Zezusihi zadawa wasuꞌuꞌwa norĩ nhimiromhuri na robꞌuiꞌéré 8:32 - ꞌRe Ihâimana Uꞌâsi Mono Zadawa Wasuꞌu

³² Rob'ui'éré te te isõré mono hã ãne: “Pone'ẽrebâ, da te wĩrĩ da, da te dasiwi isaprõni ne, ma tô dasiwi saprõni ni, da te dasiwi wĩrĩ da. Tawamhã dawi sisawi ãna ma tô dama mo. Duré pone'ẽrebâ 'ra hã da te séré nhihâri wamhã, isadari õ ne, ari'iwi ma tô tihâiba.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:32 ပူးပေါင်းရင်းမြစ်များ

Luca 23:34

Tawamhã Zezusi hã te Timama ma tinha, ãne: — Ĩmama, da'ãma 'madâ'â õ di za, da te ĩma i'manharĩ wasété za'ra zé hã. Da te dasiwi ĩwaihu'u ãna, ma tô ĩma 'manharĩ wasété za'ra ni. Tawamhã ẽtẽ zapotore i'ui'éré ré hã ma tô nasi sima sãmra, Zezusihi uzazéb zô. Taha zarina, ma tô sima ãma aipé.

Zuwã 1:29

Tawamhã awẽ ma tô Zuwã Batista Zezusi hã tisã, itẽme morĩ ré. Te te sãmri wi, te dama 'mahâ, ãne: — Õhõta te we oto mo, Pone'ẽrebâ hã, 'Re ihâimana u'âsi mono te te ipisudu hã dawasédé te te dama 're apari mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:31

Tawamhã asa te tãma tinha, ãne: — E 'wa te te ĩma waihu'u bâ, wa za waihu'u. Tawamhã ma tô 'mahâ, itẽme sarõtõ da, awaru na wedewara zapore 're, siré neb da.

Roma 8:36

Duréihã apito Dawi hã ma tô ãne na wa'ãma rob'ui'éré siromo za'ra, za wa te 're irobzépata za'ra mono zém na hã: “Wamama, 'Re ihâimana u'âsi mono, wa norĩ hã asib'a'uwẽ 're wanomro mono wa, wama romnhimimnhasi u'âsi na, wa 're wahâimana za'ra, da te 're wanhimroi mono õ'umnhasite. Pone'ẽrebâi ãma 're dapẽ'ẽzé za'ra mono ãna, dasazéb da, da te 're isimroi mono ne, te da te dasima 're wawẽ za'ra, da te 're wanhimroi mono da, da te 're wa'ruiwapari za'ra mono wa oto.”

1 Corĩtu 15:3

Zezusihi wasu'uwẽ hã danhipai u ipire uptabi hã, wa tô te aima 're wasu'u za'ra wa'wa, da te ĩma 're irowasu'u za'ra mono zéb zarina. Ãne, Zezusihi wasu'u hã ipire uptabi hã: Cristu hã ma tô, u, wazada dârâ, uburé wawasété na 're iwahâimana za'ra mono norĩ zada. Taha pari, ma tô dasiwi sẽrẽ ni, u, ab're 're. Tawamhã bâdâ maparane ãma si'utõrĩ õ ré, ma tô duré Imama hã, u, hâiwa'utu, 'Re ihâimana u'âsi mono hã. Ãne ma tô tãma tiromhâiba, duréihã 'Re ihâimana u'âsi mono zadawa 'mahârâ'wa norĩ hã ibaihâ na te te ãma irob'ui'éré siromo za'ra zéb zarina.

1 Pedru 1:19

Dazada idâ'âzém na si ma tô aiwa'âbâ za'ra wa'wa, iwapru hã tiwi ipu'uzém na. Ta hã te 're mo, pone'ẽrebâ iwẽ uptabi ne, da te dasiwi iwĩrĩ da hã, dawasété wa, dawa'âbâzéb da. Cristu hã wẽ uptabi na 're ihâimana mono hã ma tô tidâ'âzém na aiwasédé hã wa'âbâ za'ra wa'wa. Ta hã te te iwawa'âbâ za'ra zé hã wẽ uptabi di.