Tawamhã romhâ prã na ma tô isiti timorĩ za'ra, Zezusi hã. Dumana na te nomro ti'ai wa, Timama ma, mreme da. Ãne te tãma mre: — Ĩmama, asima wẽ wamhã, ĩma ba'a, ĩdâ'âzé hã te sépata tõ da. Tane nherẽ, te ĩsima iwẽzéb uwaibaba, ĩma pisutu õ di za. Asima iwẽzéb uwaibaba si, te 'manharĩ da hã, ĩma wẽ di, wa hã.
Zezusihi zadawa wasuꞌuꞌwa norĩ nhimiromhuri na robꞌuiꞌéré 18:21 - ꞌRe Ihâimana Uꞌâsi Mono Zadawa Wasuꞌu21 Tahawa, ma tô tãma nharĩ za'ra asa, ãne: — 'Re ihâimana u'âsi mono te te ĩma waihu'u wapsi, wa za we atẽme ĩmorĩ 'wa apâ. Tawamhã rowa'u'u na uba'renem na ma tô oto mo, Éfézu hawi. အခန်းကိုကြည့်ပါ။ |
Zezusihi zadawa wasuꞌuꞌwa norĩ nhimiromhuri na robꞌuiꞌéré 18:21
28 ပူးပေါင်းရင်းမြစ်များ
‘Danhimizama hã romhâiba 'manharĩ ãma 're dawata za'ra mono da, da te 're isimroi mono nhi hã 're huri aba mono õ di za. Duré iwapru hã 're âhuri aba mono õ di za. Duré danhimizama da te 're isõ'reti za'ra mono nhi hã 're huri aba mono õ di za. Duré siwa'ru aihâimanazé iwasédé hã 're 'manharĩ za'ra wa'aba mono õ di za, pi'õ na aibâ na zama.’ Ãne na si wanhimiroti za'ra hã, aima za'ra wa'aba hã. Ãne na wanhimiroti zarina 're anomro aba mono wamhã, aima 're rowẽ za'ra wa'aba mono di za. Wa ãma asawi za'ra wa'aba ni, irẽme ma.”
Tawamhã taha wasu'u hã da te wapari za'ra wamhã, ma tô tapahi za'ra ni, Zezusihi zadawa para newa, marĩ hã duré da te 're 'manharĩ za'ra mono tõ da. Aihĩni, ma tô iwasu'u hã wapari za'ra ni, Éfézu ãma 're isi'ubumroi mono norĩ hã, zudeu norĩ hã, duré zudeu'õ norĩ hã. Tawamhã da te sazei uptabi za'ra õ nherẽ, ma tô aihĩni ãma tawata za'ra ni, Wanhib'apito Zezusihi ãma.
Ta norĩ hã ma tô aibâ hã 'madâ'â za'ra aré, Trufimu na isisi hã, Éfézu ãma 're isãmra mono hã. 'Ri nho'õmo nhi'riti na Pauluhu siré morĩ ré, ma tô 'madâ'â za'ra. Tahawa, ma tô ãma romnomri za'ra, zudeu'õ nherẽ, 'Re ihâimana u'âsi mono nhorõwa 'ri u, Paulu te te saprõni 'ru te. Tahawa, te ãne da'mahârâ za'ra, zudeu norĩ hã.
Ĩtoi uptabi na ãma atẽme ĩwisi za'ra wa'aba da, te za duré ĩ'ãma aimreme zusi u'âsi 'wa. 'Re ihâimana u'âsi mono, ĩmorĩzé hã te te ĩma pisutu wapsi, wa za tô ãma atẽme ĩwisi za'ra wa'wa. Tawapsi ĩma rowẽ uptabi di za, wasiré isazei'wa norĩ hã 'râwi wasisabu za'ra wẽ te. Duré te ãma wazere wapsi hã, wa za a'â ai'rata ĩwa'utu za'ra wa'wa za.
Éfézu ãma, ni'wam norĩ hã ma tô ĩzada tihâimana wasété za'ra, robzahi hã dazô 're iwairébé mono ne. Ta norĩ 'rata, ĩhâimana ré hã, ĩma romnhimimnhasi uptabi di, te te siwi ĩwĩrĩ da newa. Tawamhã dahâiwa'utuzé wasu'u hã taré wamhã, e sena aré ĩnhimiromhuri hã, Cristuhu ma hã, ĩma romnhimimnhasi nherẽ, te tãma romhuri wamhã aré. Ãne hã i'uwaibaba õ di tô aré, ĩma hã. Tarére aré, te 're iromhuri mono zé hã. Dahâiwa'utuzé wasu'u hã tô senai õ 'wa'âhã, ti'ai ãma 're wahâiba si'utõrĩ pese za'ra mono 'wa'âhã, i'uwaibaba wa aré danhimiroti wasété na, wa te da'ãma 're sasõmri za'ra. Ãne danhimiroti wasédé hã: “Ãté romhutu na, wa za wasi'utõrĩ. Ãté awẽm na niha wamhã. Tahawa, ãhã na hã watozém na si siwa'ru wato za'ra wa'aba, wanhirõiwi da, wasazém na, duré âzé na.” Ãne wamhã, wa aré tô ibâre, wa te da'ãma 're sasõmri za'ra, dahâiwa'utuzé wasu'u hã tô senai õ 'wa'âhã.
Ãma atẽme ĩwisi za'ra wa'aba wamhã, ai'rata ĩnhamra hutu za'ra wa'aba da, te ĩsina roti õ di. Ai'rata ĩnhamra hâ za'ra wa'aba da si, wa tô ĩsima wẽ. Ãne na dâ'âsina, awa'awi ãma atẽme ĩwisi aba õ di za. Nimahã na si, wa za ãma atẽme ĩmorĩ za'ra wa'wa. Tawapsi, wa za ai'rata ĩnhamra hâ za'ra wa'wa, Wanhib'apito hã te te ĩma pisutu pese wamhã.
Tane nherẽ, Wanhib'apito te te ĩma pisutu wamhã, wa za tô ãma atẽme ĩmorĩ su'u za'ra wa'wa, romhutu na. Ni'wam norĩ hã 'Re ihâimana u'âsi mono nhib'a'uwẽ 're nomro mono wamhã, timreme nhipese na Cristuhu wasu'uwẽ na te te dama 're rowasu'u za'ra mono õ di za, da te 're wapari ze za'ra mono da. 'Re ihâimana u'âsi mono pẽ'ẽzani, tiwaihu'u pese na te te 're ipawaptob za'ra mono zém na si, te za te te 're dapawaptob za'ra, da te ãma 're saze za'ra mono da. Taha zarina si, te za ãma 're hâimana wẽ u'âsi za'ra, ta norĩ hã. Tahawa, ãma atẽme ĩmorĩ za'ra wa'aba wamhã, wa za ĩsina aiwaihu'u za'ra wa'wa, aiwaihu'u pese na 'râwi 're i'asi'madâ'â ze za'ra wa'aba mono norĩ hã. 'Re ihâimana u'âsi mono pẽ'ẽzani, tiwaihu'u pese na te te 're aipawaptob za'ra wa'aba mono zéb zarina, sena na 're idapawaptob za'ra wa'aba mono na, wa za duré ĩsina aiwaihu'u za'ra wa'wa, sena na ãma 're idapawaptob za'ra wa'aba mono õ na zama. Asina 're aiwata za'ra wa'aba mono sina, aiwaihu'u pese na dama 're asiwasu'u za'ra wa'aba mono zép si, te waihu'u tõ da, wa za ãma atẽme ĩmorĩ za'ra wa'wa, sena na 'Re ihâimana u'âsi mono pẽ'ẽzani nhimipawaptobzéb zarina, 're aihâimana za'ra wa'aba mono na si, 'râwi te aiwaihu'u za'ra wa'aba da, ĩsi'uihâ na.
Ĩsisãnawã norĩ, ĩnhimi'ui'éré na wa za oto aima ãma 'rãsutu za'ra wa'wa. 'Re aihâimana wasété za'ra wa'aba mono zé hã te za oto irẽme pese za'ra wa'wa. Te aima 're iroti za'ra wa'aba mono zé hã te za 're iwapari pese za'ra wa'aba mo. Tahawa, te za simisutu asimirosa'rata na 're asisazei pese za'ra wa'aba mo. Rowẽ na si asiré 're aihâimana u'âsi za'ra wa'aba mono da, te za duré asina 're irosa'rata wẽ u'âsi za'ra wa'aba mo. Ãne wamhã, 'Re ihâimana u'âsi mono hã isimizawi pe hã, te za 'râwi asiré 're hâimana u'âsi za'ra wa'wa, dama rowẽ nhomri'wa hã.
Wa hã Paulu, Cristu Zezusihi zadawa wasu'u'wa, wa 're ĩhâimana, 'Re ihâimana u'âsi mono te te sima ĩwẽzéb zarina. Tahawa, wa ãma aima rob'ui'éré za'ra wa'wa, Éfézu na 'ri nho'õmo nhisi ãma, 'Re ihâimana u'âsi mono nhib'a'uwẽ, 're i'aihâimana za'ra wa'aba mono norĩ ma. A norĩ wa'wa hã ma tô õne u'â Zezusihi ãma si 're anomro aba mo, aihâimana nhiptete sina.
Ãté 're aihâimana wẽ za'ra wa'aba mono 'ru te, te za da te aima 're rob'manharĩ wasété za'ra wa'wa. Ãne zarina, 're robzépata za'ra wa'aba mono wamhã, te za iwaihu'u za'ra wa'wa, 'Re ihâimana u'âsi mono te te sima 're aiwẽ za'ra wa'aba mono zéb zarina, a'â 're irobzépata za'ra wa'aba mono na. Ãne hã te te wama 're awẽ mono õ di, dama 're iwahâimana wasété za'ra mono zéb da hã. Dama 're wahâimana wasété za'ra mono wamhã, ãté te za da te 're wahâ za'ra. Ãne zarina, wa te 're robzépata za'ra mono wamhã, i'uwaibaba wa za tô wa te 're robzépata za'ra.
Ãne te tawamhã ĩma tinha: — Ãhã na marĩ hã te za i'ab'madâ'â mo. Tawamhã uburé i'ab'madâ'â mono hã te za ibaihâ na ãma irob'ui'é. Ãma rob'ui'éré parimhã, Zezusihi zazei'wa norĩ, 'ri nho'õmo mono bâ siré 're isi'rã'õtõ mono norĩ ma, te za ibaihâ hã isõmri za'ra, 'Ri nho'õmo nhisi mono bâ, ãne isisi norĩ ma: Éfézu, duré Esmina, duré Pegamu, duré Tiatira, duré Sadési, duré Filadéufia, duré Laudiséa. Ã norĩ ma, te za asimi'ui'éré hã tãma isõmri za'ra, isazei'wa norĩ ma, 7 na 'ri nho'õmo ãma 're isi'rã'õtõ mono norĩ ma hã.
Tawamhã Zezusi hã ĩtẽme iwi hã ma tô duré ĩma roti, ãne: — Zuwã, te za oto irob'ui'é, Éfézu na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã wa ĩsi'uihâ na aima roti za'ra wa'wa, wasi hã 7 na ihâiba za'ra hã ĩnhib'rata nhimire niwĩ te itété za'ra hã, duré 7 na rob'uiwẽzé sima'warazé wa'wa 're ĩmorĩ hã, oru 'manharĩ wa'wamhã.
ကြော်ငြာတွေ