Apocalipsi 10:2 - ꞌRe Ihâimana Uꞌâsi Mono Zadawa Wasuꞌu

² Tawamhã ibaihâ nhinha isurure te sõzi haré 're ti'â, tinhib'rata. Tawamhã â poré nhisiwi ma tô tipara nhimire niwĩmhã tipara hã tisã. Ti'a nhisiwi ma tô duré tipara nhimi'e niwĩmhã tipara hã tisã.

Apocalipsi 10:2 ပူးပေါင်းရင်းမြစ်များ

Salmu 2:8

Ma'ãpé ĩwi rowaptẽrẽ. Tawamhã uburé a'uwẽ iwamri mono bâ ãma isitom na wa za te aima 're anhomri. Uburé pese te za aima hã 're dahâimana za'ra za, daro mono bâ.

Mateu 28:18

Tawamhã Zezusi hã ma tô 'râwi itẽme timorĩ za'ra oto. Taha wamhã, ma tô tãma nharĩ za'ra, ãne: — Ĩmama hã ma tô ĩma pisutu, isadawa para dama ĩpire na 're ĩhâimana mono da, ti'ai ãma, duré hâiwa ãma zama.

Apocalipsi 10:5

Tawamhã hâiwa ãma romhuri'wa hã â nhisiwi isa hã ti'a nhisiwib zama isa hã te i'madâ hã ta hã ma tô hâiwa nho'õmo tinhib'rada hã wẽ, tinhimire niwĩ hã.

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 6:3

Tawamhã Pone'ẽrebâ hã ma tô duré ibaihâ nhinha uptobzé hã isãna'remhã pru. Te te pru wi, ropoto na ihâiba norĩ hã ma tô duré isãna'remhã hâ: — We aiwatobro.