Zezusihi zadawa wasuꞌuꞌwa norĩ nhimiromhuri na robꞌuiꞌéré 28:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã maparane ma tô ãma tiwahu, Pauluhu ãma, danhorõwa hã taré te te sima iwa'âbâ mono zéb 'remhã. Tame, da'ahâ na ma tô itẽme 're dasihutu. Dasihutu sidâpâsi, ma tô te te 're da'awaibui wẽ, itẽme 're danhisisi mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:30 ပူးပေါင်းရင်းမြစ်များ

Zuwã 1:39

Tawamhã Zezusi te tãma nharĩ zahuré ãne asa: — Oto pé ĩzaprõni aba, ĩnhamrazé hã sabui wa'aba da. Tahawa, wa oto ime wanem ni, isãmrazéb u. Wasihutuzéb u ma tô bâdâ hã we tinho're za'a. Tawamhã bâtâ na wa i'rata aimasisi ni, Ãdréhé me. Simahã no, Ãdré hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:21

Tawamhã ãne na romhâimana pari, ma tô Paulu hã 'râwi sima waihu'u, Zeruzalẽ u morĩ da, Masédonia wa'wai baba, duré Ataza wa'wai baba. Tahawa, te sima tinha, ãne: “Zeruzalẽ u ĩmorĩ parip si, Roma u ĩmorĩ da, wa duré ĩsima wẽ, te dazabu da.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:27

Tawamhã maparane ma tô ãma tiwahu, Sezariza ãma sãmra ré, dazazéb 're, Paulu hã. Tawamhã Posiu Festu hã te za oto si'apito, Peresihi nhowa're're. Tahawa, apito Peresi hã sisa'u ma tô tizadawa ãma tirẽ, dazazéb 're, hâimana u'âsi da Paulu hã, isa'u. Zudeu norĩ ma, rowẽzéb da, ma tô ãne hã tizadawa hã ãma tirẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:16

Tawamhã Roma u wasihutu wamhã, da'wapéi'wa norĩ wada'uri'wa hã ma tô Pauluhu ma pisutu, hâiba pisutu 're hâimana mono da, danhorõwa ãma. Da'wapéi'wa si te za i'rata 're hâimana, te te 're 'madâ'â mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:29

Tawamhã ãne na te te tãma rowasu'u za'ra pari, zudeu norĩ hã ma wairé, si'aba'ré da oto. Tawamhã si'aba'ré sina, ma tô Pauluhu mreme na sa'ẽtẽ sisada'rãmi za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:31

Pahi ãna, duré da te tiwi 're sadawa uwati za'ra mono ãna, ma tô te te dama 're rowasu'u, 'Re ihâimana u'âsi mono, da'ãma 're isib'a'uwẽ mono zé wasu'u na hã, duré Wanhib'apito Zezu Cristuhu wasu'u na zama.

Roma 15:32

Ĩtoi uptabi na ãma atẽme ĩwisi za'ra wa'aba da, te za duré ĩ'ãma aimreme zusi u'âsi 'wa. 'Re ihâimana u'âsi mono, ĩmorĩzé hã te te ĩma pisutu wapsi, wa za tô ãma atẽme ĩwisi za'ra wa'wa. Tawapsi ĩma rowẽ uptabi di za, wasiré isazei'wa norĩ hã 'râwi wasisabu za'ra wẽ te. Duré te ãma wazere wapsi hã, wa za a'â ai'rata ĩwa'utu za'ra wa'wa za.

2 Corĩtu 11:23

Cristuhu ma romhuri'wa na, te duré ta norĩ hã aima 're siwasu'u u'âsi za'ra wa'wa. Tane nherẽ, wa wa hã ta norĩ nhipai u, Cristuhu ma romhuri'wa na hã 're ĩhâimana. (Ãté ĩnhimiza'rese õ na 're ĩhâimana mono na, ĩ'ãma rosa'rata za'ra wa'aba da nherẽ, wa za tô ãne na aima ĩsiwasu'u za'ra wa'wa.) E marĩ wa, wa merẽ ta norĩ nhipai u Cristuhu ma romhuri wẽ 'wa na hã 're ĩhâimana. Wa tô te tãma 're romhuri pese uptabi, ta norĩ nhipai u. Dazazéb 're, ma tô da te dasiwi 're ĩzai u'âsi, ta norĩ 're ihâimana za'ra mono zém nhipai u. Ma tô duré da te dasiwi 're ĩ'ahâri u'âsi, powawẽ hânhorõ na, senai'õ na rowasu'u'wa norĩ hã da te dasiwi 're ihâ za'ra mono zém nhipai u. Ãne wa, wa tô aré 're ĩdâ'â u'âsi, te ĩsina 're romnhimimnhasi za'ẽtẽ mono wa.

2 Corĩtu 6:5

'Re ihâimana u'âsi mono zadawa 'mahârâ'wa oto 're wahâimana za'ra mono wa, ma tô da te dasiwi 're wahâ za'ra. Ma tô duré dasiwi da te 're wanheme, dazazéb 're. Wazada 're dahâimana wasété za'ra mono wa, te da te wawi 're ro'wa'rutu u'âsi za'ra, Wanhib'apito, wa te dama 're sadawa wasu'u za'ra mono ré hã. Wanhimiromhuri na, wa duré dama 're wasiwasutu za'ẽtẽ u'âsi za'ra, Wanhib'apito wasu'uwẽ na hã. Ãne wamhã, wanhotõ ãna ma tô duré wa'ãma 're awẽ za'ra, nimahã mara na hã. Wasai ãna, wa duré nimahã bâtâ na hã 're wasi'ubumro.