Ãne na roti hã tô sena nherẽ, wa za oto wa hã aimawi na aima waihu'u za'ra wa'wa, ãne na roti na hã. Ni'wam norĩ hã tisiré 're ihâimana za'ra mono norĩ da, 're siti'ru za'ra mono wamhã, ta norĩ hã te za 'Re ihâimana u'âsi mono hã te te siwi 're awẽ'õ, iwasété na te te 're i'awaihu'u mono zéb zarina. Duré ãté ni'wa hã te za tisiré ma tinha, ãne: “A hã, marĩ da, 're aihâimana mono õ.” Ãne ni'wam norĩ hã te te dama 're nharĩ za'ra mono wamhã, te za da te 're simro, zudeu norĩ ma roti'wa norĩ u, dawasété na dawaihu'u'wa norĩ tẽme, ta norĩ hã te te siwi 're wẽ'õ za'ra mono da, iwasété na te te siwi 're waihu'u za'ra mono wa. Duré ni'wa hã ãté ãne te za tisiré ma tinha: “E niha asimiza'rese'õ a hã, 'Re ihâimana u'âsi mono wasu'u na hã.” Ãne ni'wam norĩ hã tisiré ma, te te 're nharĩ za'ra mono wamhã, ãté ta norĩ hã te za ropipa u 're sisisi, unhama ro'o u'âsi u.
Zezusihi zadawa wasuꞌuꞌwa norĩ nhimiromhuri na robꞌuiꞌéré 5:21 - ꞌRe Ihâimana Uꞌâsi Mono Zadawa Wasuꞌu21 Tawamhã ãne hã te te wapari za'ra wamhã, bâdâ 'rãiwatobro wi, ma tô asisi, 'Re ihâimana u'âsi mono nhorõwa ãma. 'ri 'wawi wa'ra u. Tame ma tô rowahutu na dama ãma sãna'rata za'ra. Tawamhã sasedoti tisiré norĩ nhipai u ipire uptabi hã, isiré 're inomro mono norĩ zama ma tô zudeu norĩ ma ipire za'ra norĩ zô da'mazatõ, Zeruzalẽ ãma 're isi'ubumroi mono norĩ zô. Tawamhã ma tô itẽme ubumro uburé. Tawamhã dazazéb u ma tô Zezusihi zadawa wasu'u'wa norĩ zô tihârâ za'ra, da te itẽme simroi mono da. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 5:21
16 ပူးပေါင်းရင်းမြစ်များ
'Re ihâimana u'âsi mono ma, sasedoti da'ãma romhuri'wa tisiré norĩ nhipai u ipire uptabi hã ma tô ãne na hã ĩwaihu'u, duré uburé zudeu norĩ ma roti'wa norĩ zama. Ta norĩ hã ĩ'ãma sadanharĩ za'ra wa'aba wamhã, te za ãne na hã aima ĩwasu'u za'ra wa'wa, sena na. Ta norĩ hã ma tô tinhimi'ui'éré hã ĩma sõmri za'ra, Damascu u te âri da, isiré dama ipire norĩ ma. Taha zarina, wa tô mo, Damascu u te we simroi mono da, isazei'wa norĩ hã. Isi'uwazi nhorõ rutu na pawasisi ré, Zeruzalẽ u we te simroi mono da, wa tô sô ĩmorĩ za'ra, ãme da te hâ za'ra da.
Tane nherẽ, aibâ iwẽ hã Gamaliéu na isisi hã ma tô hâiwi za. Ta hã farizeu norĩ niwĩ te 're mo, dama iwazé pe hã. 'Re ihâimana u'âsi mono nhimiroti na dama rowahutu'wa, te 're hâimana. Tawamhã ta hã ma tô oto dama 'ru za'ra, Zezusihi zadawa wasu'u'wa norĩ hã da te sani za'ra da, dama ipire norĩ nhiti si'ubumro da, suru na.