Zezusihi zadawa wasuꞌuꞌwa norĩ nhimiromhuri na robꞌuiꞌéré 21:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã awẽm na si, wa tô ai'aba'ré ni, Sézaréa u. Tame wa tô asimro ni, Filipihi nhorõwa ãma. Filipi hã Zezusihi wasu'uwẽ na isazei'õ'wa norĩ ma rowasu'u'wa. 7 na isazei'wa norĩ pawapto'wa da, da te ipisutu za'ra norĩ me, aré 're ihâimana mono, Zeruzalẽ ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:8 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:1

Sézaréa na 'ri nho'õmo nhisi ãma te aibâ hã 're sãmra, da'wapéi'wa norĩ wada'uri'wa hã, Coneliu na isisi hã. Ta hã romanu. Da'wapéi'wa norĩ hã, isimi'ubumro norĩ hã Italianu na iwaptẽrẽ zara hã. Ta norĩ zama hã duré romanu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:10

Tawamhã ãne hã Paulu sõtõ 'rowim ne te te 'madâ'â wamhã, wa tô wasima ro'ubumro za'ra ni, Masédonia u wasi'aba'ré da. E marĩ wa. Zezusihi wasu'uwẽ na tame wa te dama rowasu'u za'ra da, 'Re ihâimana u'âsi mono te te iwapisutu za'ra na wa te wasina waihu'u za'ra wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:13

Tawamhã sabadu na wa tô wawairébé ni, 'ri nho'õmo hawi, pazaihâ u 'Re ihâimana u'âsi mono ma, wamreme zusi da. Tame, zudeu norĩ hã tãma 're imreme zusi mono zém na wa te wasima rosa'rata za'ra wa, wa tamomo ai'aba'ré ni. Tame ma tô pi'õ norĩ hã ubumro, âdawa. Tawamhã wa norĩ hã wa tô i'rata asimro ni, pi'õ norĩ 'rata, wa te wasima rowasu'u za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:16

Tawamhã nimahã bâtâ na 'Re ihâimana u'âsi mono ma, 're idamreme zusi mono zéb u wasi'aba'réi ré, azarudu hã ma tô wawa'rãmi mo, pawa'âbâ ãna dama romhuri'wa hã. Wa'uburé ré 're hâimana mono wa, te marĩ hã romhâ ré te te dama 're awaihu'u siro, ta hã. Tawamhã azarutu wada'uri'wa norĩ hã ma tô rob'uiprazé hã ahâ na i'upana te te sima 're waibu, marĩ hã romhâ ré te te dama 're i'awaihu'u mono zé wa'â hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:22

Sézaréa u, ma tô oto wi. Ta hawi, te duré mo, Zeruzalẽ u awa'awi. Tame, ma tô si'aba'ré na sawi za'ra, isazei'wa norĩ hã. Tawamhã ta hawi, ma tô duré mo, Ãtioquia u, Siria 're, 'ri nho'õmo u. Tame te a'â duré nhamra oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:13

Tawamhã wa norĩ hã wa tô asisi ni, rowa'u'u na uba'renem na. Taha na wa tô ai'aba'ré ni, Asôsi na 'ri nho'õmo nhisi u, Pauluhu zô tame wanhimipari za'ra da. Paulu hã ma tô sima pisutu aré, ti'ai baba ãma morĩ da. Tahawa, tamomo te za wa'ãma tiwisi za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:6

Tawamhã i'u'ẽtẽ duptoi'õ na dasa da te huri parip si, Filipu hawi wa tô wanem ni, Trowadi u rowa'u'u na uba'renem na. Bâdâ 5 na ma tô wa'ãma ai'utõ, tamomo wasi'aba'réi ré. Tame, wa tô wasi'ãma aihutu ni apâ, aibâ norĩ wawana isi'aba'ré norĩ me. Romhuri misi, ma tô wa'ãma ai'utõrĩ za'ra, tame wasi'ubumroi ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:16

Sézaréa ãma isazei'wa norĩ hã ma tô wame si'mazatõrĩ za'ra, umro na wame 'masi'aba'réi hutu da. Tawamhã Menasõhõ nhorõwa u ma tô wame ai'aba'ré, tame wasi'ubumro da a'â. Duréihã isazei'wa, Menasõ hã. Ipotozé hã Sipri na rob'ré za'iti nhisi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:23

Tawamhã da'wapéi'wa norĩ nhib'apito hã te oto sô tihârâ zahuré, tizapari da'wapéi'wa wada'uri'wa norĩ zô. Ãne te tãma rob'ru zahuré: — Ma'ãpé sô aihârâ aba, da'wapéi'wa norĩ zô, para na 're inomro mono hã 200 na ihâiba norĩ zô, duré awaru na 're inomro mono hã 70 na ihâiba norĩ zô, duré isi'uwazi'wa na dapãrĩ'wa norĩ hã 200 na ihâiba norĩ zô. Mara sime na te za aiwairébé 'wa, Sézaréa u ai'aba'réi wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:1

Tawamhã apito Festu hã ma tô oto tãma ropibu, Pauluhu ma, Italia na danhipti'a nho'õmo nhisi u morĩ da, rowa'u'u na uba'renem na hã. Tawamhã wa hã, Luca hã wa tô ime mo. Zuliu na da'wapéi'wa norĩ wada'uri'wa nhisi hã ma tô duré wame satõ, Pauluhu 'madâ'â'wa da hã, duré pawasisi ré isiré isi'aba'ré norĩ 'madâ'â'wa da hã. Da'wapéi'wa wada'uri'wa nhimi'ubumro norĩ hã Danhipai u, Apito te na iwaptẽrẽ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:11

Tawamhã tame a'amo si'ubdatõ wa'ãma si'utõrĩ za'ra pari, wa tô uba'reneb 're asisi ni oto, ta hawi ãma wasi'aba'ré da. Ihâiba'õ si'ubza na uba're nhisi hã. Alesãdria hawi ma tô wei mazazâ, rob'ré za'iti u, tame nomro da a'â, rowa'u'u wahâ 're sa'wari mono ré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:16

Tawamhã Roma u wasihutu wamhã, da'wapéi'wa norĩ wada'uri'wa hã ma tô Pauluhu ma pisutu, hâiba pisutu 're hâimana mono da, danhorõwa ãma. Da'wapéi'wa si te za i'rata 're hâimana, te te 're 'madâ'â mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:5

Tawamhã isimiroti za'ra hã aihĩni ma tô saze za'ra, isazei'wa norĩ hã. Tahawa, ma tô aibâ norĩ zô rob'madâ'â za'ra. Tawamhã ma tô sãmri za'ra, Estewã hã. Ta hã, 'Re ihâimana u'âsi mono ãma te te isasõmri. Ipẽ'ẽzani na si te 're hâimana. Tawamhã ma tô duré sãmri za'ra Filipi hã, duré Procoru hã, duré Nicano hã, duré Timo hã, duré Pamenasi hã, duré Nicola hã. Ãtioquia ãma 're isãmra mono, Nicola hã. Zudeu'õ aré, ma tô sizudeu, 'Re ihâimana u'âsi mono ãma oto dame 're wata mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:30

Tawamhã isazei'wa norĩ hã da te dasima i'ru za'ra zé hã te te waihu'u za'ra wamhã, ma tô Saulu hã siwi saprõ, Sézaréa u. Ta hawi ma tô duré siwi satõ, Tasu u hã morĩ da.

Éfézu 4:11

Cristu hã ma tô ni'wam norĩ hã pisutu za'ra, isadawa wasu'u'wa 're nomro mono da. Ni'wam norĩ ma, ma tô duré pisutu za'ra, marĩ te te tãma iwaihu'u za'ra zéb zarina, 'Re ihâimana u'âsi mono te te 're sadawa wasu'u za'ra mono da, isazei'wa norĩ ma. Duré ni'wam norĩ hã ma tô pisutu za'ra, iwasu'uwẽ na te te 're dapo're pu'u za'ra mono da. Duré ni'wam norĩ hã ma tô pisutu za'ra, dama rowahutu'wa da, isimiroti na te te 're dapawaptob za'ra mono da, ãma 're dahâimana wẽ za'ra mono da.

2 Timotiu 4:5

Ta norĩ ne 're aihâimana mono õ di za. Asimiza'rese te za 're aihâimana mo. Te za duré aihâimanazém na ãma 're ipibui pese mo. Duré, Wanhib'apito zazei'wa 're aimorĩ 'ru te, da te dasiwi aima 're rob'manharĩ wasété mono nherẽ, 're asisawi mono õ di za, 're robzépata mono tõ da. Te za duré Wanhib'apito wasu'uwẽ na 're ida'apo're pu'u u'âsi mo, 'Re ihâimana u'âsi mono te te aima ipisutuzéb zarina, asimiromhuri na tãma ãma 're uwaimrami mono da.