Zezusihi zadawa wasuꞌuꞌwa norĩ nhimiromhuri na robꞌuiꞌéré 24:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã bâdâ hã 5 na ma tô ãma ne, Erodihi nhorõwa ãma hâimana ré, Paulu hã. Tawamhã Anania hã, sasedoti 'Re ihâimana u'âsi mono ma da'ãma romhuri'wa, tisiré norĩ nhipai u ipire uptabi hã ma tô Sézaréa u wi. Ni'wam norĩ hã, da'madâ'â'wa norĩ hã ma tô siré te te simro. Danhimirob'manharĩzém na dawasu'u'wa zama te siré saprõni za'ra, Téturu na isisi hã. Ta norĩ hã apito Peresihi ma, ma tô iwasédé hã siwi ãma tihi, Pauluhu ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:1 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:21

Tahawa, Erodi hã bâdâ te te sima ipisutuzém na ma tô ti'uza wẽ ihâpa hã sima tisẽ. Taha wamhã, Danhib'apito 're isimasisi mono zéb ãma ma tô nhamra, tinhimirotizéb ãma, te te dama roti da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:27

Tawamhã zahadu bâdâ 7 na ãma si'utõrĩ za'ra õ di, Paulu norĩ, te te siwi i'manharĩ 'rãsutu zéb u hã. Romhuture di oto. Tawamhã zudeu norĩ hã Azia hawi isihudu ma tô Paulu hã sima sãmri za'ra, 'Re ihâimana u'âsi mono nhorõwa 'ri ãma. Izaraéu nhihudu norĩ te, 'ri 'wawi wa'ra ãma sãmra ré, ma tô siwi 'madâ. Tahawa, ma tô sada dawada'uri wasété za'ra, Pauluhu da. Tawamhã ma tô oto siwi pa'â, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:2

Tawamhã Anania hã sasedoti tisiré norĩ nhipai u ipire uptabi hã ma tô ti'ru, i'rata isimasam norĩ ma, te te siwi sadawa pré'é da, Paulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:24

Awaru hã te za i'ubumroi wa'wa, Paulu hã ãma imorĩzéb da. Awaru na te za asiwi isaprõni waré wa'wa, Peresi na danhib'apito nhisi u, asiwi ãwisi wẽ wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:30

Zudeu norĩ hã te te siwi wĩrĩ da, te te sima i'ru za'ra zé hã ma tô duré ĩma waihu'u ni. Te waihu'u wi, wa tô ãma atẽme satõ, sa'ẽtẽ. Iwasété na tãma inharĩ'wa norĩ ma, wa tô duré ãma rob'ru za'ra, ãma atẽme si'aba'ré da, asõ'a te te iwasédé hã ãma sa'ra da. Ãne si, wa ãma aima rob'ui'éré.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:33

Tawamhã ta norĩ hã ma tô siwi saprõ, Sézaréa u. Tamomo sihutu wi, ma tô awa'awi siwi saprõ Paulu hã, apito u. Tawamhã ma tô apito ma rob'ui'éré hã sõmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:35

Tawamhã te te waihu'u wamhã, apito hã te tãma tinha, duré ãne: — Aiwasédé hã te te ai'ãma isa'ra norĩ hã we sihutu wapsi, wa za aiwapa, ta norĩ siré. Tawamhã ma tô da'wapéi'wa norĩ ma Paulu hã 'ru za'ra, Erodihi nhorõwa ãma te te siwi sẽrẽ da. Te te duré siwi 'madâ'â pese da zama, te tãma 'ru za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:11

Ĩmreme hã sena na te za iwaihu. Nimosi, wa tô wi, Zeruzalẽ u hã. Bâdâ 12 na ma tô ĩ'ãma ne, tame ĩnhamra ré hã. 'Re ihâimana u'âsi mono ãma ĩwata da hã, wa tô wi. Tawamhã 'Re ihâimana u'âsi mono nhorõwa ãma, 'ri 'wawi wa'ra 're, ĩnhamra ré, ĩsiré zudeu norĩ hã ma tô siwi ĩsã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:2

Tawamhã apito Peresi hã ma tô Pauluhu zô hâ, danho're sab da. Taha pari, Téturu hã ma tô oto Pauluhu ãma iwasédé hã ãma tihi. Apito ma, te rowasu'u, ãne: — Roti'wa, a hã aiwẽ uptabi di. A hã wama 're roti wẽ u'âsi mono wa, wa rowẽ na si 're wahâimana za'ra ãhã na hã. Wa'madâ'â'wa norĩ ma, ma tô 're iroti wẽ u'âsi mo, daro mono bâ te te 're wa'madâ'â wẽ za'ra mono da, marĩ iwasédé hã te te wama 're pese za'ra mono da. Tawamhã waro mono bâ, asimipawaptobzém na wama 're asõpru mono wa, wa wa te 're aiwẽsãmri u'âsi za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:2

Zeruzalẽ u wisi wamhã, sasedoti ipire norĩ hã duré zudeu norĩ ma, roti'wa norĩ zama ma tô tãma wasu'u za'ra Paulu hã, wasété ré ne.

1 Corĩtu 2:1

Ĩsisãnawã norĩ, ma'ãpé ĩ'ãma aipo're pu'u za'ra wa'aba. Wa hã atẽme ãma ĩmorĩ aba wamhã, 'Re ihâimana u'âsi mono nhimiroti hã aré dama iwaihu'u'õ hã, wa tô te aima 're wasu'u za'ra wa'wa. E tawamhã ĩmreme wapari ze na, 're ĩwapari za'ra wa'aba mono da si, wa tô te ĩsi'ãma 're rosa'rata, ĩnhimiroti wẽ wa, ĩ'ãma 're atob'uzu za'ra wa'aba mono da. Mare di. E ti'ai ãma danhimirowaihu'u pese na da te dama 're iroti za'ra mono ne, wa tô te aima 're rowasu'u za'ra wa'wa. Mare di. Tane hãi õ di, ĩnhimirowasu'u hã.

1 Corĩtu 2:4

Zezusihi wasu'uwẽ, te aima 're wasu'u za'ra wa'aba mono wamhã, ti'ai ãma danhimirowaihu'u pese na da te dama 're iroti za'ra mono ne, te aima 're rowasu'u za'ra wa'aba mono õ di, ãma 're ĩzaze za'ra wa'aba mono da hã. 'Re ihâimana u'âsi mono pẽ'ẽzani hã tiwaihu'u pese na te te 're i'aipawaptob za'ra wa'aba mono na si, ma tô sena na 're isazei pese za'ra wa'aba mo, Zezusihi wasu'uwẽ hã.