Zezusihi zadawa wasuꞌuꞌwa norĩ nhimiromhuri na robꞌuiꞌéré 19:34 - ꞌRe Ihâimana Uꞌâsi Mono Zadawa Wasuꞌu

³⁴ Tane nherẽ, zudeu na 're ihâimana mono na da te waihu'u za'ra wamhã, ma tô sa'ẽtẽ tihârâ 'rãihâ na 'mahârâ za'ra. Ãne te õhõ si 'mahârâ za'ra: — Diãna, ta hã iwaihu'upe. Danhipai u, siptete uptabi di, ãma 're iwawata za'ra mono hã, ãme Éfézu ãma hã. Dahârâ hã da te sahâri su'u za'ra õ di. Maparane bâtâ pibuzé hã ma tô da'ãma ai'utõ, da te nasi 'mahârâ za'ra ré hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:34 ပူးပေါင်းရင်းမြစ်များ

Mateu 6:7

— Duré, 'Re ihâimana u'âsi mono ma, 're aimreme zusi aba mono wamhã, taré aimreme na 're sahu ahâ za'ra wa'aba mono õ di za apâre, 'Re ihâimana u'âsi mono hã te te 're aiwapari za'ra wa'aba mono õ newa. 'Re ihâimana u'âsi mono waihu'u'õ'wa norĩ si te timreme na te te tãma 're sahu u'âsi za'ra taré, taha zarina si te te 're pawaptob za'ra mono da newa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:20

Tawamhã apito siromanu norĩ nho're te te siwi simizusi wamhã, te ãne tãma rowasu'u za'ra: — Ã aibâ norĩ hã, zudeu norĩ siré 're iwanomro mono zém na ma tô wawi ãma ro'wa'ré zahuré, ãme waza'rui 'remhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:24

Aibâ hã Dimetriu na isisi hã ẽtẽ waipo prã prata na rob'manharĩ'wa hã ma tô ro'wa'rutu na sãna'rata. Rob'manharĩ isurure te te 're ab'manharĩ, Dimetriu hã. Diãna na romhâiba nhisi 're isimasa mono zém ne hã 'ri isurure te te 're ab'manharĩ, ẽtẽ waipo prã prata na. Tãma iromhuri'wa norĩ hã pawa'âbâ za'ẽtẽ di, rob'manharĩ isurure wa'âbâ zarina.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:26

Ãhã na, asi'uihâ na ma tô Pauluhu nhimiroti hã iwapari za'ra wa'wa. Isimiromhuri hã ma tô duré i'madâ'â za'ra wa'wa, ãme Éfézu ãma hã duré uburé Azia 'remhã. Ta hã ma tô te te dama 're anharĩ, 're iwahâimana za'ra mono zém hawi, 're dasipizari za'ra mono da. Da'ahâ na ma tô saze za'ra ni, isimirowahutu na hã. Marĩ hã danhib'rata na da te 're i'manharĩ za'ra mono hã tô sena iwaihu'u pese õ di, u, ãma 're idawata za'ra mono da hã. Ãne te te dama 're rowahutu, ta hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:28

Ãne hã imreme te te wapari za'ra wamhã, ma tô ab'ru za'ra ni. Ma tô 're hãsi, hârâ 'rãihâ na, ãne: — Diãna hã, ta hã iwaihu'upe. Danhipai u, dama siptete uptabi di. Ãme, Éfézu ãma 're iwasi'ubumroi mono hã ãma 're iwawata za'ra mono hã, wẽ uptabi di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:33

Tawamhã zudeu norĩ hã ma tô aibâ ma rob'ru za'ra, Alesãdri na isisi ma, danho're sab da. Ma tô siwi wada'u aré Alesãdri hã, timreme na te te dawi robzâri da. Tahawa, ma tô tinhib'rada hã hâiwi dama wẽ, ari'iwi dasi'ubumro da, te te dama rowasu'u da a'â.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:35

Tawamhã 'ri nho'õmo ãma danhib'apito pazapari'wa hã ma tô dazadawa uwati, ari'iwi dasi'ubumro da. Tawamhã dawarõtâ'â wapsi, te oto dama roti, ãne: — Éfézu ãma 're ai'ubumroi wa'aba mono norĩ, ĩwapari pese za'ra wa'aba. Wa norĩ hã ãme Éfézu ãma 're iwasi'ubumroi mono hã Diãna hã iwaihu'upe 're isa mono zé hã wa wa te 're 'madâ'â pese za'ra, 'ri hã. Diãnahã hâiba ne ẽtẽ 'manharĩ iwazéb zahi hã hâiwa hawi watẽme we iwaptã hã taha zama, wa wa te 're 'madâ'â za'ra, ãme.

Roma 2:22

Duré damro na dasiwi 're danhipsaihuri za'ra mono tõ da, dama 're roti za'ra wa'aba mono nherẽ, te duré a norĩ wa'wa hã aimro na asiwi 're asipsaihuri za'ra wa'aba mo. Duré uburé romhâiba 'manharĩ hã 'Re ihâimana u'âsi mono upana, ãma 're idawata za'ra mono zé hã asiwi 're wẽ'õ pese za'ra wa'aba mono nherẽ, te 'ri para 're isimasa mono zéb u 're asisisi aba mo, marĩ, 're simi'uri za'ra wa'aba mono da.

Apocalipsi 13:4

Ma tô duré ho'orã hâiba ne ropoto siwamnarĩ ãma tawata za'ra ni aihĩni, â hawi ropoto siwamnarĩ ma, tinhimi'manharĩ waihu'u pese zé hã te te tãma sõmri wa. Tane ma tô duré â hawi ropoto siwamnarĩ ãma tawata za'ra ni. Ãne te ãma tawata za'ra ni: — E 'wa hã isine hâimana waihu'u pese bâ. E 'wa hã duré isiptete wabzu'wa pâ.