Zezusihi zadawa wasuꞌuꞌwa norĩ nhimiromhuri na robꞌuiꞌéré 7:2 - ꞌRe Ihâimana Uꞌâsi Mono Zadawa Wasuꞌu

^2-3 Tawamhã Estewã ma tô tãma rob'rãzarõtõ za'ra, dahi'rata norĩ wasu'u na hã, ãne: — Wasiré Izaraéu nhihudu norĩ, duré wamama norĩ zama hã, ĩwapari za'ra wa'aba. 'Re ihâimana u'âsi mono hã, rowa'a na 're isãmra mono hã duréihã ma tô Abra'ãhã ma sihâi'ré, wahi'rata ma. Mezopotãmia na danhipti'a nho'õmo nhisi ãma 're sãmra mono ré, ma tô itẽme wi, zahadu Harã na 'ri nho'õmo nhisi u morĩ õ ré. Ãne te tãma tinha: “Ma'ãpé airom nhiti aiwatobro, asisãnawã norĩ nhiti aimorĩ da. Airop téb u wa za asaprõ, tame 're aihâimana mono da oto.” Ãne ma tô tãma roti.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:2 ပူးပေါင်းရင်းမြစ်များ

Zenezi 11:31

Tawamhã Tera, 'ri nho'u Ur na isisi hawi watobro wamhã, Cana'ã na romnhisi u morĩ da, ma tô ti'ra Abrãhã siré, tinhihudu Lo hã siré saprõ, Harãhã 'ra hã. Duré tisani'wa Sara'i, ti'ra mro hã ma tô duré siré saprõ. Tawamhã Harã na 'ri nho'õmo nhisi u oto sihutu wamhã, ma tô duré oto tamemhã 're hâimana za'ra.

Zenezi 12:1

Tawamhã nimahã bâtâ na te Uburé Danhib'apito hã, Abrãhã ma tinha ãne: — Asipti'ai hawimhã te za aiwato, asisãnawã norĩ hawimhã, duré aimama nhorõwa hawimhã, ro hã za te aima ihâi'rézéb u aimorĩ da.

Zenezi 12:5

Tawamhã timro te siré saprõ, Sara'i hã. Tizamarĩ'wai 'ra, ti'ra wapté te duré siré saprõ, Lo hã. Duré uburé Harã ãma isimarĩ tãma 're ihâimana mono norĩ hã, te siré tidu. Duré uburé pawa'âbâ ãna tãma iromhuri'wa norĩ zama hã te duré siré te te simro. Tawamhã oto Cana'ã u sihutu wamhã,

Zenezi 15:7

Tawamhã te duré sina tãma tinha ãne: — Wa hã, Uburé Danhib'apito. Wa hã wa tô Babilonia hawimhã we aiwaze, 'rinho'u Ur na isisi hawimhã, ã hã ti'a te aima isõmri da hã ãma 're airo mono da oto.

Zenezi 29:4

Tawamhã Zaco te pone'ẽrebâ 'madâ'â'wa norĩ sadanharĩ za'ra ãne: — Ĩsiwaihu'u norĩ, e ma hã asa'ru za'ra wa'wa. — Wa norĩ hã Harã ãma 're iwarob za'ra mono. — Ãne ma tô asa sada'âbâ za'ra.

Neemia 9:7

“A hã Uburé Danhib'apito 'Re ihâimana u'âsi mono, Abrãhã pisutu'wa, ma tô Babilonia ãma Ur na 'ri nho'õmo nhisi hawimhã iwaze. Ma tô duré Abra'ã na isisi tém na da hã oto ãma isaprĩ.

Salmu 24:10

E 'wa ã hã Apito, danhipai u, isiptede iwaihu'u pese uptabi. Ta hã, tô Uburé Danhib'apito, isiptede, duré iwaihu'u pe.

Salmu 24:7

'Ridawa nho'õmo norĩ hã 're 'ridawa pese za'ra wa'aba mono. Duréi 'ridawa nho'õmo i'rata norĩ, 're 'ridawa pese za'ra wa'aba mono, Apito danhipai u isiptete uptabi hã sébré da.

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

Luca 2:14

— 'Re ihâimana u'âsi mono hã sõprub di, hâiwa ãma 're isãmra mono hã. Ma tô sima dawẽ, iwẽ hã te te dama 're anhomri mono da, rowẽ na 're danomro mono da oto, ti'ai ãma hã.

Zuwã 1:14

'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.

Zuwã 12:41

Duréihã Izaia hã sõtõ 'rowi te te irosawẽrẽ ne, ma tô Wanhib'apito 'madâ, Zezusi hã. Ihâiba na hã rowa'a za'ẽtẽ di. Te te 'madâ'â wa, te ãne na rowasu'u siro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:1

Ãne te Paulu hã dama siwasu'u: — Ĩsiré norĩ, duré wamama norĩ, ma'ãpé ĩwapari pese za'ra wa'aba za. Wa za oto aima ĩsiwasu'u za'ra wa'wa, 're ĩhâimana mono zém na hã ĩwaihu'u za'ra wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:7

Tawamhã mreme pari, tame isi'rã'õtõ norĩ hã ma tô sina isipo'ozéb zarina sima nharĩ za'ra, farizeu norĩ hã, saduseu norĩ me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:1

Tawamhã 'Re ihâimana u'âsi mono ma, da'ãma romhuri'wa tisiré norĩ nhipai u ipire uptabi hã te tãma tinha, Estewãhã ma, ãne: — E tô sena aiwasu'u hã.

1 Corĩtu 2:8

Tiwaihu'u pese zarina, 'Re ihâimana u'âsi mono nhimirowaihu iwẽ uptabi hã te te waihu'u za'ra õ di, ti'ai ãma dama roti'wa norĩ isazei'õ'wa norĩ hã. Te te waihu'u za'ra 'wa'âhã, Wanhib'apito, danhipai u iwaihu'u pe hã te te siwi wĩrĩ õ di aré, wedepo'o nhonhi'rãmi na hã.

Éfézu 1:17

Wamama hã waihu'u pese za'ẽtẽ na dâ'âsina, wa aima za'ra wa'aba te tiwi 're rowaptẽrẽ u'âsi, hâiwa hawi dahâimanazém na rowaihu hã Tipẽ'ẽzani na te te aima 're sõmri u'âsi za'ra wa'aba mono da, duré Wamama hã ihâimanazém na 'râwi 're waihu'u za'ra wa'aba mono da, 'Re ihâimana u'âsi mono hã, Wanhib'apito Zezu Cristuhu 'madâ'â'wa hã.

Titu 2:13

Ãne wa za 're wanomro, Wa'anho'reptui'wa zô wanhimipari sina. Wa za rowẽ u'âsi 're wahâimana za'ra, wasina 're wanhimipari za'ra mono sina. Rowa'a za'ẽtẽ ré, apâ wei morĩ wapsi, wa za watõmo na 'madâ'â za'ra ni, danhipai u 're ihâimana mono hã, Wanhib'apito Zezu Cristu hã.

Hebreu 1:3

Õhõ si te oto Timama hã iwẽ uptabi na te te dama 're wasu'u, rowa'a isa'ẽtẽ ré na hã. Taha si te Timama ne 're hâimana, aiwa wa. Tinhimiroti nhiptete na te uburé marĩ hã te te 're a'upari wẽ, 're si'utõrĩ tõ za'ra mono da. Õhõ si dawasédé hã te te dama 're apari mono da, dazada dâ'â wa, taha pari hâiwa'utu wa, te oto 'Re ihâimana u'âsi mono nhimire niwĩ 're sãmra hâiwa ãma, danhipai u iwaihu'u pese uptabi nhimire niwĩ, isiré te te 're da'ab'madâ'â mono da oto, pire uptabi na.

Hebreu 11:8

Abra'ã hã, 'Re ihâimana u'âsi mono si te te sina 're i'umnhasi mono zéb zarina, ma tô duré isimiroti na saze, tirom nhiti watobro da, ti'a te te tãma ipisutuzéb u morĩ da, ãma isa'ru da hã. Tawamhã tirom hawi ma tô watobro tô, ti'ai amoi u morĩ da, tamomomhã bâdâdi hã te te waihu'u õ nherẽ, za ãma imorĩzéb da hã itẽme.

Tiagu 2:1

Ĩsisãnawã norĩ, ãne wa za duré aima waihu'u za'ra wa'wa. Wanhib'apito Zezu Cristu hã rowa'a za'ẽtẽ ré, te 're hâimana u'âsi, wẽ uptabi na. Tawamhã isazei'wa 're aihâimana za'ra wa'aba mono nherẽ, dahâiba 'madâ'â zarina asiwi 're daba'a za'ra wa'aba mono õ di za, asimizawizém na hã.

Zozué 24:2

Tahawa te Zozué uburé dama tinha, ãne: — Ãne te tinha, Uburé Danhib'apito, Izaraéu nhihudu norĩ te, 'Re ihâimana u'âsi mono hã: “Duréi aihi'rata norĩ wa'wa pa nho'u Eufrati pa zara niwĩ 're hâimana za'ra mono ré hã ihâiba'õ waihu'u pese newa ãma 're idawata za'ra mono ãma ma tô 're wata za'ra. Aihi'rata norĩ wa'wa, Tera, Abra'ãhã mama, duré Naoho mama.

Apocalipsi 4:11

Ãne te nasi ãma tiwata za'ra: “Wanhib'apito, 'Re ihâimana u'âsi mono, a hã aiwẽ uptabi di. Aiwaihu'u pese di. Aiwaihu'u pese na ma tô i'aropoto mo. Asima iwẽ zarina ma tô uburé pese i'aropoto mo. Asima iwẽ zarina te oto uburé marĩ hã 're hâimana za'ra, asimipoto mono bâ. Tahawa, uburé i'aropoto mono zéb zarina tô ibâre, wa ai'ãma si 're wawata u'âsi za'ra.”