Zezusihi zadawa wasuꞌuꞌwa norĩ nhimiromhuri na robꞌuiꞌéré 5:15 - ꞌRe Ihâimana Uꞌâsi Mono Zadawa Wasuꞌu

¹⁵ Ãne hã Zezusihi zadawa wasu'u'wa norĩ hã te te dama 're 'manharĩ za'ra mono wa, ma tô ihâzé ré norĩ hã da te 're sa'ra, 'ri nhi'riti wa, 're simi'wara mono da, isa'warizé wa, duré wetenhamri wa. Pedru hã iwa'wai baba za'ra te te ro'razâri wa, i'awã hã te te hâiba upsibi za'ra da, te tame 're simi'wara, te te pese za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:15 ပူးပေါင်းရင်းမြစ်များ

Mateu 14:36

Tawamhã ma tô ihâzé ré norĩ hã tiwi waptẽrẽ za'ra, i'uza nhisutu si te te tiwi upi za'ra da. Tawamhã i'uza nhisutu si te te nasi upi za'ra nherẽ, ma tô uburé ihâzé ré norĩ hã, awa'awi tizéptâ'â za'ra.

Mateu 9:21

Ta hã ma tô ãne sima rosa'rata: “I'uza si te tiwi upi nherẽ, wa za séptârâ.” Ãne te sima rosa'rata, pi'õ hã.

Marcu 6:55

Tawamhã daza'rui mono bâ, ma tô ihâzé ré norĩ hã itẽme 'wasari ni, Zezusihi hâimanazéb u, isimiwaptâ ré.

Zuwã 14:12

Tô sena wa za aima rowasu'u za'ra wa'wa. Asina 're ĩ'umnhasi za'ra wa'aba mono wamhã, te za ĩwaihu'u pese zarina 're idapawaptob u'âsi za'ra wa'aba mo. A norĩ wa'wa hã 're idapawaptob za'ra wa'aba mono zé hã, ĩnhimipawaptobzé ma, sa'ẽtẽ di za. E marĩ wa. Wa hã Ĩmama u za oto apâ ĩmorĩ wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:9

Taha parimhã, uburé ihâzé ré norĩ hã ma tô Pauluhu tẽme we si'ré. Tawamhã ma tô uburé apese.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:16

Zeruzalẽ 'rata 'ri wa'õtõ mono hawi, ma tô da'ahâ na dasito, Zeruzalẽ u. Ihâzé ré norĩ hã ma tô dasiré 'wasari ni. Duré wa'uburé ré 're ihâimana za'ra mono norĩ zama, ma tô 'wasari ni, dasiré. Tawamhã aihĩni ma tô tapese za'ra ni oto.