Zezusihi zadawa wasuꞌuꞌwa norĩ nhimiromhuri na robꞌuiꞌéré 6:12 - ꞌRe Ihâimana Uꞌâsi Mono Zadawa Wasuꞌu12 Tahawa, ma tô ãne hã dama wasu'u wasété za'ra, Estewã hã. Duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ ma zama, duré dama roti'wa norĩ ma zama, ma tô ãne wasu'u wasété za'ra. Aihĩni sada danhiti'rui wairébé da, ma tô ãne dama wasu'u wasété za'ra. Tawamhã ma tô oto sô ai'aba'ré, Estewãhã zô. Tahawa, ma tô siwi ti'â. Te te siwi âri wamhã, ma tô siwi saprõ, zudeu norĩ ma, ipire za'ra norĩ u. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 6:12
15 ပူးပေါင်းရင်းမြစ်များ
Tawamhã Zezusi, da te oto dasiwi âri wamhã, ma tô dasiwi saprõni ni, Caifasihi nhorõwa u, 'Re ihâimana u'âsi mono ma da'ãma romhuri'wa ipire uptabi nhorõwa u, sasedoti ipire uptabi u. Tame ma tô sô si'rã'õtõ, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã, duré dama roti'wa norĩ hã.
Ãne na roti hã tô sena nherẽ, wa za oto wa hã aimawi na aima waihu'u za'ra wa'wa, ãne na roti na hã. Ni'wam norĩ hã tisiré 're ihâimana za'ra mono norĩ da, 're siti'ru za'ra mono wamhã, ta norĩ hã te za 'Re ihâimana u'âsi mono hã te te siwi 're awẽ'õ, iwasété na te te 're i'awaihu'u mono zéb zarina. Duré ãté ni'wa hã te za tisiré ma tinha, ãne: “A hã, marĩ da, 're aihâimana mono õ.” Ãne ni'wam norĩ hã te te dama 're nharĩ za'ra mono wamhã, te za da te 're simro, zudeu norĩ ma roti'wa norĩ u, dawasété na dawaihu'u'wa norĩ tẽme, ta norĩ hã te te siwi 're wẽ'õ za'ra mono da, iwasété na te te siwi 're waihu'u za'ra mono wa. Duré ni'wa hã ãté ãne te za tisiré ma tinha: “E niha asimiza'rese'õ a hã, 'Re ihâimana u'âsi mono wasu'u na hã.” Ãne ni'wam norĩ hã tisiré ma, te te 're nharĩ za'ra mono wamhã, ãté ta norĩ hã te za ropipa u 're sisisi, unhama ro'o u'âsi u.
Nimahã bâtâ na te Zezusi hã nhamra, 'Re ihâimana u'âsi mono nhorõwa 'ri ãma. 'Ri 'wawi wa'ra 're, te nhamra, te te dama rowahutu da, duré iwasu'uwẽ na te te da'apo're pu'u da. Tawamhã aibâ norĩ hã ma itẽme aimasa. Ta norĩ hã sasedoti ipire norĩ hã, duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, duré zudeu norĩ ma roti'wa norĩ.
Tane nherẽ, zudeu norĩ hã ma tô tame dama ipire norĩ hã wada'uri wasété za'ra, Paulu norĩ zada hâimana za'ra da. Pi'õ norĩ hã imreme pire norĩ hã, 'Re ihâimana u'âsi mono ãma 're iwata za'ra mono norĩ, zudeu'õ norĩ, ta norĩ zama ma tô wada'uri wasété za'ra, sada hâimana za'ra da. Tawamhã ma tô ãma rowasété zahuré ni, Paulu norĩ ãma, Banabéhé me. Ma tô tãma rob'ru zahuré ni, ta hawi danhipti'a nho'õmo hawi neb zahuré da, danhiti.
Tawamhã taha wasu'u hã ma tô waptãrã apâ Tesalonita u, ãne: “Beréa ãma te duré u, dama rowahutu Paulu hã, 'Re ihâimana u'âsi mono zadawa wasu'u na hã.” Ãne hã zudeu norĩ hã te te wapari za'ra wamhã, ma tô Paulu norĩ zarina ai'aba'ré, Beréa u siti'ru sina. Tame ma tô duré timreme wasété na dawi ro'wa'rutu za'ra, sada dazahi za'ra da.
Tawamhã zahadu bâdâ 7 na ãma si'utõrĩ za'ra õ di, Paulu norĩ, te te siwi i'manharĩ 'rãsutu zéb u hã. Romhuture di oto. Tawamhã zudeu norĩ hã Azia hawi isihudu ma tô Paulu hã sima sãmri za'ra, 'Re ihâimana u'âsi mono nhorõwa 'ri ãma. Izaraéu nhihudu norĩ te, 'ri 'wawi wa'ra ãma sãmra ré, ma tô siwi 'madâ. Tahawa, ma tô sada dawada'uri wasété za'ra, Pauluhu da. Tawamhã ma tô oto siwi pa'â, Paulu hã.
Tahawa, ta norĩ ma tô ni'wam norĩ hã sada wada'uri za'ra pi'uriwi, Estewã te te siwi wasu'u wasété za'ra da, dama. Rob'uiprazé ma tô tãma sõmri za'ra, sada simasab da. Ãne te taha wamhã tãma nharĩ za'ra: — Ãne te za Estewã hã dama iwasu'u za'ra wa'wa: “Estewã hã wa tô wapari za'ra ni. Mozési hã te te dama 're wasu'u wasété. 'Re ihâimana u'âsi mono ãma, te te duré 're wasété.” Ãne te za dama iwasu'u wasété za'ra wa'wa, Estewã hã.
ကြော်ငြာတွေ