Apocalipsi 1:7 - ꞌRe Ihâimana Uꞌâsi Mono Zadawa Wasuꞌu

⁷ Ma'ãpé, asiwi waihu'u pese za'ra wa'aba. Zezusi hã te za wei mo, hâiwa'a na. Wei morĩ wamhã, uburé te za dasiwi 'madâ'â za'ra ni. I'a're wi, siwi iwa'ré'wa norĩ hã te za duré 'madâ'â za'ra, siwi iwĩrĩ'wa norĩ hã. Tawamhã da'upsãtã mono bâ te za sô aiwa'õ za'ra ni, daro mono bâ. Tô sena te za ãne hã tiromhâiba.

Apocalipsi 1:7 ပူးပေါင်းရင်းမြစ်များ

Salmu 22:16

Aibâ iwasété norĩ hã ma tô siwi ĩ'uirĩ za'ra. Ta norĩ hã ma tô oto siwi ĩ'resu'u pese, wapsã norĩ ĩnhib'rada hã duré ĩpara hã te te siwi iwazui mono ne.

Daniéu 7:13

Tawamhã tô taha mara na ĩnhotõ 'rowim na, wa tô duré ni'wa hã 'madâ, a'uwẽ hâiba ne hâiwa nhirõtõ na we imorĩ hã. Ta hã ma tô Duréi 're Ihâimana mono u we sina rotété. Tahawa, ma tô ta hã dasiwi saprõni ni, Duréi 're Ihâimana mono nho're u.

Mateu 16:27

Ti'ai ãma Dasiré Ipodo, niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tamep si uburé marĩ hã da te 're i'manharĩ za'ra mono zéb zarina, te za dama hã arowairébé, iwẽ norĩ ma, duré iwasété norĩ ma.

Mateu 16:28

Tô sena wa aima rowasu'u za'ra wa'wa. A norĩ wa'wa hã ni'wam norĩ si ai'matâ'â aba õ ré, te za i'madâ'â za'ra wa'wa ti'ai ãma Dasiré Ipodo hã, uburé Danhib'apito uptabi na apâ we morĩ wamhã.

Mateu 24:30

Ãne hã daré romhâimana pari, marĩ hã te za watobro hâiwa na, dama ipibu pese zéb da hã, ti'ai ãma Dasiré ipodo, apâ we imorĩzém na da te ãma waihu'u za'ra da oto. Tawapsi te za oto daro mono bâ dasiwi 'madâ'â ni, hâiwa'a na we morĩ ré. Tiwaihu'u pese na te za wei mo apâ, duré ihâiba na hã rowa'a za'ẽtẽ ré. Da te dasiwi 'madâ'â za'ra wamhã, te za 're dazadari za'ra, robzawi te, danhimiza'rese sô 're danhimipari za'ra mono õ wa.

Mateu 25:31

Tawamhã Zezusi hã ma tô duré romhâ ré tãma rowaihu'u siromo za'ra, ãne: — Ti'ai ãma Dasiré Ipodo hã niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tawapsi te za danhib'apito simasisizém na hã 're sãmra, pire na te te ãma 're da'ab'madâ'â u'âsi mono da oto.

Mateu 26:64

Tawamhã Zezusi te asa tãma tinha, ãne: — Tahata ma te tô tane hã ãma iwaihu. Ãne wa za duré aima waihu'u za'ra wa'wa. Ti'a ãma Dasiré Ipodo hã te za asiwi 'madâ'â za'ra wa'wa za, iwaihu'u pese uptabi nhimire niwĩ 're isãmra mono na, dama pire na. Duré hâiwa'a na apâ we morĩ wamhã, te za ãne na i'madâ'â za'ra wa'wa.

Marcu 13:26

Tawamhã ti'ai ãma Dasiré Ipodo hã, hâiwa'a na te za wei mo apâ, danho'a. Tiwaihu'u pese uptabi na, te za wei mo apâ, duré ihâiba na rowa'a za'ẽtẽ uptabi ré.

Marcu 14:62

Tawamhã Zezusi hã asa te tãma siwasu'u oto: — Ĩhe. Wa hã, Danho'reptui'wa. Wa hã tô duré 'Re ihâimana u'âsi mono 'ra. A norĩ wa'wa hã aihĩni te za i'madâ'â za'ra wa'wa, ti'ai ãma Dasiré Ipodo hã, 'Re ihâimana u'âsi mono nhimire niwĩ, 're isãmra mono na, iwaihu'u pese 'rata. Hâiwa'a na apâ we morĩ wamhã, te za ãne na i'madâ'â za'ra wa'wa za.

Luca 21:27

Tawamhã ti'ai ãma Dasiré Ipodo hã hâiwa'a na, te za wei apâ mo, danho'a. Tiwaihu'u pese uptabi na, te za wei mo apâ, duré ihâiba na hã rowa'a sa'ẽtẽ uptabi na.

Zuwã 19:34

Iwana dâ'â zahuré nherẽ, ma tô i'a're wi wa'ré da'wapéi'wa hã, si'uwazi 'rã'wa pa na. Te te wa'réi wi, ma iwapru hã puru. Â zama ma te tawamhã isu asa'wa.

Zuwã 19:37

Ma tô duré ãne ãma rob'ui'éré siro, isadawa wasu'u'wa hã: “Da te iwa'rézé hã te za 'madâ'â za'ra ni.” Tawamhã ãma irob'ui'éré zarina, iwa'rézé hã ma tô 'madâ'â za'ra ni.

1 Tesalonita 1:10

I'ra hã hâiwa hawi apâ we imorĩzéb zô, te 're simipari u'âsi za'ra, ab're hawi apâ te te ihâiwa'utu zô.” Ãne te wama aiwasu'u za'ra wa'wa. Tane tô. Ta hã Zezusi hã, Wanho'reptui'wa. Ma tô wanho'reptu za'ra, 'Re ihâimana u'âsi mono hã za te te idahâ za'ra zé wi hã.

1 Tesalonita 4:17

Tawamhã wa norĩ hã isazei'wa norĩ, zahadu wahâiba ré 're iwahâimana za'ra mono norĩ hã, apâ ihâiwa'utu za'ra norĩ me, te za sitẽme wa'ubumro awa'awi, hâiwa'a ãma. Tawamhã Wanhib'apito ãhã wamhã wa za oto aihĩni sõpẽtẽ za'ra ni, hâiwa nho're ãma. Tawamhã i'rata wa za oto 're wahâimana u'âsi za'ra.

Hebreu 10:29

Ãne, duréihã 'Re ihâimana u'âsi mono nhimiroti 'rata wẽ'õ'wa norĩ ma hã, 're ropipa za'ra mono di. E niha tawamhã za, 'Re ihâimana u'âsi mono 'ra, te te siwi 're i'ruiwapari za'ra mono norĩ ma, 're iromhâimana za'ra mono zé hã za. Tãma 're ropipa uptabi za'ra mono di za tô. 'Re ihâimana u'âsi mono hã te za tô ta norĩ hã hâ za'ra za'ẽtẽ, rob'rãsutuzéb ãma hã. Duré 'Re ihâimana u'âsi mono te te dama iropisutuzép tém na, Cristu hã dazada idâ'âzé hã taré newa, te ta norĩ hã te te ãma 're rosa'rata upa za'ra. Ta norĩ hã te duré 'Re ihâimana u'âsi mono pẽ'ẽzani ãma te te 're wasété u'âsi za'ra, isimizawi uptabi ãma hã.

1 Zuwã 3:2

Ĩsisãnawã norĩ, ĩma asawi pese za'ra wa'aba norĩ hã, 'Re ihâimana u'âsi mono 'ra, wa oto 're wahâimana za'ra. Tane nherẽ, za 're iwahâimana za'ra mono zéb da hã, zahadu wama waihu'u prã za'ra di. Cristu hã apâ wei wazô morĩ wamhã, isine wa za oto 're wahâimana za'ra. Ãhã si wama waihu'u pese za'ra di. E marĩ wa, wa za isine 're wahâimana za'ra. Tô sena Cristu hã 're ihâimana mono zém na 'râwi wa te oto wasiwi 're waihu'u za'ra mono wa, wa za oto tô isine 're wahâimana za'ra.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.

Apocalipsi 22:20

Tawamhã Zezusi hã te duré irẽme ma siwasu'u, ã te ãma i'arob'ui'éré mono na te te ĩma i'awaihu'u mono 'wa hã. Ãne te siwasu'u: — Tô sena, wa za wei morĩ su za apâ. Tane tô. Wanhib'apito Zezusi apâ we aimorĩ su'u za tô.

Apocalipsi 22:4

Te za duré i'ubu hã te te siwi 're 'madâ'â u'âsi za'ra. Duré isisi na uihâ ui'éré ré, te za 're hâimana za'ra.

Zuize 5:31

Uburé Danhib'apito, uburé asitob'ru norĩ si'utõrĩ. Tane nherẽ, asiwaihu'u norĩ te te 're irowa'a pese za'ra mono da si iwẽ hã, bâdâ 're pusi mono wi ro'o nhiptete na te te 're irob'uiwẽ mono ne hã! Tawamhã ti'ai wa'õtõ nho'õmo 'remhã 40 na wahum na, rowẽ na si ma tô oto 're romhâimana.