Zezusihi zadawa wasuꞌuꞌwa norĩ nhimiromhuri na robꞌuiꞌéré 2:35 - ꞌRe Ihâimana Uꞌâsi Mono Zadawa Wasuꞌu

³⁵ Zahadu, wa za aipawapto. Siwi aiwẽ'õ'wa norĩ ma, asiptete di za. Tahawa, a hã tô sena Danhib'apito uptabi na te te siwi aiwaihu'u wa, te za aima 're 'rã po za'ra. Asisiti te za duré 're i'azatõrĩ mo.’ ”

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:35 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Salmu 110:1

Uburé Danhib'apito, ma tô ĩnhib'apito ma tinha ãne: “Ma'ãpé ĩnhimire niwĩ ĩzababamhã asãmra, aipara zahâpâ asitob'ru norĩ za te isõrézéb u.”

Salmu 72:9

Rop si 're irosa'wari mono ãma 're ihâimana za'ra mono hã te za isõ'remhã tãma 're siwẽ'ẽ za'ra. Isitob'ru norĩ hã te za duré tãma siséb za'ra wa, ipaparab u hã si'uihâ na tãma sisãmra, robzapru tẽmemhã.

Luca 19:27

Oto ĩ'rui'wa norĩ hã we ĩtẽme ãwisi za'ra wa'aba. Ma tô siwi ĩwẽ'õ za'ra, tãma ĩsi'apito za'ra tõ da. Tahawa, te za ĩnho'a asiwi isimroi wa'wa.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:34

Dawi hã dâ'â wamhã, hâiba wahuré morĩ õ di, hâiwa u hã. Cristuhu si ma tô hâiba wahuré mo, hâiwa u apâ. Tahawa, ãne ma tô duré wahi'rata norĩ ma Cristu wasu'u wẽ, Dawi hã: “'Re ihâimana u'âsi mono te roti, Ĩnhib'apito ma: ‘We aimorĩ, ĩ'rata 're asãmra mono da, ĩnhimire niwĩ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:36

Tahawa, wa hã wa aima rowasu'u za'ra wa'wa, waihu'u pese za'ra wa'aba da oto, duré uburé wasiré Izaraéu nhihudu norĩ te te waihu'u pese za'ra da. Zezusi hã da te dasiwi sasõmri da, dama i'ru za'ra wa'wa hã, ta hã 'Re ihâimana u'âsi mono te te ipisudu, uburé Danhib'apito da hã, duré uburé Danho'reptui'wa da hã. Ma'ãpé ãhã wasu'u hã tô sena na waihu'u pese za'ra wa'aba.

Roma 16:20

Rowẽ na 're idanomro mono zé hã, 'Re ihâimana u'âsi mono hawimhã. Ta hã te za rowẽzé hã te te aima 're anhomri 'wa. Wahi hã dapara na da te 're iwati'i za'ra mono ne, te za Satanasihi nhiptetezé hã romhutu na te te tiwi 're a'uprosi 'Re ihâimana u'âsi mono hã, tô õ hã Satanasi hã asahâpâ 're hâimana za'ra wa'aba mono da oto. Wanhib'apito Zezusihi wi, wa wa te tiwi 're rowaptẽrẽ u'âsi, tinhimipawaptobzé hã te te aima 're sõmri za'ra wa'aba mono da, ai'rata 're hâimana u'âsi za'ra wa'aba mono da.

Apocalipsi 19:19

Tawamhã â hawi ropoto siwamnarĩ hã wa tô 'madâ, ti'ai ãma dama ipire za'ra mono norĩ me. Ta norĩ hã ma tô tite da'wapéi'wai mono bâ te te 'rã'õtõ, awaru irã 'mapraba'wa hã te te siwi 'wapé da, duré isiré da'wapéi'wa norĩ zama te te siwi 'wapé za'ra da.