Zezusihi zadawa wasuꞌuꞌwa norĩ nhimiromhuri na robꞌuiꞌéré 5:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã sasedoti tisiré norĩ nhipai u ipire uptabi hã, duré uburé saduseu norĩ me, ma tô ta Zezusihi zadawa wasu'u'wa norĩ hã ãma sõ'ru za'ra. Tawamhã ma tô sima ãma roti za'ra, niha te te tãma rob'manharĩ za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:17 ပူးပေါင်းရင်းမြစ်များ

Provébiu 14:30

Dapẽ'ẽ 're rowẽzé hã te za dahâiba nhiptetezé hã te te dama 're sõmri. Tane nherẽ, marĩ zô, da te dasima 're irob'ruiwapari za'ra mono zé hã aiwa dahi na dazépu'u pire te te 're idahi ware za'ra mono ne hã.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Mateu 3:7

Tawamhã Zuwã, farizeu norĩ, saduseu norĩ me ahâ uptabi na hã ma tô 'madâ'â za'ra, itẽme isi'aba'ré, â dawabzuri te te dame 'manharĩ za'ra da. Tawamhã Zuwã, te te 'madâ'â za'ra wamhã, te ta norĩ ma nharĩ za'ra ãne: — A norĩ wa'wa hã wahi ne te 're anomro aba mo. E 'wa simiroti zarina, te we ĩtẽme ai'aba'réi wa'wa bété, â dawabzuri si i'manharĩ za'ra wa'aba zém na, 'Re ihâimana u'âsi mono nhimihâzé wi, asisõ'reptu za'ra wa'aba da hã, aiwasédé rẽme za'ra wa'aba õ nherẽ.

Zuwã 12:10

Tawamhã Lazaru hã da te sabu za'ra wamhã, da'ahâ na ma tô Zezusi hã Danho'reptui'wa na saze za'ra ni. Ta norĩ ma, oto wapu za'ra di, 'Re ihâimana u'âsi mono ma, da'ãma romhuri'wa ipire norĩ mreme hã, sasedoti ipire norĩ mreme hã. Tahawa, Zezusi, da te saze za'ra 'ru te, te sima ãma roti za'ra Lazaruhu ãma, taha zama da te siwi wĩrĩ da.

Zuwã 12:19

Tawamhã da'ahâ na da te uzusi za'ra da, itẽme dasi'aba'réi wamhã, ãne te sima rowasu'u za'ra, farizeu norĩ hã: — Marĩ hã wa te 'manharĩ waihu'u za'ra õ di. Ma'ãpé 'madâ'â za'ra wa'aba. Õhõta te nemo isiré dasi'ré. Taré, wa nasi ãma wasima roti u'âsi za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:45

Tane nherẽ, da'ahâ na idasi'rã'õno hã zudeu norĩ hã te te da'madâ'â za'ra wamhã, ma tô da'ruiwapari za'ra. Tawamhã Pauluhu mreme hã ma tô dawi wẽ'õ za'ra, zudeu norĩ hã. Tahawa, timreme na ma tô nasi ãma tãma wa'rãmi za'ra, Pauluhu mreme wa'rãmi. Ma tô duré ãma tiwa'ẽ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:5

Tawamhã ni'wam norĩ hã ma hâiwi aimasa, farizeu norĩ hã te te dama rowasu'u za'ra da. Tawamhã te dama nharĩ za'ra, ãne: — Isazei'wa norĩ ma, wa te roti za'ra wa'aba, zudeu'õ norĩ hã, dame 're sisihâiwata nhihâri za'ra mono da, uburé 'Re ihâimana u'âsi mono nhimiroti 'rata na Mozésihi nhimi'ui'éré zarina 're nomro mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:5

Tane nherẽ, zudeu norĩ, isazei'õ'wa norĩ hã ma tô ãma 'madâ'â wẽ'õ za'ra, Paulu norĩ hã. Tahawa, ma tô 'ri nhi'riti na aibâ iwasété norĩ ma si'upana 'ru za'ra, iwa'a norĩ ma. Tawamhã ta norĩ hã ma tô sitẽme sito, Paulu norĩ zada hâimana za'ra da. Ãhã wamhã, ta norĩ ma tô ãma siwi ro'wa'rutu pese, 'ri nho'õmo ãma. Aibâ nhorõwa hã ma tô duré siwi uirĩ, Zasãhã nhorõwa hã. Paulu norĩ zô sisisi da, ma iré hã siwi uirĩ. Taha pari, ma tô oto sô asisi, te te siwi sani da, danho're u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:26

Roti'wa norĩ hã te sada aimasa. Isadawa para da'uwati'wa norĩ me, ma sada atob za'ra, Wanhib'apito 'Re ihâimana u'âsi mono zada, duré Danho'reptui'wa da, te te ipisutu zada.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:6

Anasi norĩ hã ma tô duré datẽme aimasisi zahuré, Caifasihi me. Anasi hã sasedoti 'Re ihâimana u'âsi mono ma da'ãma romhuri'wa, tisiré norĩ nhipai u ipire uptabi. Duré ni'wam norĩ ma tô dame aimasisi zahuré, Zuwã isisi hã Alesãdrihi me. Anasihi sisãnawã zahuré, ta norĩ hã. Duré Anasihi sisãnawã hâiba amo norĩ hã ma tô isiré ubumro, Zeruzalẽ ãma dama ipire za'ra norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:16

Zeruzalẽ 'rata 'ri wa'õtõ mono hawi, ma tô da'ahâ na dasito, Zeruzalẽ u. Ihâzé ré norĩ hã ma tô dasiré 'wasari ni. Duré wa'uburé ré 're ihâimana za'ra mono norĩ zama, ma tô 'wasari ni, dasiré. Tawamhã aihĩni ma tô tapese za'ra ni oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:9

Tawamhã Estewã hã ma tô duré tinhimirob'rãzarõtõ na tãma ãma uzusi za'ra, ãne: — Ta norĩ hã wahi'rata norĩ hã ma tô tino hã dama wede za'ra, Zuzé na isisi hã. Ihâimanazém na te te siwi 're 'ruiwapari za'ra mono wa, ma tô dama wede za'ra. Tahawa, i'uipra'wa norĩ hã ma tô siwi saprõ, Ezitu u, tame danhimiwada'uri zarina si te te dama 're romhuri mono da, pawa'âbâ ãna. Tane nherẽ, 'Re ihâimana u'âsi mono hã ma tô isiré 're hâimana u'âsi.

Galata 5:21

Marĩ na te duré 're dasisõ'ru za'ra. Duré da'rã siwamnarĩ na te 're dahâimana za'ra, âzézei'wa 're dahâimana za'ra mono wa. Duré datoi wasétére u, te 're dasi'rã'õtõ, siwa'ru da te 're âhuri mono da, âzé hã. Tane te duré 're hâimana, da te 're i'manharĩ wasété za'ra mono zé hã. Tahawa, wa za ãma sahu, te aima iwaihu'u za'ra wa'aba zém na hã. Ãne 're danomro wasété mono wamhã, hâiwa u, 'Re ihâimana u'âsi mono u 're idanhisisi mono da hã mare di, Danhib'apito uptabi u, iwẽ uptabi si, tinhib'a'uwẽ norĩ ma, te te tãma 're i'anhomri mono da u.

Tiagu 4:5

Duréihã ma tô ãne imreme na rob'ui'éré, 'Re ihâimana u'âsi mono zadawa 'mahârâ'wa hã, ãne: “Wamama, Tipẽ'ẽzani te te wama 're isõmri mono hã, wapẽ'ẽ 're wama 're hâimana za'ra mono da, te te sima 're wa'awẽ uptabi, Wamama zawi'wa na oto 're wanomro mono da.” E taré ma tô ãne na hã rob'ui'éré, ibaihâ na hã. Mare di. Taré te te ãma rob'ui'éré õ di. Tô sena ma tô ãma rob'ui'éré.

1 Pedru 2:1

Tahawa, te za aiwasédé hã 're irẽme pese za'ra wa'aba mo, dasi'ruiwapari hã, duré dazadawa nhipe hã, duré dahâimanazé tô senai'õ hã, duré danhimarĩ na danhimi'ruiwapari hã, duré dasima dawasu'u wasédé hã.