Zezusihi zadawa wasuꞌuꞌwa norĩ nhimiromhuri na robꞌuiꞌéré 27:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã wasaihuri ãna wahâimana za'ra ré, wa'ãma ropsi'utõrĩ za'ra wamhã, ma tô Paulu hã hâiwi za, iwa'wab za'ra. Ãne te tãma rowasu'u za'ra: — Aibâ norĩ, ĩwapari za'ra wa'aba. E marĩ da, ĩmreme hã saze za'ra wa'aba õ di bété. Ĩmreme hã saze za'ra wa'aba 'wa'âhã, aré Cereta hawimhã wawairébé õ di. Taha 'wa'âhã, aré duré wama rowẽ za'ra di, ãhã na hã. Aré duré marĩ na ãma wasi'uba za'ra õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:21 ပူးပေါင်းရင်းမြစ်များ

Zenezi 42:22

Tawamhã Rubẽ ma te tino norĩ hã ãma sada'âbâ za'ra ãne: — Wa tô aré aima nharĩ za'ra wa'wa, wanoi ma, marĩ iwasédé tãma 'manharĩ za'ra wa'aba tõ da hã. Tane nherẽ, asiwi ĩwapari aba õ di. Tahawa iwapru sisa'warizé wa'rãmimhã, wa oto ãhã na hã wasiwi wa'âbâ ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:12

Tame uba'rene nhimizahârizéb ãma, rowa'u'u wawẽ hã 're pusi mono ré, rowa'u'u na uba'rene hã nomro wẽ waihu'u õ di. Tahawa, da'ahâ na ma tô dasima wẽ za'ra ni, õ hawi dasi'aba'ré da, Cereta ãma Penisi na uba're nhimizahârizém nhisi u sihutu hâ, tame uba'rene hã nomro wẽ da, rowa'u'u wawẽ hã tamemhã te te 're rowapõrĩ mono õ wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:13

Tawamhã rowa'u isurure hã hâiwa nhimi'e hawi ma tô watobro. Suru na ma tô rowapõ. Tahawa, ma tô ãma rosa'rata za'ra, te te sima iwẽ za'ra zéb uwaibaba si'aba'ré da, sihutu waré da newa. Uba're tétézé hã ma tô wazere za'ra, â 'rowi isimi'wara hã. Tawamhã rowa'u'u na uba'rene hã ma tô waré wara, â zada'réi baba, Cereta na rob'ré za'iti nhisi zababa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:20

Awẽ sidâpâsi te ãhã wamhã hâiwarutu u'âsi. Tahawa, bâdâ hã te te urĩrĩ õ di. Wasi zama te te duré urĩrĩ za'ra õ di. Rowa'u'u wawẽ si te zahadu nomro. Tã hã pĩni za'ẽtẽ di duré. Tawamhã wasisõ'reptu za'ra zéb zô, wa te rosa'rata za'ra õ di oto. Duré niha wama iromhâimana za'ra zéb zô, wanhimipari za'ra õ di oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:7

Tawamhã rowa'u'u na uba'rene hã ma tô si'ãsi, waré za'ra, wara pire wa. Bâdâ ahâ na te ãma ne, si'ãsi mono ré hã. Tawamhã Sinidu na 'ri nho'õmo nhisi 'rata, ma tô waré mazazâri za'ra a'â. Tawamhã rowa'u hã te zahadu wei wawa'rãmi rowapõrĩ za'ra. Tahawa, uba'rene hã Cereta na rob'ré za'iti nhisi u ma tô waré tiwara za'ra. Tawamhã Saramona na romnhisi uwaibaba rowa'u'u suru niwĩ ma tô waré uirĩ za'ra.