Zezusihi zadawa wasuꞌuꞌwa norĩ nhimiromhuri na robꞌuiꞌéré 26:11 - ꞌRe Ihâimana Uꞌâsi Mono Zadawa Wasuꞌu11 Tahawa, wa tô te ãma 're arowasété, rowahutuzé mono bâ, Zezusi hã te te siwi 're wẽ'õ za'ra mono da, isazei'wa norĩ hã. Ta norĩ zada ĩzahi uptabi wa, wa tô 'ri nho'õmo mono bâ te ãma 're rowasété za'ra, duré darob amoi ãma zama. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 26:11
17 ပူးပေါင်းရင်းမြစ်များ
Tahawa, te za 're asipibui pese za'ra wa'aba mo, dawi. Ãté ni'wam norĩ hã te za te te sima 're aiwẽ za'ra wa'wa, te te 're aiwaibui wa'aba mono da, zudeu norĩ ma roti'wa norĩ u, te te 're asimroi wa'aba mono da. Tawamhã ta norĩ hã te te siwi 're aiwẽ'õ za'ra wa'aba mono zéb zarina, te za duré isimirowahutuzéb ãma da te 're ai'maipré'é 'wa, romhâ nhorõ na.
— Ma'ãpé, aihâimana nhimiza'rese, 're aihâimana za'ra wa'aba mono za. Niwapsi te za a norĩ wa'wa hã da te 're aipawasisi za'ra wa'wa, roti'wa norĩ u, da te 're asimroi wa'aba mono da. Tawamhã ta norĩ zadawa para, te za rowahutuzéb ãma da te 're aihâ za'ra wa'wa, romhâ nhorõ 'manharĩ na. Ĩzazei'wa 're anomro aba mono wa, te za da te 're asimroi wa'wa, dama ipire norĩ u, duré danhib'apito norĩ u zama. Ãne wamhã, te za tãma 're irowasu'u za'ra wa'aba mo, ĩzazei'wa 're anomro aba mono na.
— Ma'ãpé, ĩwapari pese za'ra wa'aba za. Dawasédé hã da te 're 'manharĩ za'ra mono nherẽ, duré 'Re ihâimana u'âsi mono ãma, da te ãma 're wasété za'ra mono nherẽ, dawasété na tãma 're dasiwasu'u za'ra mono wamhã, dawasédé hã tãma waihu'u pese di, te te dama 're i'apari mono zéb da hã, te te oto da'ãma 're ab'madâ'â tõ mono da.
— Ãne na romhâimana õ ré, te za da te 're aiwaibui wa'wa. Rowasédé hã te za duré da te aima 're 'manharĩ za'ra wa'wa. Rowahutuzéb u, te za da te 're ai'mazasi za'ra wa'wa, aihâimanazém na da te 're aiwaihu'u za'ra wa'aba mono da. Tahawa, te za taré da te 're aiwẽ'õ za'ra wa'wa. Taha pari, te za da te 're aséme 'wa, dazazéb 're, 're aimasa wa'aba mono da. Ĩzazei'wa 're anomro aba mono 'ru te, te za duré da te 're asimroi wa'wa, danhib'apito norĩ u. Roti'wa, si'upana te te ipisutu norĩ u zama, te za da te 're asimroi wa'wa.
Tane nherẽ, iwasu'u hã ma tô tiwi wẽ'õ za'ra. Timreme wasété na ma tô siwi azâ, Paulu hã. Tahawa, Paulu hã ma tô ti'uza zapru wami, damreme wasété na ãma dâ'â tõ da. Tawamhã te tãma nharĩ za'ra, ãne: — E ĩnhimirowahutuzéb zarina te za ropipa u 're anomro aba mo. Mare di. Asi'uihâ na te za 're asisimini za'ra wa'aba mo. Zudeu'õ norĩ u si wa za oto 're ĩne, ta norĩ ma si te 're rowasu'u za'ra mono da oto, iwasu'uwẽ na hã.
'Re ihâimana u'âsi mono ma, sasedoti da'ãma romhuri'wa tisiré norĩ nhipai u ipire uptabi hã ma tô ãne na hã ĩwaihu'u, duré uburé zudeu norĩ ma roti'wa norĩ zama. Ta norĩ hã ĩ'ãma sadanharĩ za'ra wa'aba wamhã, te za ãne na hã aima ĩwasu'u za'ra wa'wa, sena na. Ta norĩ hã ma tô tinhimi'ui'éré hã ĩma sõmri za'ra, Damascu u te âri da, isiré dama ipire norĩ ma. Taha zarina, wa tô mo, Damascu u te we simroi mono da, isazei'wa norĩ hã. Isi'uwazi nhorõ rutu na pawasisi ré, Zeruzalẽ u we te simroi mono da, wa tô sô ĩmorĩ za'ra, ãme da te hâ za'ra da.
Taha ré, te zahadu Saulu hã te te tãma 're amhâzépa za'ra, Zezusi zazei'wa norĩ ma. Wanhib'apito Zezusihi nhirã zarina 're nomro mono 'ru te, te te tãma 're amhâzépa za'ra, te te uprosi da. Tawamhã nimahã bâtâ na sasedoti tisiré norĩ nhipai u ipire uptabi u ma tô mo, 'Re ihâimana u'âsi mono ma, da'ãma romhuri'wai u, rob'ui'éré hã te te tiwi waptẽrẽ da.
ကြော်ငြာတွေ