Zezusihi zadawa wasuꞌuꞌwa norĩ nhimiromhuri na robꞌuiꞌéré 20:7 - ꞌRe Ihâimana Uꞌâsi Mono Zadawa Wasuꞌu7 Tawamhã sabadu mara na wa tô wasi'rã'õtõ ni, tame isazei'wa norĩ 're isi'ubumroi mono norĩ me, i'u'ẽtẽ wapu hã wa te huri da. Tawamhã Paulu hã sisa'u ma tô wama roti za'ra, awẽ za oto morĩ na dâ'âsina. Simiroti za'ẽtẽ na te mara wa'wam nherẽ, zahadu wama roti za'ra. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 20:7
22 ပူးပေါင်းရင်းမြစ်များ
Tawamhã hâiwi simasam haré ma tô duré Uburé Danhib'apito, ite za'ra 'Re ihâimana u'âsi mono nhimiroti na rob'ui'éré hã sõré za'ra, si'ubdatõ bâtâ pibuzé ãma isi'utõrĩ za'ra 're. Ma tô duré tawamhã si'ubdatõ bâtâ pibuzé ãma timorĩ za'ra, tiwasété na siwẽ'õ za'ra ré, duré Uburé Danhib'apito, tite za'ra 'Re ihâimana u'âsi mono ãma wata za'ra ré.
I'u'ẽne hã ma duré ti'â. 'Re ihâimana u'âsi mono ãma te duré iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Te duré tãma nharĩ za'ra, ãne: — Ã, i'u'ẽne hã huri aba. Ã hã ĩhâiba, te wasu'u, za asada ĩsisõmri aba zé. Ã hã te za 're ihuri aba mo, ĩ'ãma 're asipo're pu'u u'âsi za'ra wa'aba mono zéb da hã.
Tawamhã Wanhib'apito, bâdâdi na itẽme iwisi zahuré na, ma tô asa dama rowasu'u zahuré, isazei'wa norĩ ma. Duré, Wanhib'apito te te iwaihu'u zahuré zém na, ma tô siwasu'u zahuré. I'u'ẽne te te tãma iwẽ'ẽ zahuré na, ma tô duré Wanhib'apito hã waihu'u zahuré. Ãne na ma tô siwasu'u zahuré, Zezusihi zazei'wa norĩ ma.
Tawamhã tô taha bâtâ na dumigu na bâdâ sébré wi, ma tô si'rã'õtõ, Zezusihi siré 're inomro mono norĩ si. Dama ipire norĩ pipa te, ma tô siré 'rinhitop tete za'ra. Tame si'rã'õtõ ré, ma tô Zezusi hã tãma sihâi'ré za'ra. Taha wamhã, te iwa'wab za'ra za. Tawamhã te ãne tãma nharĩ za'ra: — Rowẽ na 're aihâimana za'ra wa'aba mono.
Tawamhã romhuri misi ãma si'utõrĩ za'ra pari, ma tô duré Zezusihi siré 're inomro mono norĩ hã si'rã'õtõ, tô dumigu na. Tome hã te oto ime tinhamra za'ra. Tawamhã 'ri nhitop tete nherẽ, ma tô duré wei itẽme tizébré za'ra, Zezusi hã. Iwa'wab za'ra, te duré ãhã wamhã za. Ãne te tawamhã duré sawi za'ra: — Rowẽ na 're aihâimana za'ra wa'aba mono.
Tahawa, te za asimiza'rese sina 're aihâimana za'ra wa'aba mo, ta norĩ wi. Te aima 're roti za'ra wa'aba mono ré hã, ma tô si'ubdatõ ĩ'ãma tiwahu. Rowa'a na wa tô aihâiba mono bâ te aima 're roti za'ra wa'wa, bara na zama, ĩwawa sina. Roti hã niwa te aiwi sazâri za'ra wa'aba õ di. Tahawa, ma'ãpé ĩnhimiromhurizém na 're aipo're pu'u u'âsi za'ra wa'aba mono za.
Tawamhã 'ritéi'wa hã, Euticu na isisi hã ma tô zanela 'ri zadazâri ãma nhamra, Paulu hã te te wama roti za'ra ré. Wama simiroti za'ẽtẽ za'ra wa, tãma aptâ'â di, 'ritéi'wai ma. Tahawa tãma aptâ'â uptabi wa, ma tô nhono. Sõtõ pese ré, ma tô waptãrã ti'ai u, hâimo zanela 'ri zadazâri hawi. Tawamhã dâ'â siromo, ma tô siwi ti'â.
Tawamhã ma tô sima pisutu za'ra, nimahã bâtâ na itẽme dasi'rã'õtõ da. Tahawa, ma tô da'ahâ na itẽme tasi'rã'õtõ ni, Paulu hã isãmrazéb u. Bâtâ bâ ma tô dama romhu, 'Re ihâimana u'âsi mono, da'ãma 're isib'a'uwẽ mono zé wasu'u na. Mozésihi nhimi'ui'éré zarina, duré 'Re ihâimana u'âsi mono zadawa 'mahârâ'wa norĩ nhimi'ui'éré 'rata zarina, ma tô tãma ãma rowasu'u pese za'ra, Zezusi hã Danho'reptui'wa da, 'Re ihâimana u'âsi mono te te ipisutu na da te saze za'ra da.
Zezusi hã wazada idâ'âzém na 're iwasipo're pu'u za'ra mono zéb da, wasiré 're wasi'rã'õtõ mono wa, 'Re ihâimana u'âsi mono ãma 're wawata za'ra mono pari, wa za hâsizém na uwa 'rãi wa'u isé hã wa te 're âhuri. Ãne hã wasiré, wa te 're âhuri mono wamhã, Cristuhu wi iwapru hã tiwi pu'u wa, wazada idâ'âzéb zarina, te rowẽzé hã wahâiba mono bâ wama 're hâimana za'ra. Duré i'u'ẽne hã wasiré, wa te 're huri mono da, wa te wasima 're wẽ'ẽ za'ra mono wamhã, Cristu hã da te dasiwi hâibapru wa, wazada idâ'âzéb zarina, te duré wahâiba mono bâ rowẽzé hã wama 're hâimana za'ra.
Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.
Dumigu sidâpâsi 're sãmra aba mono da, te za rob'uiprazé hã 're ipo'o u'âsi za'ra wa'aba mo, aihâiba mono bâ wa'aba. Aipawa'â hã suru na 're waibui wa'aba mono wamhã, suru na te za 're ipo'o za'ra wa'aba mo. Duré sa'ẽtẽ na 're waibui wa'aba mono wamhã, sa'ẽtẽ na te za duré 're ipo'o za'ra wa'aba mo. Atẽme ĩwisi aba wapsi, asiwi 'rã'õtõ aba da, asima rosa'rata za'ra wa'aba õ di za. Ĩwana ré, te za asiwi 're i'rã'õtõ u'âsi aba mo dumigu sidâpâsi, ĩzô nomro siromo da.
Tawamhã tame ĩnhamra ré, Wanhib'apito nhibâtâ na 'Re ihâimana u'âsi mono pẽ'ẽzani hã ma tô ĩ'uihâ pi'ra. Te te ĩ'uihâ pi'rai wa, wa tô aimawi ĩhâiba, ĩhâiba waihu'u õ na. Tawamhã ĩhâiba waihu'u õ na ĩhâimana ré, wa tô ni'wai mreme hã wapa, ĩbabarãi hawi. Mreme 'rãihâ na te ĩma tinha, danhimnhihârâzé hârâ 'rãihâ na ne.
ကြော်ငြာတွေ