Zezusihi zadawa wasuꞌuꞌwa norĩ nhimiromhuri na robꞌuiꞌéré 22:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã romanu da'wapéi'wa norĩ nhib'apito hã ma tô da'wapéi'wa norĩ ma 'ru za'ra, 'ri para u te te siwi 'mazébré da, Paulu hã. Te duré taha wamhã tãma 'ru za'ra, te te siwi 're pré'é mono da, siwasu'u da, zudeu norĩ te te sima i'ruzém na te te waihu'u da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:24 ပူးပေါင်းရင်းမြစ်များ

Zuwã 19:1

Tawamhã Pilatu ma tô da'wapéi'wa norĩ ma 'ru za'ra, powawẽ hâi waré na te te siwi 're pré'é mono da, Zezusi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:37

Tawamhã te Paulu hã asa tãma nharĩ za'ra, ãne damrami'wa norĩ ma: — Marĩ hã wa te 'manharĩ wasété õ nherẽ, ma tô dama wa'ru, danho'a da te 're wapré'é mono da, wa norĩ hã romanu norĩ siré nherẽ. Ma tô wamrami ni, dazazéb 're, wasima'wara da. Tawamhã e pi'uriwi te za wazatõrĩ za'ra. Mare di. Apito norĩ hã te za wei wazô ai'aba'ré, si'uihâ na danho'a te te siwi wazani da, waneb da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:34

Tawamhã dasiwa'rãmi te nasi tãma 'mahârâ za'ra ni, dasimana'rãmi hawi. Da te tãma wasu'u waré za'ra õ di. Dahârâ si'rahâri ahâ wamhã, iwasu'u uptabi hã te te waihu'u õ di, apito hã. Tahawa, da'wapéi'wa norĩ ma, ma tô ti'ru, Paulu te te siwi saprõni da, tinhorõwa u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:37

Tawamhã da'wapéi'wa norĩ hã apito nhorõwa u te te siwi 'mazébré õ ré, Paulu hã ma tô apito ma tinha, ãne: — E aima wẽ õ di, aima ĩsiwasu'u da hã. Tawamhã apito hã te asa tãma tinha, ãne: — E nare aima waihu'u pese di, gregu norĩ mreme hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:10

Tawamhã damreme tete na dasi'wapé za'ra wa, da'wapéi'wa norĩ nhib'apito hã ma tô ãma hâtârâ, Pauluhu ãma, da te dasiwi hâiba'ẽi mono õ'umnhasite. Tahawa, ma tô da'wapéi'wa norĩ ma 'ru za'ra: — Sô ai'aba'réi wa'aba, asiwi wazere aba da, dawa'wa hawi. Tawamhã wanhorõwa u te za we asiwi isaprõni 'wa apâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:27

“Ã hã aibâ hã ma tô zudeu norĩ hã siwi ti'â. Te aré siwi tiwĩ. Tawamhã wa hã wa tô itẽme wi, da'wapéi'wa norĩ me. Wa tô dawi ãma wasisaprĩ za'ra ni, romanu na 're ihâimana mono na te waihu'u wa oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:18

Tawamhã romanu norĩ hã ĩwasété zô ma tô siwi ĩzadanha. Tane nherẽ, ĩwasédé hã te te ĩ'ãma sãmri za'ra õ di, da te dasiwi ĩwĩrĩzéb da hã. Tahawa, dazazém hawi te te ĩwazere za'ra da, te sima ĩ'ru za'ra.

Hebreu 11:35

Duré pi'õ norĩ wi, aré tiwi 're idâ'â za'ra mono norĩ hã, ma tô apâ tãma 're hâiwa'utu za'ra, pi'õ norĩ ma. Duré ta norĩ hã 'Re ihâimana u'âsi mono si te te sina 're i'umnhasi za'ra mono norĩ hã dazazéb 're, 're hâimana za'ra mono ré, 'Re ihâimana u'âsi mono te te dawi 're udâ za'ra mono 'wa'âhã, taha zarina te aré dazazém hawi da te tãma 're rob'ru za'ra, ta hawi 're wairébé mono da. Tane nherẽ, ta norĩ hã 'Re ihâimana u'âsi mono te te dawi 're udâ waihu'u za'ra mono õ di. Tahawa, ma tô danhimirob'manharĩ wasété na 're si'utõrĩ. Rowẽ uptabi na 're idanomro u'âsi mono zéb u hã, 'Re ihâimana u'âsi mono si te te 're hâiwa'utu za'ra mono da, ma tô ãne zô si 're si'madâ'â za'ra, ta norĩ hã.