Ãne na roti hã tô sena nherẽ, wa za oto wa hã aimawi na aima waihu'u za'ra wa'wa, ãne na roti na hã. Ni'wam norĩ hã tisiré 're ihâimana za'ra mono norĩ da, 're siti'ru za'ra mono wamhã, ta norĩ hã te za 'Re ihâimana u'âsi mono hã te te siwi 're awẽ'õ, iwasété na te te 're i'awaihu'u mono zéb zarina. Duré ãté ni'wa hã te za tisiré ma tinha, ãne: “A hã, marĩ da, 're aihâimana mono õ.” Ãne ni'wam norĩ hã te te dama 're nharĩ za'ra mono wamhã, te za da te 're simro, zudeu norĩ ma roti'wa norĩ u, dawasété na dawaihu'u'wa norĩ tẽme, ta norĩ hã te te siwi 're wẽ'õ za'ra mono da, iwasété na te te siwi 're waihu'u za'ra mono wa. Duré ni'wa hã ãté ãne te za tisiré ma tinha: “E niha asimiza'rese'õ a hã, 'Re ihâimana u'âsi mono wasu'u na hã.” Ãne ni'wam norĩ hã tisiré ma, te te 're nharĩ za'ra mono wamhã, ãté ta norĩ hã te za ropipa u 're sisisi, unhama ro'o u'âsi u.
Zezusihi zadawa wasuꞌuꞌwa norĩ nhimiromhuri na robꞌuiꞌéré 5:27 - ꞌRe Ihâimana Uꞌâsi Mono Zadawa Wasuꞌu27 Te te simroi mono wamhã, te tãma nharĩ za'ra, dama roti'wa norĩ nho're simasab da. Tawamhã 'Re ihâimana u'âsi mono ma da'ãma romhuri'wa, tisiré norĩ nhipai u ipire uptabi hã te tãma nharĩ za'ra, Zezusihi zadawa wasu'u'wa norĩ ma, ãne: အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 5:27
8 ပူးပေါင်းရင်းမြစ်များ
Tawamhã da'wapéi'wa norĩ nhib'apito hã ma tô sima wẽ, zudeu norĩ hã Pauluhu ãma iwasédé hã te te siwi ãma ihirizé hã sena na te te waihu'u da. Tahawa, awẽm na si ma tô 'Re ihâimana u'âsi mono ma, da'ãma romhuri'wa ipire norĩ ma 'ru za'ra, uburé zudeu norĩ ma roti'wa norĩ ma zama, Pauluhu zada si'rã'õtõ da. Da'wapéi'wa norĩ ma, ma tô duré 'ru za'ra, Pauluhu pawasisizé hã te te tãma wasihu za'ra da, dama ipire norĩ nho're sab da.
Tawamhã dama ipire norĩ hã ma tô dama 'ru za'ra, Pedru norĩ hã da te sani zahuré da, Zezusihi zadawa wasu'u'wa norĩ hã, isõ'reb za'ra da te dasiwi simizusi da. Ãhã wamhã, ma tô sadanharĩ zahuré ni, ãne: — E niha ma tô bété ãne i'manharĩ 'wa. E 'wa sadawa para, ma bété a norĩ wa'wa ihi'ré hã ipese 'wa.
Tawamhã ãne hã te te wapari za'ra wamhã, bâdâ 'rãiwatobro wi, ma tô asisi, 'Re ihâimana u'âsi mono nhorõwa ãma. 'ri 'wawi wa'ra u. Tame ma tô rowahutu na dama ãma sãna'rata za'ra. Tawamhã sasedoti tisiré norĩ nhipai u ipire uptabi hã, isiré 're inomro mono norĩ zama ma tô zudeu norĩ ma ipire za'ra norĩ zô da'mazatõ, Zeruzalẽ ãma 're isi'ubumroi mono norĩ zô. Tawamhã ma tô itẽme ubumro uburé. Tawamhã dazazéb u ma tô Zezusihi zadawa wasu'u'wa norĩ zô tihârâ za'ra, da te itẽme simroi mono da.
Tane nherẽ, aibâ iwẽ hã Gamaliéu na isisi hã ma tô hâiwi za. Ta hã farizeu norĩ niwĩ te 're mo, dama iwazé pe hã. 'Re ihâimana u'âsi mono nhimiroti na dama rowahutu'wa, te 're hâimana. Tawamhã ta hã ma tô oto dama 'ru za'ra, Zezusihi zadawa wasu'u'wa norĩ hã da te sani za'ra da, dama ipire norĩ nhiti si'ubumro da, suru na.
Tahawa, ma tô ãne hã dama wasu'u wasété za'ra, Estewã hã. Duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ ma zama, duré dama roti'wa norĩ ma zama, ma tô ãne wasu'u wasété za'ra. Aihĩni sada danhiti'rui wairébé da, ma tô ãne dama wasu'u wasété za'ra. Tawamhã ma tô oto sô ai'aba'ré, Estewãhã zô. Tahawa, ma tô siwi ti'â. Te te siwi âri wamhã, ma tô siwi saprõ, zudeu norĩ ma, ipire za'ra norĩ u.