Zezusihi zadawa wasuꞌuꞌwa norĩ nhimiromhuri na robꞌuiꞌéré 9:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Damascu ãma aibâ hã te 're sãmra, Zezusihi nhirã zarina 're imorĩ hã, Anania na aibâ nhisi hã. Tawamhã sõtõ 'rowim ne, ma tô Wanhib'apito hã tãma sihâi'ré. Ãne te taha wamhã 'mahâ: — Anania. Tawamhã asa ma sada'â, ãne: — E marĩ, Ĩnhib'apito. Tawamhã Wanhib'apito te tãma tinha, duré ãne:

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:10 ပူးပေါင်းရင်းမြစ်များ

Zenezi 14:15

Tawamhã tame tite aibâ norĩ na maparane iwa'õtõ na hã ma tô ãma aipo'o. Tawamhã tinhitob'ru norĩ, bara na te te sima sahui wamhã, ma tô ãma ai'uté za'ra. Te duré isarina hã timorĩ za'ra, Damascu nhipai ãma hâiwa nhimi'e niwĩ, Hoba na 'ri nho'õmo nhisi 're ihâimana mono u.

Zenezi 22:1

Tawamhã wahu hã duré si'utõrĩ mono pari, 'Re ihâimana u'âsi mono, ma tô Abra'ã hã pibu, sena na te te sina 're umnhasi pese mono zô. Tahawa isisi na te te 'mahârâ wamhã, ma tô ãne sada'â asa: — E marĩ. Ãhãta ãme wa za.

Zenezi 31:11

Tawamhã taha ré ma tô 'Re ihâimana u'âsi mono ma, Hâiwa ãma Romhuri'wa ĩnhisi na hã ĩ'mahâ. Ãhã wa, wa tô sada'â ãne: “E marĩ! Ãhãta wa ãme ĩhâiba.”

Ezodu 3:4

Tawamhã Uburé Danhib'apito, Mozési 'râwi itẽme te te sina irotété na te te 'madâ'â wamhã, ma tô wede iro'o wa'wa hawi 'mahâ ãne: — Mozési! Mozési! Tawamhã awa'awi ma sada'â ãne, Mozési hã: — E marĩ. Ãhãta, ãme wa za.

Daniéu 2:19

Tawamhã Daniéu, tô taha bara na 'Re ihâimana u'âsi mono sõtõ 'rowim ne, marĩ te te tãma ihâi'ré hã ma tô titõmo na 'madâ. Taha na ma tô 'Re ihâimana u'âsi mono hã marĩ te te iwasu'uzé hã tãma hâi'ré. Tahawa, ma tô 'Re ihâimana u'âsi mono ãma tiwata,

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:3

Tawamhã nimahã bâtâ na bâdâ sipra wi, ma tô marĩ hã 'madâ, sõtõ 'rowim ne. Hâiwa ãma 'Re ihâimana u'âsi mono ma, romhuri'wa hã ma tô 'madâ. Ma tô we itẽme sina rotété. Taha wamhã, te 'mahâ oto ãne: — Coneliu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:5

— Zopi ãma ĩnhamra ré, wa tô marĩ hã 'madâ, ĩnhotõ 'rowim ne. 'Re ihâimana u'âsi mono ma, ĩmreme ré, wa tô 'madâ. Zazahâ hâi wa'õtõ waré wawẽ hã ma tô we ĩtẽme si'ra, hâiwa hawi. Ihâ nhipti wahuré na ma tô we ãma wasisi. Tawamhã ĩnho're ma tô nomro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:9

Tawamhã sõtõ 'rowim ne, ma tô isarina watobro Pedru hã, te te irosawẽrẽ ne hã. Te te waihu'u õ di, tô sena 'Re ihâimana u'âsi mono ma romhuri'wa, itẽme iwisi na hã, hâiwa hawi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:10

Tawamhã ãne hã Paulu sõtõ 'rowim ne te te 'madâ'â wamhã, wa tô wasima ro'ubumro za'ra ni, Masédonia u wasi'aba'ré da. E marĩ wa. Zezusihi wasu'uwẽ na tame wa te dama rowasu'u za'ra da, 'Re ihâimana u'âsi mono te te iwapisutu za'ra na wa te wasina waihu'u za'ra wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:9

Tawamhã sõtõ 'rowim ne, ma tô marĩ hã 'madâ Paulu hã, bara na. Aibâ hã Masédonia na danhipti'a nho'õmo nhisi ãma 're isãmra mono hã te i'rata za, sa'ẽtẽ te te waptẽrẽ da, ãne: — Wei watẽme aimorĩ, Masédonia u wa'ãma aime za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:9

Tawamhã nimahã mara na, Paulu hã ma tô Wanhib'apito hã 'madâ, sõtõ 'rowim ne. Taha wamhã, te tãma tinha, ãne: — Aipahi tõ. Dama 're rowasu'u u'âsi mono. Sazâri tõ duré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:17

“Ãne wa za 'manha: Rob'rãsutu u ti'a si'utõrĩ õ ré, wa za Ĩpẽ'ẽzani hã te dama 're anhomri, daro mono bâ. Tawamhã asihudu za'ra wa'wa, aibâ norĩ hã, duré pi'õ norĩ hã te za te te 're ĩzadawa wasu'u za'ra. Ihi norĩ ma, sõtõ 'rowi te te 're irosawẽrẽ za'ra mono na wa za tãma 're ĩsiwaihu'u za'ra, ĩnhimiroti na hã. Duré, ipréduptém norĩ ma zama sõtõ 'rowim ne, wa za tãma 're ĩsiwaihu'u za'ra, ĩnhimiroti na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:12

Tame aibâ hã te 're hâimana, Anania na isisi hã. Ta hã 'Re ihâimana u'âsi mono nhimiroti 'rata wapari pese 'wa. Zudeu norĩ hã tame 're isi'ubumroi mono hã ma tô Anania hã te te 're wẽsãmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:12

Sõtõ 'rowim ne, ma tô aiwaihu'u, itẽme aiwisi õ ré. Te te rob'madâ'â hâ. Asib'rada i'rãi ãma hiri da, tõmo wẽ da, itẽme i'aimorĩzém na hã ma tô waihu'u siro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:9

Tame bâdâ hã si'ubdatõ te ãma ne, te te rob'madâ'â waihu'u ãna hâimana ré hã. Marĩ na si'upari õ di. Sai ãna te nasi duré da'wa. Te te hâ'rẽne õ di duré.

2 Corĩtu 11:32

Uburé marĩ da, ĩsi'uihâ na ĩnhib'uware na 're ĩhâimana mono zém na hã wa za aima ãma ĩsiwasu'u za'ra wa'wa. Damascu na 'ri nho'õmo nhisi ãma ĩnhamra ré, apito Aretaha zapari da'madâ'â'wa hã ma tô damrami'wa norĩ ma ĩ'ru, 'ri nho'õmo 'wawi wa'ra, 'ridawa nhitob za'ẽtẽ mono bâ, te te ĩzô rob'madâ'â za'ra mono da, te te siwi ĩsãmri wa, te te siwi ĩ'âri da.

Galata 1:17

Duré Zeruzalẽ u, a'â ĩmorĩ õ di, Cristu hã tizadawa wasu'u'wa da, ĩwana te te sima ipisutu za'ra norĩ u, te sabu za'ra da. Mare di. Daza'rui amoi u si, wa tô a'â mo, Arabia u. Tame ĩnhamra pari, wa tô apâ mo, Damascu na 'ri nho'õmo nhisi u.

1 Samuéu 3:4

Tawamhã te Uburé Danhib'apito 'mahâ ãne: — Samuéu, Samuéu! Tawamhã ma tô sada'â ãne, Samuéu hã: — E marĩ. Ãhãta ãme wa nhamra.