Zezusihi zadawa wasuꞌuꞌwa norĩ nhimiromhuri na robꞌuiꞌéré 4:36 - ꞌRe Ihâimana Uꞌâsi Mono Zadawa Wasuꞌu36-37 Tawamhã aibâ hã Zuzé na isisi hã ma tô tinhipti'a hã dama wede, iwa'âbâ zô. Roti wẽ 'wa, ta hã. Tahawa, Banabé na ma tô siwi sisi, Zezusihi zadawa wasu'u'wa norĩ hã. (Banabéhé nhisi hã dama rowẽ zani'wa, te wasu'u, isisi hã.) Levihi nhihudu, ta hã. Sipri na rob'ré za'iti nhisi ãma ipotozé hã. Tinhipti'a hã te te dama wede wamhã, iwa'â, ma tô uburé ti'â, Zezusihi zadawa wasu'u'wa norĩ u. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 4:36
24 ပူးပေါင်းရင်းမြစ်များ
Tawamhã Ãtioquia ãma 'Re ihâimana u'âsi mono zadawa 'mahârâ'wa norĩ hã duré dama rowahutu'wa norĩ hã te 're si'ubumro, isazei'wa norĩ wazari. Ãne isisi norĩ hã: Banabé, duré Simiã, isisi amo na isisi hã Ihâimana 'rã na; duré Luciu, Sireni ãma aré 're isãmra mono hã; duré Saulu, duré Manaé, apito Erodihi siwadi aré, Manaé hã, Erodihi nhorõwa ãma siré prédub zahuré wa.
Tawamhã ma tô ni'wa hã dama sõré, 'Re ihâimana u'âsi mono nhimiroti na Mozési te te irob'ui'érézém na hã. Isadawa 'mahârâ'wa norĩ nhimi'ui'éré hã te duré dama sõré. Te te sõré za'ra parimhã, rowahutuzéb ãma 're da'anhimi'rui mono 'wa hã ma tô Paulu norĩ hã ãne 'mahârâ za'ra, te te dama rowasu'u za'ra da: — Wasiré Izaraéu nhihudu norĩ, asima wẽ za'ra wa'aba wamhã, te za wama irowasu'u za'ra wa'wa, wama robze za'ra da.
Tawamhã nimahã bâtâ na ma tô ta norĩ hã saihuri ãna asimro a'â, Wanhib'apito ãma wata za'ra da. Tahawa, ma tô 'Re ihâimana u'âsi mono pẽ'ẽzani hã ãne tãma waihu'u za'ra: — Banabé norĩ ma, wa tô romhuri hã pisutu zahuré, Sauluhu me. Te te ĩma 're romhuri zahuré mono da, wa tô ĩsima pisutu zahuré, ta norĩ hã. Tahawa, te ipisutu zahuré zéb zarina, te za oto tãma ipisutu za'ra wa'wa, asiti wa'aba oto neb zahuré da.
Tawamhã Paulu norĩ hã Banabéhé me, te te ãma dazaze zahuré õ di, isimirowasu'u za'ra na hã. Tahawa, te simreme wa'rãmi nasi sa'ẽtẽ ãma sima nharĩ za'ra. Ãne wa, isazei'wa norĩ hã ma tô ni'wam norĩ hã pisutu za'ra, Paulu norĩ siré si'aba'ré da, Zeruzalẽ u, tame da'madâ'â'wa norĩ me duré Zezusihi zadawa wasu'u'wa norĩ me, te te sima ãma romnhoré za'ra da.
Tawamhã te sima ãma nharĩ zahuré, Zuwã Marcu hâiba na. Tane nherẽ taha wamhã siwapari zahuré õ di. Tahawa, ma tô siwi aiwãnhizari zahuré, ãma sisaze zahuré õ wa. Tawamhã Banabé hã ma tô Zuwã Marcu hã siré saprõ. Taha wamhã, rowa'u'u na uba'renem na te tineb zahuré dame, Sipri na rob'ré za'iti nhisi u.
Uba'rene hã waré wara ré, wa tô Sipri na rob'ré za'iti nhisi hã 'madâ'â za'ra ni, wanhimi'e niwĩ. Õne haré ma tô waré wara, Siria na danhipti'a nho'õmo nhisi u. Tahawa, wa tô Tiru na 'ri nho'õmo nhisi u oto aihutu ni, tamomo da te iro'wasari hã da te sa'ra za'ra da. Tame wa tô oto wawairébé ni, uba're hawimhã.
Tawamhã Sidõ hawi ma tô oto waré wara, uba'rene hã. Wasi'aba'réi wamhã, rowa'u hã te we wawa'rãmi rowapõrĩ za'ra, sa'ẽtẽ. Tahawa, Sipri na rob'ré za'iti nhisi uwaibaba, rowa'u'u suru niwĩ, te waré wara, â poré wa'wai baba, Sirisia uwaibaba. Pãfilia na danhipti'a nho'õmo nhisi uwaibaba ma tô duré oto wara. Tawamhã wa tô aihutu ni, Miha na 'ri nho'õmo nhisi u. Risiza na danhipti'a nho'õmo nhisi ãma te za, Miha hã.
Tawamhã Banabé hã ma tô Sauluhu ãma aime. Zezusihi zadawa wasu'u'wa norĩ u ma tô saprõ, te te tãma wasu'u za'ra da, bâdâdi wa Wanhib'apito te te i'madâ'âzém na hã. Duré Sauluhu ma, Wanhib'apito te te irowasu'uzém na ma tô tãma wasu'u za'ra. Damascu ãma pahi ãna Zezusi te te dama iwasu'uzém na, te duré tãma rowasu'u za'ra.
Tane nherẽ, ni'wam norĩ hã damreme uwaibaba, 'Re ihâimana u'âsi mono zadawa wasu'u na, sena na isazei'wa norĩ ma, te te ãma 're rowasu'u za'ra mono wamhã, taha na si te za isazei'wa norĩ hã 're sipawaptob u'âsi za'ra, Wanhib'apito ãma siptete sina 're nomro mono da, pẽ'ẽ wẽ na. Taha zarina si, te za duré tãma 're rowẽ wairébé apâ, tiwi 're irobzei'õ za'ra mono zém hawimhã.
Tahawa, ma tô oto Tiagu norĩ hã ĩ'ãma waihu'u za'ra, tãma ĩzawi pese wa, 'Re ihâimana u'âsi mono te te sima ĩpisutuzém na hã. Õ norĩ hã isimiroti pire na ma tô Wanhib'apito zazei'wa norĩ hã ãma waihu'u za'ra, Tiagu hã, Pedru hã, duré Zuwã. Tawamhã ta norĩ hã 'Re ihâimana u'âsi mono te te ĩpisutuzém na te te ĩ'ãma waihu'u za'ra wa, ma tô tinhib'rata na siwi wazawi za'ra, Banabéhé me. Wama wẽ za'ra di, wa norĩ hã zudeu'õ norĩ u si 're waneb da, Cristuhu wasu'uwẽ na, wa te tãma 're romhuri za'ra mono da. Duré wama wẽ za'ra di, Tiagu norĩ si, tisiré zudeu norĩ u si 're inomro mono da hã, Pedru norĩ me. Ãne na wa tô wanhimirosa'rata na wasisaze za'ra ni.
ကြော်ငြာတွေ