Zezusihi zadawa wasuꞌuꞌwa norĩ nhimiromhuri na robꞌuiꞌéré 7:49 - ꞌRe Ihâimana Uꞌâsi Mono Zadawa Wasuꞌu

^49-50 Wa hã hâiwa nhipai ãma, Apito. Ti'ai ãma zama, Apito. Ĩwaihu'u pese wa, wa hã uburé Apito. Ĩwétési uburé marĩ hã te 'manharĩ waihu'u pese di. E niha te za tawamhã ĩnhorõwa hã ĩma i'ri za'ra wa'wa, iwa 're ĩnhamra u'âsi mono zéb da hã. Mare di. 'Re ĩnhamra u'âsi mono zéb da hã ĩma 'ri za'ra wa'aba õ di za.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:49 ပူးပေါင်းရင်းမြစ်များ

Mateu 23:22

Duré ni'wam norĩ hã hâiwa nhisi na dama 're siwaptob za'ra mono wamhã, taha nhisi zarina te duré 'Re ihâimana u'âsi mono, pire na te te 're ida'ab'madâ'â mono zém nhisi na dama ãma 're siwaptob za'ra, iwa 're isãmra mono nhisi na zama, tô õhõ nhisi na.

Mateu 24:2

Tawamhã Zezusi te tãma nharĩ za'ra, ãne: — Ã 'ri hã wẽ na 're simasa mono ré, te tô i'madâ'â za'ra wa'wa. Tane nherẽ, niwapsi te za dasiwi pru pese ni, ẽtẽ na 'ri hã. Tawamhã 're na misi si te za oto simi'wara, ẽne hã. Duré sisisiwimhã 'manomro waihu'u õ di za oto. Tâibâ za oto duré. Tô sena, wa ãne hã aima waihu'u za'ra wa'wa.

Zuwã 4:21

Tawamhã Zezusi te duré pi'õi ma tinha, ãne: — Pi'õ, ãne te aima inharĩzém na hã ma'ãpé ãma ĩzaze na: “Nimahã na bâdâ te za wi, ã ẽtẽ 'rãihâ ãma, duré Zeruzalẽ ãma za 'Re ihâimana u'âsi mono ãma 're idawata za'ra mono õ na hã.”

Apocalipsi 3:21

“Duré, ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã, ta norĩ hã wa za pisutu za'ra, danhib'apito 're ĩsimasisi mono zéb ãma, ĩzababa 're si'ubumroi u'âsi mono da. Wa hã ĩdâ'âzéb u ĩsipi'rai õ na Satanasihi ãma te ai'uté wa, taha pari Ĩmama zababa oto 're ĩnhamra u'âsi mono ne, te za ta norĩ hã ĩzababa 're si'ubumroi u'âsi.