Apocalipsi 1:15 - ꞌRe Ihâimana Uꞌâsi Mono Zadawa Wasuꞌu

¹⁵ Duré ipara hã ẽtẽ topsada brõzi ne, te 're si'ubuzi zahuré. Duré imreme hã, â'a'a 'rãihâ ruru'u ne.

Apocalipsi 1:15 ပူးပေါင်းရင်းမြစ်များ

Daniéu 10:6

Ihâiba hã te nasi rowa'a za'ẽtẽ, ẽtẽ si'ubuzi waipo iwa'âbâ za'ẽtẽ ne hã. I'ubu hã duré tã si'ubuzi ne hã. Ito hã duré 'rãsitõ ro'o ne. Duré ipaihi, iza norĩ me hã te nasi rowa'a za'ẽtẽ za'ra, ẽtẽ topsada brõzi 'manharĩ ne. Duré imreme hã da'ahâ uptabi na da te dasima 're robzanhamri za'ra mono wa, da te ãma 're irobruru'u za'ra mono ne.

Apocalipsi 10:1

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã isimiwada'uri pire hã. Hâiwa hawi ma we si'ra, hâiwa'a na ubu ré. Tãiwaipore te duré i'rã nhisiwimhã za. Duré i'ubu hã aiwa bâtâ ro'o ne. Duré unhama ro'o nhoto pa ne, iza hã.

Apocalipsi 14:2

Tawamhã wa tô duré wapa, hâiwa hawi ni'wai mreme hã. Â'a'a 'rãihâ ruru'u ne, imreme hã. Duré tãiwapsa'a za'ẽtẽ rãrã'ã ruru'u ne, imreme hã. Rowamreme'wa, tinhimirowamremezém na te te 're irowamreme za'ra mono ne, imreme hã.

Apocalipsi 19:6

Tawamhã wa tô duré wapa, da'ahâ uptabi na 're idamreme zusi mono mreme hã. Â'a'a 'rãihâ ruru'u ne, damreme hã. Duré tãiwapsa'a za'ẽtẽ rãrã'ã ruru'u ne, damreme hã. Ãne te damreme 'rãihâ na nharĩ za'ra ni: — Uburé Danhib'apito uptabi, iwaihu'u pese uptabi hã ta hã danhipai u, pire uptabi na te 're hâimana, 'Re ihâimana u'âsi mono hã. Tahawa, ãma 're wawata u'âsi za'ra wa'aba mono za.

Apocalipsi 2:18

— Te za oto irob'ui'é, Tiatira na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã 'Re ihâimana u'âsi mono 'ra, wa aima roti za'ra wa'wa. Ĩto hã te unhama ro'o si'ubuzi ne 're si'ubuzi zahuré. Duré ĩpara hã te ẽtẽ topsada brõzi ne 're si'ubuzi zahuré.