— Wa hã, zudeu. Tasu na 'ri nho'õmo nhisi ãma ĩpotozé hã, Sirisia 'remhã. Ãme Zeruzalẽ ãma wa tô ĩprédu. Gamaliéu hã ma tô te te ĩma 're rowahutu, wahi'rata norĩ nhimiroti na hã. Ĩnhimi'ẽ na wa tô te 're romhuri pese, 'Re ihâimana u'âsi mono ma. A norĩ wa'wa hã asimi'ẽ na tãma 're iromhuri za'ra wa'aba mono ne, wa tô õhõ ma si 're ĩsisõmri u'âsi, ĩnhimi'ẽ na te tãma 're romhuri pese mono da, asine wa'aba.
Zezusihi zadawa wasuꞌuꞌwa norĩ nhimiromhuri na robꞌuiꞌéré 26:4 - ꞌRe Ihâimana Uꞌâsi Mono Zadawa Wasuꞌu4 — Ĩprédu wi, 're ĩhâimana mono zém na tãma ĩwaihu'u pese za'ra di, zudeu norĩ ma hã. Duré ĩrob ãma 're ĩhâimana mono ré, ma tô siwi ĩwaihu'u, 're ĩhâimana mono zém na hã. Duré Zeruzalẽ ãmab zama hã ma tô duré siwi ĩwaihu'u, tame 're ĩhâimana mono ré. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 26:4
5 ပူးပေါင်းရင်းမြစ်များ
Ãne wa za aima ĩsiwasu'u. 'Re idanomro mono zép téb zarina, wa tô te 're romhuri, 'Re ihâimana u'âsi mono ma. 'Re idanomro mono zép té wasu'u hã te zudeu norĩ hã te te siwi 're wẽ'õ za'ra, senai õ newa. Tane nherẽ, 'Re ihâimana u'âsi mono nhimiroti hã, wahi'rata norĩ nhib'apito nhimiroti hã wa tô uburé saze, Mozési te te ãma irob'ui'éré hã. Isadawa 'mahârâ'wa norĩ nhimi'ui'éré hã wa tô duré saze. Ĩwasédé hã te te siwi ĩ'ãma isa'ra norĩ hã 'Re ihâimana u'âsi mono ãma te te isasõmri za'ra ne, wa duré wa hã ãma sasõ. Dadâ'â nherẽ, aihĩni apâ te te 're ida'ahâiwa'utu mono zém na wa tô ãma sasõ, iwẽ hã duré iwasédé hã apâ te te 're ida'ahâiwa'utu mono zém na hã.
Wa hã wasiré zudeu norĩ nhimizazezéb zarina 're ĩmorĩ ré, wa tô ĩsima wẽ upta, wasiré iwaprédu mono norĩ nhipai u, wahi'rata norĩ nhimiroti zarina si, 're ĩmorĩ da. Ãne 're ĩmorĩ ré, 'Re ihâimana u'âsi mono nhib'a'uwẽ norĩ ma, ĩwasété na wa tô te 're arob'manharĩ aré, Wanhib'apito zazei'wa norĩ ma hã. Wa tô te ĩsima 're awẽ, te 're uprosi mono da. Ãne ma tô ĩwasu'u wasédé hã 're iwapari za'ra wa'aba mo.
E marĩ wa. Ĩwaptã'ãzém na 8 na bâdâ hã ĩ'ãma ne parimhã, ma tô ĩnhihâiwata nhizâri ni, zudeu norĩ 're ihâimana za'ra mono zéb zarina. Wa hã Izaraéu nhihudu 're ĩhâimana mono. Duré i'ra Bẽzamihĩ nhihudu 're ĩhâimana mono. Wa hã duré hebreu uptabi. E marĩ wa. Ĩhi'rata norĩ hã uburé hebreu uptabi 're hâimana za'ra mono wa, da te 're wa'ru za'ra mono ãna. Duré farizeu na dame 're ĩhâimana mono wa, wa tô 'Re ihâimana u'âsi mono nhimiroti 'rada hã te 're 'madâ'â pese, Mozési te te ãma irob'ui'éré hã, isimiroti na hã.
A hã ma tô ĩwaihu, ĩnhimiroti na, duré ĩhâimanazém na, duré dapawaptom na ĩnhimiromhuri na te ĩsina 're iroti mono zém na, duré Wanhib'apito umnhasi sina 're ĩhâimana mono zém na, duré da'ãma ĩwa'a su'u õ na 're ĩhâimana mono zém na, duré te 're ida'azawi pese mono zém na, duré marĩ ahâ na ĩzada 're hâimana mono nherẽ, Wanhib'apito ãma ĩsina ĩnhiptete sina 're ĩhâimana mono zém na zama. Ma tô duré iwaihu, da te ĩma 're irob'manharĩ wasété za'ra mono zém na hã, duré te 're irobzépata mono zém na hã. Ma tô duré iwaihu, marĩ hã ĩzô 're iwairébé mono zém na hã, Ãtioquia na 'ri nho'õmo nhisi ãma, duré Iconizu ãma, duré Risitira ãma. Ipipa na da te ĩ'ãma 're rob'manharĩ wasété za'ra mono wa, wa tô te 're robzépata za'ẽtẽ. Tane nherẽ, ĩdâ'â tõ da, ma tô Wanhib'apito hã nasi a'â ĩnho'reptu.
ကြော်ငြာတွေ