Zezusihi zadawa wasuꞌuꞌwa norĩ nhimiromhuri na robꞌuiꞌéré 17:28 - ꞌRe Ihâimana Uꞌâsi Mono Zadawa Wasuꞌu

²⁸ Ta hã 're morĩ u'âsi õ 'wa'âhã, ãne aré 're wahâimana za'ra mono õ di. Duré waihu'u pese õ 'wa'âhã, ãne aré, duré 're wanomro mono õ di. Asõ're za'ra wa'aba na te rosawẽrẽ'wa norĩ hã ãne wama rowasu'u za'ra: “Wa norĩ hã isimipodo, i'ra.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:28 ပူးပေါင်းရင်းမြစ်များ

Salmu 36:9

A hã dahâimanazém nhana'rada. Asimirowa'a zarina, wa duré wa norĩ hã tô õ hã rowa'a hã 'madâ'â za'ra ni.

Daniéu 5:23

Tane nherẽ, hâiwa ãma Uburé Danhib'apito da, i'aihâimanazéb zarina, ma tô hâsizé 'Re ihâimana u'âsi mono nhorõwa 'ri 'rãihâ 're, 're isimasa mono, da te iwaibu za'ra hã dama i'ru, da te we 'wasari da, sô i'aihârâ za'ra dama ipire norĩ hã duré aimro norĩ, duré aimro prã aima 're ihâimana za'ra wa'aba norĩ te te uwa 'rãi wa'u isé iwa âhuri da hã, asiré. Taha nhipai u ma tô duré ihâiba'õ norĩ ãma hã aiwa, ẽtẽ waipo prã prata 'manharĩ na, ẽtẽ waipo pré oru 'manharĩ na, ẽtẽ topsada brõzi 'manharĩ na, isi'uwazi tete 'manharĩ na, wede 'manharĩ na, duré ẽtẽ 'manharĩ na, te te 're irob'madâ'â waihu'u mono õ na, duré 're isimipari waihu'u mono õ na, marĩ te te 're iwaihu'u za'ra mono õ na. Tane nherẽ, a hã, 'Re ihâimana u'âsi mono dapãrĩ waihu'u pese 'wa na duré dahâiba ré na te te 're ida'arẽme mono ãma aiwata õ di, uburé marĩ aima 're hâimana mono da, te te sima 're irowairébé mono ãma hã.

Luca 3:38

Ca'inahã poto'wa nhisi hã, Enosi na isisi hã. Enosihi poto'wa nhisi hã, Seti na isisi hã. Setihi poto'wa nhisi hã, Adã na isisi hã. Adãhã poto'wa hã, 'Re ihâimana u'âsi mono.

Zuwã 11:25

Tawamhã Zezusi te duré asa tãma tinha, ãne: — Wa hã, 're dadâ'â za'ra mono nherẽ, te 're da'ahâiwa'utu mono pari, 're idanomro u'âsi mono zé te dama 're i'apisutu mono. Ni'wam norĩ hã Danho'reptui'wa na te te sina 're ĩ'umnhasi za'ra mono wamhã, tãma 're rowẽ za'ra mono di za. 'Re dâ'â za'ra mono wamhã, dâ'â ãna te za 're hâimana u'âsi za'ra, hâiwa ãma. E tô sena ma ĩmreme hã isaze.

Zuwã 5:26

Imama hã dapẽ'ẽ 're, dadâ'â ãna rowẽ na 're idahâimana u'âsi za'ra mono zé nhomri'wa dama. I'ra wa, ma tô duré pisutu, taha zama 're idahâimana u'âsi za'ra mono zé nhomri'wa na dama 're ihâimana mono da hã.

Colosu 1:17

Cristu hã õne u'âsi te tô 're hâimana, marĩ õ uptabi ré hã. Ta hã te uburé marĩ hã tinhimipoto mono bâ te te 're atété tiwaihu'u pese na, si'wa'rutu na tiwi 're hâimana za'ra mono ãna, tãma 're hâimana za'ra mono da, simisutu.

Titu 1:12

Cereta nhihudu hã tô sena na ma tô tisiré norĩ hâimanazém na rowasu'u. Ãne te tinha, romhâ ré dapo're pu'u'wa hã: “Cereta nhihudu norĩ hã sadawa nhipese na te 're nomro. Abaze zahi ne, te duré 're nomro, sahi u'âsi. Wa'a za'ra nherẽ, te tisa zô si 're sõpré.” Ãne te dawasu'u, romhâ na ré dapo're pu'u'wa hã.

Hebreu 1:3

Õhõ si te oto Timama hã iwẽ uptabi na te te dama 're wasu'u, rowa'a isa'ẽtẽ ré na hã. Taha si te Timama ne 're hâimana, aiwa wa. Tinhimiroti nhiptete na te uburé marĩ hã te te 're a'upari wẽ, 're si'utõrĩ tõ za'ra mono da. Õhõ si dawasédé hã te te dama 're apari mono da, dazada dâ'â wa, taha pari hâiwa'utu wa, te oto 'Re ihâimana u'âsi mono nhimire niwĩ 're sãmra hâiwa ãma, danhipai u iwaihu'u pese uptabi nhimire niwĩ, isiré te te 're da'ab'madâ'â mono da oto, pire uptabi na.

Hebreu 12:9

Ti'ai ãma wamama uptabi norĩ hã wawasété na 'râwi 're wasiwaihu'u za'ra mono da, wanhimiza'rese wi te te 're wahâ za'ra mono wamhã, wa tô ta norĩ hã wa te 're hâimana wazéb za'ra, wama pire na 're hâimana za'ra mono wa. Taha nhipai u, wa za duré hâiwa ãma Wamama uptabi hã wa te 're wapari pese za'ra, te te 're wa'ahâ za'ra mono nherẽ, rowẽ na õhõ ãma si 're wanomro u'âsi mono da oto.

Hebreu 2:11

Zezusi hã ma tô dawasédé hã te te dama 're apari. Taha zarina te iwasédé te te tãma 're i'apari mono norĩ ma, isiré misire Imama za'ra na hã tô õhõ si tãma 're hâimana za'ra. Tahawa, Zezusi hã ãma 're sisé mono õ di, ta norĩ hã tisisãnawã na za te te 're anhisi mono na dâ'âsina, 'Re ihâimana u'âsi mono hã misire Imama za'ra wa, simisutu. Te za tô tisisãnawã na te te 're anhisi, Zezusi hã.

1 Samuéu 25:29

Ni'wa hã te te aiwĩrĩ da, te te ai'wapéi pibui wamhã, te za ate 'Re ihâimana u'âsi mono hã ai'wawi aimapa, aibâ tiha iwa'âbâ za'ẽtẽ 'wawi 're isimapa mono ne. Tahawa, te za duré asitob'ru norĩ hã romhâ na aima sãmra za, aibâ ẽne tite powawẽ hâ 'manharĩ na te te 're i'anhamra mono ne.