Zezusihi zadawa wasuꞌuꞌwa norĩ nhimiromhuri na robꞌuiꞌéré 28:14 - ꞌRe Ihâimana Uꞌâsi Mono Zadawa Wasuꞌu

¹⁴ Tame wa tô duré tawamhã sõpẽtẽ za'ra ni, isazei'wa norĩ hã. Ma tô wahâiba waptẽrẽ za'ra, misi romhuri na i'rata wahâimana za'ra da a'â. Taha parip si, wa tô Roma u ai'aba'ré ni, wapara na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:14 ပူးပေါင်းရင်းမြစ်များ

Zenezi 7:4

E marĩ wa. Ã hawimhã 7 bâtâ ãma wa za 40 bâtâ 'rem na, duré 40 mara na tã ta'a da hã tãma rob'ru. Ãne wa za tawamhã uburé hâiba ré 're ihâimana za'ra mono norĩ hã uprosi.

Salmu 119:63

Uburé te te siwi 're i'aiwazéb za'ra mono norĩ siwaihu'u na, duré asimiroti si te te 're iwapari pese za'ra mono norĩ siwaihu'u na wa duré 're ĩhâimana.

Mateu 10:11

— Nimomo daza'rui u 're anomro aba mono wamhã, asô 're itob'uzu za'ra wa'aba mono norĩ u si te za 're asisisi aba mo. Tawamhã tame te za isiré 're aihâimana za'ra wa'aba mo, 'ri tede'wa siré, nimomo 're i'anomro aba mono zéb u.

Zuwã 21:23

Tawamhã Zezusi te te 're isawi pese mono, dâ'â ãna 're ihâimana u'âsi mono na rowasu'u hã ma tô te te ropé, Zezusihi zazei'wa norĩ u. Tane nherẽ, Zezusi hã te te tãma pisutu õ di, idâ'â'õzé hã. Taré ma tô Pedruhu ma waihu'u: “Apâ we ĩmorĩ õ ré, idâ'â'õzé te tãma pisutu wamhã, taha si ãma 're 'madâ'â mono õ di za.” Ãne si ma tô ãma hã tãma tinha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:15

Tawamhã bâdâ hã siwaptom na ãma ne pari, ma tô isazei'wa norĩ hã si'rã'õtõ, 120 na ihâiba za'ra hã. Tawamhã Pedru hã ma tô wahudu hâiwi, te te tãma rowasu'u za'ra da. Ãne te tãma rowasu'u za'ra:

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:1

Apolu hã Corĩtu ãma sãmra ré, ma tô Paulu hã ro'razâ, Éfézu u sa'a nhisi baba. Tame ma tô Zezusihi zazei'wa norĩ hã sõpẽtẽ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:6

Tawamhã i'u'ẽtẽ duptoi'õ na dasa da te huri parip si, Filipu hawi wa tô wanem ni, Trowadi u rowa'u'u na uba'renem na. Bâdâ 5 na ma tô wa'ãma ai'utõ, tamomo wasi'aba'réi ré. Tame, wa tô wasi'ãma aihutu ni apâ, aibâ norĩ wawana isi'aba'ré norĩ me. Romhuri misi, ma tô wa'ãma ai'utõrĩ za'ra, tame wasi'ubumroi ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:4

Tame wa tô duré oto Zezusihi zazei'wa norĩ hã sõpẽtẽ za'ra ni. Wasisõpẽtẽ za'ra wamhã, romhuri misi, ma tô wa'ãma ai'utõrĩ za'ra, wasiré wasi'ubumroi ré hã. Tawamhã isazei'wa norĩ hã 'Re ihâimana u'âsi mono pẽ'ẽzani te te tãma iwaihu'u za'ra zéb zarina, ma tô Pauluhu wi tiwi rosawi za'ra, Zeruzalẽ u hã morĩ tõ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:13

Ta hawi, ma tô waré si'ãsi rowa'u'u na uba'rene hã, rowa'u'u wa'rãmi. Tawamhã Reziu na 'ri nho'õmo nhisi u, wa tô aihutu ni. Awẽm na si, rowa'u ma tô we rowapõ, hâiwa nhimi'e hawi, wasi'aba'rézéb zarina. Tawamhã bâdâ maparane wa'ãma ne parip si, wa tô duré aihutu ni, Pozu'ori na 'ri nho'õmo nhisi u. Tame uba'rene hã wa tô rẽme za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:15

Tawamhã isazei'wa norĩ hã, Roma ãma 're isi'ubumroi mono norĩ hã ma tô wawasu'u hã wapari za'ra. Tahawa, Apiu ãma rowedezém na 'ri wa'õtõ nhisi u wasihutu wamhã, Roma hawi isazei'wa norĩ me wa tô wasi'uzusi za'ra ni. Duré, Si'ubdatõ Daza'warizém na 'ri wa'õtõ nhisi u wasihutu wamhã, isazei'wa hâiba amo norĩ hã ma tô duré isa'u hã wa'uzusi za'ra, Roma hawi. Tawamhã Paulu hã te te dazabui wamhã, 'Re ihâimana u'âsi mono ãma te tiwata, isõprum na. Ma tô duré ãhã wamhã tãma rowẽ watobro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:21

Tawamhã te asa tãma nharĩ za'ra, Pauluhu ma, ãne: — Zudéa hawi rob'ui'éré na aiwasu'u hã da te wei watẽme 'mai'ãwisi za'ra õ di. Duré wasiré norĩ hã we watẽme nasi sihutu nherẽ, aiwasu'u wasédé hã we te te siwi 'mai'ãwisi õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:3

Tahawa, ma'ãpé sô asõpré wa'aba mono, aibâ 7 na ihâiba norĩ zô. Aibâ norĩ hã da te iwẽsãmri za'ra zô, te za sô asõpré wa'wa, 'Re ihâimana u'âsi mono pẽ'ẽzani na si 're inomro mono norĩ zô, hâiwa hawi dahâimanazém na rowaihu'u ré 're ihâimana za'ra mono norĩ zô. Ta norĩ ma, wa za romhuri hã pisutu za'ra ni, awẽ sidâpâsi te te 're dazari za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:30

Tawamhã isazei'wa norĩ hã da te dasima i'ru za'ra zé hã te te waihu'u za'ra wamhã, ma tô Saulu hã siwi saprõ, Sézaréa u. Ta hawi ma tô duré siwi satõ, Tasu u hã morĩ da.

Roma 1:13

Ĩsisãnawã norĩ, ãne na aima ĩsiwasu'u za'ra wa'aba da, wa tô ĩsima wẽ, waihu'u za'ra wa'aba da. Wa tô te ĩsima 're rosa'rata u'âsi, te asabu za'ra wa'aba da. Tane nherẽ, atẽme ãma ĩmorĩ su'u aba da nherẽ, te marĩ hã ĩma 're hâimana u'âsi, õne u'âsi. Zudeu'õ norĩ hã daro mono bâ 're isi'ubumroi mono hã, iwasu'uwẽ hã te tãma 're iwasu'u za'ra mono zém na, te te 're saze za'ra mono wa, wa tô te 're awaibu, 'Re ihâimana u'âsi mono ma. Tane da, wa tô duré te ĩsima 're rowẽ, airo wa'aba ãma asiré zudeu'õ norĩ hã te duré tãma 're awaibui mono da, tame.