩ uptobzém na tob'rata to na, sitom haré a'â nomro da, rob'rãsutu u. Da'ahâ uptabi na te za 're dasiwa'rãmi rowaihu'u wẽ zô, da te dasima sa'ẽtẽ za'ra da.

Daniéu 12:9

Ma tõ ãma ĩzada'â ãne: — Daniéu, aihâtâ'â ãna aimorĩ oto. E marĩ wa. Ã hã ĩmreme hã tom haré pi'uriwi a'â hâimana wa za, rob'rãsutu u.

Daniéu 8:26

Tawamhã Gabriéu hã timreme, ma oto 'rãsutu: — Ma tô iwapari pa, rosawẽrẽ na hâiwahâ sidâpâsi duré mararé sidâpâsi marĩ zata na 're idanhoprub za'ra mono zém na, sena na ãma isaprĩzé hã. Tane nherẽ, marĩ i'a'madâ'â mono zém na ãma isaprĩzé hã ni'wai ma, wasu'u õ di za. E marĩ wa. Ã norĩ na za a'â we iromhâimana mono zé hã watobro su'u õ na dâ'âsina.

Apocalipsi 1:11

Ãne te tawamhã ĩma tinha: — Ãhã na marĩ hã te za i'ab'madâ'â mo. Tawamhã uburé i'ab'madâ'â mono hã te za ibaihâ na ãma irob'ui'é. Ãma rob'ui'éré parimhã, Zezusihi zazei'wa norĩ, 'ri nho'õmo mono bâ siré 're isi'rã'õtõ mono norĩ ma, te za ibaihâ hã isõmri za'ra, 'Ri nho'õmo nhisi mono bâ, ãne isisi norĩ ma: Éfézu, duré Esmina, duré Pegamu, duré Tiatira, duré Sadési, duré Filadéufia, duré Laudiséa. Ã norĩ ma, te za asimi'ui'éré hã tãma isõmri za'ra, isazei'wa norĩ ma, 7 na 'ri nho'õmo ãma 're isi'rã'õtõ mono norĩ ma hã.

Apocalipsi 1:19

Tahawa, uburé marĩ hã i'ab'madâ hã te za i'a'ui'éré mo, ãhã na ipusi mono hã, duré nimahã na za ipusi mono da hã.

Apocalipsi 10:8

Tawamhã hâiwa hawi we te te ĩma inharĩ 'rata mreme hã wa tô duré wapa. Ãne te duré ĩma tinha: — Ma'ãpé, sô aimorĩ, ibaihâ nhinha isurure zô, âri da, hâiwa ãma romhuri'wa, sõ'a haré tinhib'rata te te 're i'râ'âri zô. Õ hã hâiwa ãma romhuri'wa, â nhisiwi isa hã, ti'a nhisiwib zama.

Apocalipsi 22:10

Tawamhã te duré ĩma tinha, ãne: — Ãhã wasu'u hã za iromhâimana mono zém na i'arob'ui'éré mono hã asima sawi õ di za. Sõ'awi te za dama ãma 're i'arowasu'u mo, iromhâimanazéb da hã za ãma ronomro õ wa.