Zezusihi zadawa wasuꞌuꞌwa norĩ nhimiromhuri na robꞌuiꞌéré 27:42 - ꞌRe Ihâimana Uꞌâsi Mono Zadawa Wasuꞌu

⁴² Tawamhã da'wapéi'wa norĩ hã te ãma siwada'uri za'ra, ipawasisi ré norĩ ãma, te te siwi simro da, tiwi zâribi za'ra wa, tiwi simani za'ra õ'umnhasite.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:42 ပူးပေါင်းရင်းမြစ်များ

Provébiu 12:10

Sena na 're ihâimana za'ra mono norĩ hã tinhimizama hã te te 're 'madâ'â wẽ za'ra mono di. Tane nherẽ, iwasété norĩ nhimirob'manharĩzé hã wasété uptabi di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:19

Ãhã wamhã, Pedruhu zô sõpré pese da, ma tô Erodi hã tãma nharĩ za'ra. Tane nherẽ, sô sõpré pese mono nherẽ, te te siwi sãmri õ di. Tahawa, Erodi hã ma tô i'madâ'â'wa norĩ hã sadanharĩ pese za'ra, Pedruhu ãma. Taha pari, ma tô dama 'ru za'ra, da te siwi simro da, dazazé 'madâ'â'wa norĩ hã. Tawamhã apito Erodi hã ma tô mo, Zudéa na danhipti'a nho'õmo nhisi hawi, Sézaréa u, tame sãmra da a'â, niha bâtâ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:24

Te ĩma tinha, ãne: “Paulu, aipahi tõ. Tô sena Roma ãma apito Sézaha nho're te za asa, asi'uihâ na tãma asiwasu'u da. 'Re ihâimana u'âsi mono hã aima isõprubzéb zarina ma tô pisutu, aihĩni asiré isi'aba'ré norĩ hã aiwi dâ'â za'ra tõ da.” Ãne ma tô ĩma tinha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:41

Tazahã sitẽme â wara sitob u ma tô uba're hã ãzé, supara â 'rowi 're inomro mono u. Tahawa, supara hã ma tô iwada hã ti'â. Rési waihu'u õ di oto, uba'rene hã. Tawamhã â sisasisi za'ẽtẽ wamhã, te te nasi iwabzuri na ma tô na'rehaipo'o.

2 Corĩtu 11:26

Daro mono bâ 're ĩmorĩ ré hã, ĩma romnhimimnhasi uptabi nherẽ, wa tô âpré na te 're saprĩ, panho'õmo na hã. Duré isimisaihuri norĩ ahâ di, bâdâdi na hã, danhibrob zô dapãrĩ'wa norĩ hã. Ni'wam norĩ hã ĩsiré zudeu 're hâimana za'ra mono nherẽ, ma tô duré ĩzada 're hâimana wasété u'âsi za'ra, zudeu'õ norĩ zama hã duré. 'Ri nho'õmo mono bâ, ma tô duré da te dasima 're ĩ'ru za'ra, niha na da te ĩma 're rob'manharĩ za'ra mono da. A'ubuni wi 're ĩmorĩ ré hã, ĩsina romnhimimnhasi na, wa tô duré 're ĩhâimana, â poré na zama 're ĩmorĩ ré hã. Ni'wam norĩ hã tô sena Cristuhu zazei'wa 're hâimana za'ra mono newa, ma tô duré ĩzada 're hâimana za'ra, ta norĩ zama. Tahawa, ĩsina romnhimimnhasi uptabi nherẽ, wa tô 're ĩhâimana u'âsi.