Zezusihi zadawa wasuꞌuꞌwa norĩ nhimiromhuri na robꞌuiꞌéré 6:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã wa norĩ hã 'Re ihâimana u'âsi mono ma, wa za 're wamreme zusi u'âsi. Imreme na wa za wa te 're dapawaptob u'âsi za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:4 ပူးပေါင်းရင်းမြစ်များ

Luca 1:23

Tawamhã Zacaria, te te romhuri pari, te apâ mo, 'Re ihâimana u'âsi mono nhorõwa 'ri hawi, tinhorõwa u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:14

Tawamhã awẽ sidâpâsi te nasi si'rã'õtõ, 'Re ihâimana u'âsi mono ma, mreme zusi da nasi, Zezusihi no norĩ me, duré ina Maria na isisi hã aimawi pi'õ norĩ me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:42

Tawamhã Zezusihi zazei'wa norĩ hã isadawa wasu'u'wa norĩ nhimirowahudu hã te te 're wapari pese za'ra. Te te rẽme za'ra õ di. Ma tô 're sisawi pese za'ra. Ma tô duré 're si'rã'õtõ, tisa da, duré 'Re ihâimana u'âsi mono ma, 're mreme zusi mono da.

Roma 1:9

Wa hã 're ĩsihâiba zawi mono ãna, wa 'Re ihâimana u'âsi mono ma, te 're romhuri u'âsi, i'ra wasu'uwẽ hã te dama 're iwasu'u mono zém na hã. Wa ai'ãma 're ĩsipo're pu'u u'âsi za'ra wa'wa. Wa duré ai'ãma 're ĩmreme u'âsi za'ra wa'wa, 'Re ihâimana u'âsi mono ma. Tô sena, wa ãne na aima rowasu'u za'ra wa'wa, 'Re ihâimana u'âsi mono ma, ãne hã tãma waihu'u pese uptabi wa. Taha wi si, wa nasi ĩsima rowaptẽrẽ u'âsi ãhã na hã, te te sima iwẽzéb uwaibaba te te ĩma ãma uwaimrami da, ãma atẽme ĩmorĩ za'ra wa'aba da hã.

1 Corĩtu 9:16

'Re ĩsi'madâ'â zei waihu'u mono õ di, te dama 're iwasu'u mono zém na iwasu'uwẽ hã. Tô ĩnhimiromhuri wa, wa te te dama 're wasu'u, 'Re ihâimana u'âsi mono nhimipisutuzéb zarina. Iwasu'uwẽ hã te dama 're wasu'u mono õ 'wa'âhã, aré ĩma 're ropipa uptabi mono di.

Filipu 1:4

Duré 'Re ihâimana u'âsi mono ma, ai'ãma 're ĩmreme za'ra wa'aba mono sidâpâsi, wa ãma aima 're ĩtoi u'âsi za'ra wa'wa, aihâiba mono bâ wa'aba.

Colosu 2:1

Wa hã wa ĩsima wẽ ãne hã, te ai'ãma 're iromhuri pese za'ra wa'aba mono na asiwi ĩwaihu'u za'ra wa'aba da, ĩhâiba pibu za'ra wa'aba õ nherẽ. Duré Laudiséa na 'ri nho'õmo nhisi ãma isazei'wa norĩ 're isi'ubumroi mono norĩ ãma te 're iromhuri pese mono na asiwi ĩwaihu'u za'ra wa'aba da, wa duré ĩsima wẽ, daro mono bâ ni'wam norĩ ãma te duré 're iromhuri pese mono na zama, uburé te te 're ĩhâiba pibu za'ra mono õ norĩ ãma hã.

Colosu 4:12

Epafrasi te duré ãma asawi za'ra wa'wa, tame asiré isazei'wa norĩ siré 're ihâimana mono hã, Cristu Zezusihi ma romhuri'wa hã. Ta hã te ai'ãma 're mreme u'âsi 'wa simi'ẽ na, 'Re ihâimana u'âsi mono ma, taha si te te 're aipawaptob u'âsi za'ra wa'aba mono da, asiptete sina ãma 're anomro aba mono da, duré aihâimana prédup sina 're aihâimana wẽ za'ra wa'aba mono da, ta hã te te aima 're iwẽ za'ra wa'aba mono zéb zarina si. Cristu hã asina 're i'umnhasi za'ra wa'aba mono zém na 're asiptete za'ra wa'aba mono da, te duré ai'ãma 're mreme u'âsi za'ra wa'wa.

Colosu 4:17

Arquipuhu ma, ma'ãpé ãne hã 'maiwaihu'u aba za: “'Re ihâimana u'âsi mono, romhuri te te aima ipisudu hã 'mairẽme õ di za. Uburé te za tãma ãma i'a'uwaimrami mo.” Ãne hã te za tãma i'maiwaihu'u 'wa, Arquipuhu ma hã.