Zezusihi zadawa wasuꞌuꞌwa norĩ nhimiromhuri na robꞌuiꞌéré 5:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã 'Re ihâimana u'âsi mono nhorõwa 'ri 'madâ'â'wa norĩ hã ma tô sô ai'aba'ré tinhib'apito norĩ me, apâ te te simroi mono da. Isimroi mono 'wa norĩ hã ẽtẽ na da te hâ za'ra mono õ'umnhasite, ma tô pawasisi ãna te te simro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:26 ပူးပေါင်းရင်းမြစ်များ

Mateu 14:5

Apito Erodi hã ma tô sima wẽ aré, te te dama 'ru da, Zuwã Batista da te wĩrĩ da. Tane nherẽ, pahi di zudeu norĩ ma hã, Zuwã Batista hã 'Re ihâimana u'âsi mono zadawa 'mahârâ'wa na da te waihu'u za'ra wa.

Mateu 21:26

Tane nherẽ, taré dazadawa parap si â dawabzuri te te dama 're i'ab'manharĩ mono na wa te tãma waihu'u za'ra wamhã, wa za wasina hã wapahi za'ra ni dama, niha da te wama rob'manharĩ za'ra õ'umnhasite. E marĩ wa. Zuwã Batista hã 'Re ihâimana u'âsi mono zadawa 'mahârâ'wa 're imorĩ na, da te 're saze za'ra mono wa.

Mateu 26:5

Ãne te sima ãma roti za'ra: — Dasa hã da te 'manharĩ za'ra ré, wa te wasiwi âri õ di za, wazada dazahi za'ra õ'umnhasite, duré wazada dahâimana za'ra tõ da.

Mateu 26:58

Zezusi hã da te dasiwi saprõni ré, te Pedru hã romhâ na te te pibu. Sasedoti ipire uptabi nhorõwa u, te isarina hã mo. Wisi wamhã, 'ri 'wawi wa'ra 're, ma tô ãzé. Sébré wamhã, tame te dame nhamra rowi, 'Re ihâimana u'âsi mono nhorõwa 'madâ'â'wa norĩ me. Zezusi hã te te 'madâ'â da, te nhamra, niha na da te tãma rob'manharĩ õ'umnhasite.

Luca 20:19

Buru 'madâ'â'wa norĩ wasu'u te te dama wasu'u wamhã, ma tô sina waihu'u za'ra, dama rowahutu'wa norĩ hã. Sasedoti norĩ hã sima ipire za'ra norĩ me, ma tô sina waihu'u za'ra. Taha 'ru te, te aré sima wẽ za'ra, te te siwi âri da, Zezusi hã, awa'awi. Tane nherẽ, dama pahi za'ra wa, ma tô siwi ãma rosazâ a'â.

Luca 20:6

Ma tô da te 're saze za'ra Zuwã hã, 'Re ihâimana u'âsi mono zadawa 'mahârâ'wa 're imorĩ na. Tawamhã dazadawa parap si, â dawabzuri te te dama 're i'ab'manharĩ mono na, wa te tãma nharĩ za'ra wamhã, ãté te za ẽtẽ na dasiwi wa'uprosi ni.

Luca 22:2

'Re ihâimana u'âsi mono ma, da'ãma romhuri'wa ipire norĩ hã, te rowahutu'wa norĩ me sima ãma rosa'rata za'ra, pi'uriwi te te siwi wĩrĩ da, Zezusi hã. Dama pahi za'ra wa, te ãne sima ãma rosa'rata za'ra.

Luca 22:4

Tawamhã te oto mo, sasedoti ipire norĩ u. Duré, 'Re ihâimana u'âsi mono nhorõwa 'ri 'madâ'â'wa norĩ u, te mo, ipire norĩ u, Zezusihi ãma te te sadawa pibu za'ra da, te te dama hâiba nhomri da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:21

Aibâ ihi'ré hã pese õ ré hã, 40 na ma tô ãma tiwahu. Tahawa, aihĩni 'Re ihâimana u'âsi mono ãma te tawata za'ra ni, aibâ ihi'ré hã morĩ wẽ wa oto. Tahawa, da te dasiwi ahâri da, te te dama 'ru waihu'u za'ra õ di, zudeu norĩ ma roti'wa norĩ hã. Tahawa, te taré duré tãma amhâzépa zahuré ni, Pedru norĩ ma, Zuwãhã me, te te dama rowasu'u zahuré tõ da oto, Zezusihi wasu'u na. Taha parimhã, ma tô duré oto tãma rob'ru zahuré ni, neb zahuré da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:13

Tawamhã isazei'õ'wa norĩ hã, isazei'wa norĩ me 're hâimana za'ra mono da, te te sima 're rosa'rata za'ra mono nherẽ, pahi za'ra di oto. Tazahã te oto isazei'wa norĩ hã da te 're wẽsãmri za'ra, 're hâimana wẽ za'ra mono wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:22

Tawamhã 'Re ihâimana u'âsi mono nhorõwa 'madâ'â'wa norĩ hã ma tô sô ai'aba'ré, dazazéb u. Sô sisisi wamhã, 'ri 're baba di. Tahawa, te apâ ai'aba'ré ubana, dama roti'wa norĩ u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:24

Tawamhã 'Re ihâimana u'âsi mono nhorõwa 'ri 'madâ'â'wa norĩ nhib'apito hã, duré sasedoti ipire norĩ ãne hã te te wapari za'ra wamhã, niha hã te te waihu'u za'ra õ di oto. Tahawa, ma tô sô amrami za'ra, tinhimirosa'rata na, Zezusihi zadawa wasu'u'wa norĩ zô.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:25

Taha ré, ni'wa hã te wei mo, aibâ hã. Ta hã ma tô tãma rowasu'u za'ra, ãne: — Ĩwapari pese za'ra wa'aba. Aibâ norĩ hã dazazéb 're, iséme 'wa hã, 'Re ihâimana u'âsi mono nhorõwa ãma, 'ri 'wawi wa'ra 're, te dama rowahutu za'ra.