Zezusihi zadawa wasuꞌuꞌwa norĩ nhimiromhuri na robꞌuiꞌéré 27:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã apito Festu hã ma tô oto tãma ropibu, Pauluhu ma, Italia na danhipti'a nho'õmo nhisi u morĩ da, rowa'u'u na uba'renem na hã. Tawamhã wa hã, Luca hã wa tô ime mo. Zuliu na da'wapéi'wa norĩ wada'uri'wa nhisi hã ma tô duré wame satõ, Pauluhu 'madâ'â'wa da hã, duré pawasisi ré isiré isi'aba'ré norĩ 'madâ'â'wa da hã. Da'wapéi'wa wada'uri'wa nhimi'ubumro norĩ hã Danhipai u, Apito te na iwaptẽrẽ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:1 ပူးပေါင်းရင်းမြစ်များ

Zenezi 50:20

Sena na ma tô aré tô iwasété na ĩ'ãma asima irowa'õtõ za'ra wa'wa. Tane nherẽ, 'Re ihâimana u'âsi mono, ĩzada aihâimana wasété za'ra wa'aba hawimhã, ma tô iwẽ u ĩma ãma aiwi saprĩ za'ra wa'wa, ãhã na da'ahâ uptabi na te 're ida'anho'reptui mono zé ma ropibu ma.

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Daniéu 4:35

Õhõ nhiptetezé ma hã tarére marĩ dai õ di, daro mono bâ 're idahâimana za'ra mono hã. Ta hã te duré uburé hâiwa ãma romhuri'wa norĩ hã, duré ti'ai ãma 're idahâimana za'ra mono norĩ hã pire na te te 're ab'madâ'â. Ni'wa hã te te duré tiwi 're rosawi waihu'u mono õ di, te te sima iwẽzéb zarina marĩ te te 're i'a'manharĩ mono da hã. Duré ni'wa hã te te tãma 're a'rui waihu'u mono õ di, marĩ te te 're i'ab'manharĩ mono zé hã te te ãma dama 're i'arowasu'u mono da hã.”

Mateu 27:54

Tawamhã Zezusi te te dawi i'madâ'â za'ra norĩ hã da'wapéi'wa norĩ hã, duré da'wapéi'wa norĩ wada'uri'wai me, ti'a isãsã iwatobro hã te te 'madâ'â za'ra wamhã, duré uburé ropipa iwairébé mono te te 'madâ'â za'ra wamhã, ma tô tipẽ'ẽwara pese za'ra. Tawamhã ãne te sima nharĩ za'ra: — Nare õ hã, tô sena 'Re ihâimana u'âsi mono 'ra.

Luca 23:47

Tawamhã aibâ hã ma tô tinhowẽ, da'wapéi'wa norĩ wada'uri'wa hã, romanu hã. Sõwẽ wamhã, te ãma tiwata, 'Re ihâimana u'âsi mono ãma. Ãne te tinha: — Nare õ hã, aibâ 're imorĩ wẽ tô.

Luca 7:2

Tame aibâ hã te 're hâimana romanu hã, da'wapéi'wa norĩ wada'uri'wa. Tãma iromhuri'wa hã te te sawi pese di. Hâzé na te oto nomro, tãma iromhuri'wa hã. Hâzé ahâ wa, te za oto dârâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:1

Sézaréa na 'ri nho'õmo nhisi ãma te aibâ hã 're sãmra, da'wapéi'wa norĩ wada'uri'wa hã, Coneliu na isisi hã. Ta hã romanu. Da'wapéi'wa norĩ hã, isimi'ubumro norĩ hã Italianu na iwaptẽrẽ zara hã. Ta norĩ zama hã duré romanu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:22

Tawamhã asa te tãma nharĩ za'ra, ãne: — Da'wapéi'wa norĩ wada'uri'wa hã ma tô wei wazatõrĩ za'ra atẽme, Coneliu na isisi hã. Ta hã aibâ iwẽ, 'Re ihâimana u'âsi mono ãma 're iwata u'âsi mono. Duré zudeu norĩ te te 're i'awẽsãmri mono. Hâiwa ãma 'Re ihâimana u'âsi mono ma romhuri'wa hã ma tô po're pu'u Coneliu hã, asô hârâ da, asimirowasu'u hã te te wapari da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:10

Tawamhã ãne hã Paulu sõtõ 'rowim ne te te 'madâ'â wamhã, wa tô wasima ro'ubumro za'ra ni, Masédonia u wasi'aba'ré da. E marĩ wa. Zezusihi wasu'uwẽ na tame wa te dama rowasu'u za'ra da, 'Re ihâimana u'âsi mono te te iwapisutu za'ra na wa te wasina waihu'u za'ra wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:2

Tawamhã Corĩtu u wisi wamhã, ma tô zudeu norĩ siré hã aibâ hã sõpẽtẽ, mro ré. Aquira na aibâ nhisi hã. Põtu na danhipti'a nho'õmo nhisi ãma iwaptã'ãzé, ta hã. Roma na 'ri nho'õmo nhisi hawi ma tô iwana aimasisi zahuré, timro me, Italia na danhipti'a nho'õmo nhisi hawi. Pi'õ nhisi hã Prisila na. Claudiu na danhib'apito uptabi nhisi hã ma tô zudeu norĩ hã satõrĩ za'ra, Roma hawi, isiti si'aba'ré da. Tahawa, ma tô Corĩtu u aimasisi zahuré, Aquira norĩ hã. Ta norĩ hã te te sabu zahuré da, ma tô itẽme timorĩ zahuré, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:21

Tawamhã ãne na romhâimana pari, ma tô Paulu hã 'râwi sima waihu'u, Zeruzalẽ u morĩ da, Masédonia wa'wai baba, duré Ataza wa'wai baba. Tahawa, te sima tinha, ãne: “Zeruzalẽ u ĩmorĩ parip si, Roma u ĩmorĩ da, wa duré ĩsima wẽ, te dazabu da.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:32

Tawamhã awa'awi ma tô tinhib'a'uwẽ norĩ zô hârâhai'aba'ré za'ra, tiwada'uri'wa norĩ me siré sisa'rei mono da, datẽme. Itẽme isisa'rei mono hã da te 'madâ'â za'ra wamhã, ma tô ãma rosahâri za'ra ni, Pauluhu ãma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:26

Tawamhã Pauluhu mreme te te wapari wamhã, da'wapéi'wa norĩ wada'uri'wa hã ma tô tinhib'apito ma wasu'u, ãne: — E marĩ ãma 'manharĩ da bâ. Ni'ã. Õ hã romanu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:11

Tawamhã taha mara na Wanhib'apito hã ma tô tãma sihâi'ré, Pauluhu ma. Te tãma tinha, ãne: — Aipahi tõ. Ãme Zeruzalẽ ãma ma tô dama ĩwasu'u pa. Roma ãma te za duré õhõ na si dama ĩwasu'u, niwamhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:17

Tawamhã Paulu hã ma tô sô hâ, da'wapéi'wa norĩ wada'uri'wa zô. Taha wamhã, te tãma tinha, ãne: — Ã hã 'ritéi'wa hã ãma saprõni, asib'apito u te te tãma rowasu'u da. Marĩ hã te te iwaihu'uzém na te za tãma rowasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:23

Tawamhã apito Peresi hã ma tô da'wapéi'wa norĩ wada'uri'wai ma waihu'u, ãne: — 'Madâ'â pese za'ra wa'aba za, ã hã aibâ hã aiwi simani za'ra wa'aba tõ da. Tazahã, marĩ hã te te 'manharĩ da, te te sima wẽ wamhã, suru na te za tãma irowairébé 'wa. Duré, isiré norĩ hã ihâimanazéb da, te te pawaptob za'ra da, we itẽme sisisi wamhã, wẽ'õ za'ra wa'aba õ di za, tiwi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:12

Tawamhã Pauluhu mreme hã te te wapari wamhã, apito Festu hã isimiroti na ãma isime za'ra norĩ me, ma tô sima ãma roti za'ra. Taha parip si, ma tô asa Pauluhu ma tinha, ãne: — Ma tô ĩma asi'ru, Roma ãma apito Sézaha u te asatõrĩ da. Tane tô. Te za tô itẽme aimo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:25

Tane nherẽ, marĩ na wa hã te upsibi mei waihu'u õ di, da te dasiwi iwĩrĩzéb da hã. Tawamhã õ hã si'uihâ na ma tô ĩwi rowaptẽ, Roma ãma apito Sézaha u te satõrĩ da. Tahawa, wa tô ãma saze tô, te itẽme satõrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:11

Tane nherẽ, da'wapéi'wa norĩ wada'uri'wa hã Pauluhu nhimirowasu'u hã te te saze za'ra õ di. Uba'rene tede'wa norĩ mreme si ma tô siwi saze. Duré i'mapraba'wai mreme si hã ma tô siwi saze.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:43

Tane nherẽ, iwada'uri'wa hã te ãma pa'uwati za'ra, Paulu te te sõ'reptu da, te te sima wẽ wa. Tawamhã te tãma rob'ru za'ra, izâribi waihu'u pese norĩ hã âi ba rere'e da, zâribi za'ra da uimrehẽne, rob u,

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:6

Tame da'wapéi'wa norĩ wada'uri'wa hã ma tô rowa'u'u na uba'reneb amo hã tisã, Alesãdria hawi iwara hã, Italia na danhipti'a nho'õmo nhisi u iwara da hã. Tawamhã ma tô wama 'ru za'ra, i're wanhisisi da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:1

Tawamhã rob u wawairébé wẽ wamhã, wa tô rowaihu'u za'ra ni oto. Mauta na rob'ré za'iti nhisi u wa tô wawairébé ni, rowẽ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:16

Tawamhã Roma u wasihutu wamhã, da'wapéi'wa norĩ wada'uri'wa hã ma tô Pauluhu ma pisutu, hâiba pisutu 're hâimana mono da, danhorõwa ãma. Da'wapéi'wa si te za i'rata 're hâimana, te te 're 'madâ'â mono da.

Hebreu 13:24

Ma'ãpé uburé ai'madâ'â za'ra wa'aba 'wa norĩ hã wama sawi za'ra wa'aba za. Uburé 'Re ihâimana u'âsi mono nhib'a'uwẽ, tame 're ihâimana za'ra mono norĩ zama, wama sawi za'ra wa'aba za duré. Italia na danhipti'a nho'õmo nhisi hawi 're iwairébé mono norĩ zama te ãma asawi za'ra wa'wa duré, isazei'wa norĩ, siré 're isi'ubumroi mono norĩ hã.