Zezusihi zadawa wasuꞌuꞌwa norĩ nhimiromhuri na robꞌuiꞌéré 6:3 - ꞌRe Ihâimana Uꞌâsi Mono Zadawa Wasuꞌu

³ Tahawa, ma'ãpé sô asõpré wa'aba mono, aibâ 7 na ihâiba norĩ zô. Aibâ norĩ hã da te iwẽsãmri za'ra zô, te za sô asõpré wa'wa, 'Re ihâimana u'âsi mono pẽ'ẽzani na si 're inomro mono norĩ zô, hâiwa hawi dahâimanazém na rowaihu'u ré 're ihâimana za'ra mono norĩ zô. Ta norĩ ma, wa za romhuri hã pisutu za'ra ni, awẽ sidâpâsi te te 're dazari za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:3 ပူးပေါင်းရင်းမြစ်များ

Ezodu 18:21

Te za ni'wam norĩ aibâ marĩ tãma i'manharĩ waihu'u pe hã ipisutu za'ra, danhib'ihâ'a na dama 're hâimana za'ra mono da hã, miu na dahâiba norĩ nhib'ihâ'a da hã, 100 na, 50 na, duré 10 na. Aibâ norĩ 'Re ihâimana u'âsi mono te te 're iwazé pese za'ra mono hã, dama i'umnhasi za'ẽtẽ za'ra norĩ, sena na 're ihâimana za'ra mono hã.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Zuwã 21:23

Tawamhã Zezusi te te 're isawi pese mono, dâ'â ãna 're ihâimana u'âsi mono na rowasu'u hã ma tô te te ropé, Zezusihi zazei'wa norĩ u. Tane nherẽ, Zezusi hã te te tãma pisutu õ di, idâ'â'õzé hã. Taré ma tô Pedruhu ma waihu'u: “Apâ we ĩmorĩ õ ré, idâ'â'õzé te tãma pisutu wamhã, taha si ãma 're 'madâ'â mono õ di za.” Ãne si ma tô ãma hã tãma tinha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:15

Tawamhã bâdâ hã siwaptom na ãma ne pari, ma tô isazei'wa norĩ hã si'rã'õtõ, 120 na ihâiba za'ra hã. Tawamhã Pedru hã ma tô wahudu hâiwi, te te tãma rowasu'u za'ra da. Ãne te tãma rowasu'u za'ra:

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:21

— Tahawa, wa norĩ hã wa za aibâ hã wasiwi 'maipisutu ni, Zezusi apâ ihâiwa'utuzém na wasiré te te dama 're rowasu'u mono da, Zudaha nhowa're're. Zuwã Batista, â dawabzuri hã te te dama 're i'ab'manharĩ mono zém hawi, ti'ai ãma 're morĩ ré, Wanhib'apito Zezusihi siré 're iwanomro mono norĩ zô, wa za wanhopré ni, duré hâiwa u morĩ ré, wasiré wa te i'madâ'â za'ra norĩ zô. — Ãne te dama rowasu'u, Pedru hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:22

Tawamhã asa te tãma nharĩ za'ra, ãne: — Da'wapéi'wa norĩ wada'uri'wa hã ma tô wei wazatõrĩ za'ra atẽme, Coneliu na isisi hã. Ta hã aibâ iwẽ, 'Re ihâimana u'âsi mono ãma 're iwata u'âsi mono. Duré zudeu norĩ te te 're i'awẽsãmri mono. Hâiwa ãma 'Re ihâimana u'âsi mono ma romhuri'wa hã ma tô po're pu'u Coneliu hã, asô hârâ da, asimirowasu'u hã te te wapari da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:23

Tawamhã isiré neb zahuré wamhã, rob'ui'éré, ma tô siré âri zahuré. Ãne rob'ui'éré hã: “Wasiré isazei'wa norĩ, zudeu'õ na 're aipoto za'ra wa'aba mono hã, wa ãma asawi za'ra wa'aba ni, Ãtioquia ãma 're aihâimana za'ra wa'aba mono norĩ hã, duré Siria na danhipti'a nho'õmo nhisi ãma 're aihâimana za'ra wa'aba mono norĩ hã, duré Sirisia na danhipti'a nho'õmo nhisi ãma 're aihâimana za'ra wa'aba mono norĩ hã. Wa norĩ hã Zezusihi zadawa wasu'u'wa norĩ hã duré ãme da'madâ'â'wa norĩ zama wa tô wasisãnawã na wa te 're asisi za'ra wa'wa, wasiré Zezusihi zazei'wai wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:2

Isazei'wa norĩ hã uburé ma tô Timotiu hã wẽsãmri za'ra, Risitira ãma 're isi'ubumroi mono norĩ hã, duré Iconizu ãma 're isi'ubumroi mono norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:12

Tame aibâ hã te 're hâimana, Anania na isisi hã. Ta hã 'Re ihâimana u'âsi mono nhimiroti 'rata wapari pese 'wa. Zudeu norĩ hã tame 're isi'ubumroi mono hã ma tô Anania hã te te 're wẽsãmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:14

Tame wa tô duré tawamhã sõpẽtẽ za'ra ni, isazei'wa norĩ hã. Ma tô wahâiba waptẽrẽ za'ra, misi romhuri na i'rata wahâimana za'ra da a'â. Taha parip si, wa tô Roma u ai'aba'ré ni, wapara na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:2

Tawamhã Zezusihi zadawa wasu'u'wa norĩ hã, 12 na ihâiba za'ra hã ma tô sô tihârâ za'ra, tisiré isazei'wa norĩ zô. Hâiba mono bâ itẽme si'aba'ré da, te sô tihârâ za'ra. Itẽme sihutu wamhã, te tãma nharĩ za'ra, ãne: — I'uwaibaba õ di, 'Re ihâimana u'âsi mono wasu'uwẽ hã wa te dama 're wasu'u za'ra mono ãna, 're iwahâimana za'ra mono da hã, taha upana rob'uiprazé 'madâ'â na si wa te 're iromhuri za'ra mono da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:5

Tawamhã isimiroti za'ra hã aihĩni ma tô saze za'ra, isazei'wa norĩ hã. Tahawa, ma tô aibâ norĩ zô rob'madâ'â za'ra. Tawamhã ma tô sãmri za'ra, Estewã hã. Ta hã, 'Re ihâimana u'âsi mono ãma te te isasõmri. Ipẽ'ẽzani na si te 're hâimana. Tawamhã ma tô duré sãmri za'ra Filipi hã, duré Procoru hã, duré Nicano hã, duré Timo hã, duré Pamenasi hã, duré Nicola hã. Ãtioquia ãma 're isãmra mono, Nicola hã. Zudeu'õ aré, ma tô sizudeu, 'Re ihâimana u'âsi mono ãma oto dame 're wata mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:6

Tawamhã ã norĩ hã ma tô oto te te simro, Zezusihi zadawa wasu'u'wa norĩ u, tinhib'rada te te ãma sa'ra za'ra da, i'rã nhisiwi, ãma mreme zusi da. Ãne Zezusihi zadawa wasu'u'wa norĩ hã ma tô romhuri hã tãma pisutu za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:30

Tawamhã isazei'wa norĩ hã da te dasima i'ru za'ra zé hã te te waihu'u za'ra wamhã, ma tô Saulu hã siwi saprõ, Sézaréa u. Ta hawi ma tô duré siwi satõ, Tasu u hã morĩ da.

1 Corĩtu 12:8

'Re ihâimana u'âsi mono pẽ'ẽzani hã ni'wam norĩ si, te za te te 're pisutu za'ra, tô sena ta norĩ hã tinhimirosa'rata waihu'u pese na te te dama ãma 're roti wẽ za'ra mono da, hâiwa hawi dahâimanazém na rowaihu'u na hã. Ni'wam norĩ si, te za duré te te 're pisutu za'ra, rowaihu dama iwaihu'u'õ na, te te dama ãma 're roti wẽ u'âsi za'ra mono da.

1 Corĩtu 16:3

Tawamhã atẽme za'ra wa'aba ãma ĩwisi wapsi, asiwi ipisutu za'ra wa'aba norĩ hã wa za iré satõrĩ za'ra Zeruzalẽ u, asõprubzéb za'ra wa'aba ré hã, te te siwi âri da. Rob'ui'éré ré zama, wa za duré satõrĩ za'ra, wa te iwẽsãmri za'ra norĩ wasu'u na rob'ui'éré hã.

Éfézu 5:18

Âzé na 're asi'rãiwamnarĩ za'ra wa'aba mono õ di za oto, taha zarina siwa'ru 're anomro wasété aba mono tõ da. Wanhib'apito pẽ'ẽzani nhimiwada'uri na si te za oto 're aihâimana za'ra wa'aba mo, robze sina ãma 're anomro aba mono da oto.

Tiagu 1:17

'Re ihâimana u'âsi mono hã hâiwa na rob'uiwẽ'wa 'manharĩ'wa hã, hâiwa hawi ma tô marĩ iwẽ na uburé we dama 're sõpru, iwẽ uptabi na si. Ta hã tihâimanazém na te te saprĩ õ di. Õne u'â, te hâimana wẽ u'âsi 're hâimana.

3 Zuwã 1:12

Aibâ hã te aihĩni isazei'wa norĩ hã te te siwi 're wasu'u wẽ za'ra, Dimetriu na, isisi hã. Duré 'Re ihâimana u'âsi mono te te tãma 're iwẽ mono zéb zarina si, sena na 're ihâimana mono na ma tô iwaihu, 're ihâimana wẽ mono zém na hã, ta hã. Ĩzama wa duré te ãma 're wasu'u u'âsi, wẽ na dama 're ihâimana mono na hã. A hã ma tô, tô sena ĩnhimiroti na hã ĩwaihu.